Ամբակում 1։1-17
1 Ամբակում* մարգարեին տեսիլքի միջոցով հաղորդված խոսքը.
2 Ո՜վ Եհովա, ինչքա՞ն պիտի աղերսեմ օգնության համար, և դու չլսես:+
Ինչքա՞ն պիտի օգնության կանչեմ, որ փրկես բռնությունից, և դու չմիջամտես:+
3 Ինչո՞ւ ես ինձ չարիքի ականատես դարձրել:
Եվ ինչո՞ւ ես հանդուրժում կեղեքումը:
Ինչո՞ւ եմ բռնություն ու կործանում տեսնում,Ինչո՞ւ են այսքան շատ վեճեր ու ընդհարումներ լինում:
4 Օրենքը կորցրել է իր ուժը,Ու երբեք արդարադատություն չի իրականացվում:
Անօրենը շրջապատել է արդարին,Այդ պատճառով արդարադատությունը խեղաթյուրվում է:+
5 «Նայե՛ք ազգերին և տեսե՛ք,Մեծ զարմանքով նայե՛ք ու ապշահա՛ր եղեք,Որովհետև ձեր օրերում մի այնպիսի բան է լինելու,Որի մասին եթե ասեին ձեզ, չէիք հավատա:+
6 Ահա ես ոտքի եմ հանում դաժան ու պոռթկուն մի ազգի՝ քաղդեացիներին,+Որոնք սլանում են երկրի լայնարձակ տեղերով,Որ տիրանան իրենց չպատկանող բնակատեղերին:+
7 Նրանք վախազդու են և զարհուրելի:
Նրանք արդարության իրենց չափանիշներն ու իրենց իշխանությունն են հաստատում:+
8 Նրանց ձիերը ընձառյուծներից սրընթաց են,Նրանք ավելի կատաղի են, քան գայլերը գիշերը:+
Նրանց մարտական ձիերը քառատրոփ առաջ են սլանում:
Նրանց ձիերը գալիս են հեռվից,Նրանք սուրում են, ինչպես արծիվը որսի վրա:+
9 Բոլորը գալիս են կռվելու փափագով:+
Միասին առաջ ընթանալիս նրանք նման են արևելյան քամու,+Նրանք ավազի չափ գերիներ են վերցնում:
10 Այդ ազգը ծաղրում է թագավորներինԵվ ծիծաղում է բարձրաստիճան պաշտոնյաների վրա:+
Նա ծիծաղում է ամեն ամրության վրա,+Հողաթմբեր է կանգնեցնում և գրավում դրանք:
11 Ապա քամու պես առաջ է շարժվում և անցնում երկրի միջով:
Բայց նա մեղավոր կհամարվի,+Քանի որ իր ուժը վերագրում է իր աստծուն»:*+
12 Մի՞թե դու հավերժական չես, ո՛վ Եհովա:+
Ո՛վ իմ Աստված, իմ Սո՛ւրբ, դու չես մահանում:*+
Ո՛վ Եհովա, դու նշանակեցիր նրան՝ քո դատաստանն իրագործելու համար,Իմ Վե՛մ,+ հաստատեցիր նրան՝ մեզ պատժելու* համար:+
13 Քո աչքերը չափազանց մաքուր են, ուստի չեն կարող նայել չարիքին,Եվ դու չես կարող հանդուրժել չարությունը:+
Ուրեմն ինչո՞ւ ես հանդուրժում նենգավորին+Եվ լռում, երբ չար մարդը կուլ է տալիս իրենից արդարին:+
14 Ինչո՞ւ ես մարդուն դարձնում ծովի ձկների պես,Ծովային կենդանիների, որոնք իրենց վրա իշխող չունեն:
15 Նրանց բոլորին նա* հանում է կարթով,Բռնում է իր ուռկանով և հավաքում իր ձկնորսական ցանցի մեջ.
Այդ պատճառով նա ուրախությունից ցնծում է:+
16 Այդ պատճառով նա զոհեր է մատուցում իր ուռկանինԵվ զոհաբերություն անում* իր ձկնորսական ցանցին,Որովհետև դրանց շնորհիվ նրա բաժինը յուղալի է,Եվ կերակուրը՝ ընտիր:
17 Մի՞թե նա շարունակելու է լցնել ու դատարկել իր ուռկանները,*Մի՞թե շարունակելու է անգթորեն կոտորել ազգերին:+
Ծանոթագրություններ
^ Հնարավոր է՝ նշանակում է «ջերմ գրկախառնություն»:
^ Կամ հնարավոր է՝ «Նրա ուժն իր աստվածն է»:
^ Կամ հնարավոր է՝ «մենք չենք մահանալու»:
^ Կամ՝ «նախատելու»:
^ Այսինքն՝ թշնամին՝ քաղդեացիները:
^ Կամ՝ «զոհերի ծուխ մատուցում»:
^ Կամ հնարավոր է՝ «շարունակելու է հանել իր սուրը»:
