Ամոս 1։1-15
1 Ամոսի՝* Թեկուեի+ ոչխարաբույծներից մեկի խոսքերը այն մասին, թե նա ինչ տեսավ Իսրայելի վերաբերյալ տեսիլքում Հուդայի թագավոր Օզիայի+ և Իսրայելի թագավոր Հերոբովամի՝+ Հովասի+ որդու օրերում՝ երկրաշարժից երկու տարի առաջ:+
2 Նա ասաց.
«Եհովան Սիոնից առյուծի պես կմռնչաԵվ Երուսաղեմից ձայն կտա:
Արոտավայրերը սուգ կանեն,Եվ Կարմեղոսի գագաթը կչորանա»:+
3 Ահա թե ինչ է ասում Եհովան.
«Դամասկոսի երեք ապստամբությունների* և չորսի պատճառով* ես իմ որոշումը չեմ փոխի,Որովհետև նա Գաղաադը երկաթե կամներով կալսեց:*+
4 Ուստի կրակ կուղարկեմ Ազայելի+ տան վրա,Եվ այն կլափի Բենադադի ամուր աշտարակները:+
5 Ես կկոտրեմ Դամասկոսի դարպասների նիգերը,*+Կբնաջնջեմ Բիկաթ-Ավենի բնակիչներին ու Բեթ-Եդեմում իշխողին,*Եվ Ասորիքի ժողովուրդը կգերեվարվի Կիր»,+– ասում է Եհովան:
6 Ահա թե ինչ է ասում Եհովան.
«Գազայի երեք ապստամբությունների+ և չորսի պատճառով ես իմ որոշումը չեմ փոխի,Որովհետև նա ամբողջ ժողովրդին գերի վերցրեց+ ու հանձնեց Եդոմի ձեռքը:
7 Ուստի կրակ կուղարկեմ Գազայի պարսպի վրա,+Եվ այն կլափի նրա ամուր աշտարակները:
8 Կբնաջնջեմ Ազոտոսի բնակիչներին+ ու Ասկաղոնում իշխողին:*+
Ակկարոնին կպատժեմ,+Եվ կենդանի մնացած փղշտացիները կվերանան»,+– ասում է Գերիշխան Տեր Եհովան:
9 Ահա թե ինչ է ասում Եհովան.
«Տյուրոսի երեք ապստամբությունների+ և չորսի պատճառով ես իմ որոշումը չեմ փոխի,Որովհետև նա բոլոր գերիներին հանձնեց Եդոմի ձեռքըՈւ չհիշեց եղբայրական ուխտը:*+
10 Ուստի ես կրակ կուղարկեմ Տյուրոսի պարսպի վրա,Եվ այն կլափի նրա ամուր աշտարակները»:+
11 Ահա թե ինչ է ասում Եհովան.
«Եդոմի երեք ապստամբությունների+ և չորսի պատճառով ես իմ որոշումը չեմ փոխի,Որովհետև նա սրով հետապնդեց իր եղբորը+Եվ չուզեց գթասիրտ լինել:
Կատաղությամբ լցված՝ նա անողոքաբար հոշոտում է նրան,Եվ նրա ցասումը միշտ բորբոքված է:+
12 Ուստի կրակ կուղարկեմ Թեմանի+ վրա,Եվ այն կլափի Բոսրայի ամուր աշտարակները»:+
13 Ահա թե ինչ է ասում Եհովան.
«Ամմոնացիների երեք ապստամբությունների+ և չորսի պատճառով ես իմ որոշումը չեմ փոխի,Որովհետև իրենց սահմաններն ընդարձակելու համարՆրանք պատռեցին Գաղաադի հղիների որովայնը:+
14 Ուստի ես կհրկիզեմ Ռաբայի պարիսպը,+Եվ կրակը կլափի նրա ամուր աշտարակները:
Դա պատերազմի օր կլինի՝ մարտական գոչյունով,Փոթորկի օր՝ ուժգին մրրիկով:
15 Եվ նրանց թագավորը իր իշխանների հետ գերի կտարվի»,+– ասում է Եհովան:
Ծանոթագրություններ
^ Նշանակում է «բեռ լինել» կամ «բեռ կրել»:
^ Կամ՝ «հանցանքների»:
^ Այս և հաջորդ գլխում հանդիպող «երեք ապստամբությունների և չորսի պատճառով» արտահայտությունը կարող է նշանակել կրկնվող գործողություն:
^ Նշանակում է «հացահատիկի հասկերը կամնաքարերով տրորել, մանրել»:
^ Փայտե կամ երկաթե ձող՝ դռան հետևից գցելու և այն փակելու համար:
^ Բռց.՝ «գավազանը բռնողին»:
^ Բռց.՝ «գավազանը բռնողին»:
