Ամոս 6։1-14
6 Վա՜յ Սիոնի ինքնավստահ* մարդկանց,Նրանց, ովքեր իրենց ապահով են զգում Սամարիայի լեռան վրա՝+Նշանավոր ազգի առաջնորդներին,Որոնց մոտ է գնում Իսրայելի ժողովուրդը:
2 Գնացե՛ք Քալանե,Այնտեղից էլ՝ Մեծ Եմաթ,+Իսկ հետո՝ փղշտացիների Գեթ քաղաք ու տեսեք.
Մի՞թե դրանք այս թագավորություններից* լավն են,Կամ մի՞թե նրանց տարածքը ձեր տարածքից մեծ է:
3 Եվ դուք չե՞ք մտահոգվում աղետի օրվա մասին, որ գալու է ձեզ վրա,+Խրախուսում եք, որ բռնությո՞ւնն իշխի* ձեր երկրում:+
4 Դուք պառկում եք փղոսկրե մահճակալներին+ և մեկնվում բազմոցներին,+Ուտում եք լավագույն խոյերը և գիրացած հորթերը,*+
5 Քնարի հնչյունների ներքո երգեր եք հորինում+Եվ Դավթի պես՝ երաժշտական գործիքներ եք ստեղծում,+
6 Մեծ գավաթներով գինի եք խմում,+Օծում եք ձեզ ընտիր յուղերովԵվ չեք մտահոգվում Հովսեփի տան կործանման համար:+
7 Այդ պատճառով առաջինը ձեզ գերի կտանեն,+Եվ ձեր խրախճանքներին վերջ կդրվի:
8 Զորքերի տեր Եհովա Աստված ասում է.
«Ես՝ Գերիշխան Տեր Եհովաս, երդվել եմ իմ անձով.*+
«Ես զզվում եմ Հակոբի հպարտությունից,+Ատում եմ նրա ամուր աշտարակները,+Ուստի նրա քաղաքը և դրանում եղող ամեն ինչ թշնամու ձեռքն եմ մատնելու:+
9 Եվ եթե մի տան մեջ տասը մարդ մնա, նրանք էլ կմեռնեն:
10 Նրանցից մեկի ազգականը* կգա, նրանց դիերը տնից կհանի ու մեկ առ մեկ կայրի: Իսկ ով էլ որ լինի սենյակներից մեկում, նրան կհարցնի. «Ուրիշ մեկը կա՞ քեզ հետ»: Նա էլ կպատասխանի՝ ո՛չ: Ապա ազգականը կասի. «Լո՛ւռ մնա, որովհետև էլ իմաստ չունի Եհովայի անունը կանչել»»:
11 Ես եմ հրամայել՝ Եհովաս,+Ուստի մեծ տունը ավերակների կվերածվի,Եվ փոքր տունը՝ փլատակների:+
12 Մի՞թե ձիերը կվազեն ապառաժի վրա,Կամ մի՞թե ինչ-որ մեկը այնտեղ կհերկի եզներով:
Դուք արդարադատությունը թունավոր բույսի եք վերածելԵվ արդարության պտուղը՝ օշինդրի:*+
13 Դուք ուրախանում եք դատարկ բաներովԵվ ասում եք. «Չէ՞ որ մեր ուժով ենք հզորացել»:*+
14 Դրա համար, ո՛վ իսրայելացիներ, մի ազգ եմ ձեր դեմ հանելու,+– ասում է Եհովան՝ Զորքերի տեր Աստվածը,–Եվ նա կճնշի ձեզ Եմաթից*+ մինչև Արաբայի հեղեղատը»:*
Ծանոթագրություններ
^ Կամ՝ «ինքնագոհ»:
^ Ակներևաբար, խոսքը Հուդայի և Իսրայելի թագավորությունների մասին է:
^ Կամ՝ «Բռնության աթոռին տե՞ղ եք տալիս»:
^ Կամ՝ «մատղաշ ցլերը»:
^ Կամ՝ «իմ հոգով»:
^ Բռց.՝ «հորեղբայրը»:
^ Կամ՝ «դառնության»:
^ Բռց.՝ «Չէ՞ որ մեր ուժով ենք եղջյուրներ վերցրել»:
^ Կամ՝ «Եմաթի մուտքից»: