Ամոս 9։1-15
9 Ես տեսա Եհովային՝+ կանգնած զոհասեղանի վերևում, և նա ասաց. «Հարվածի՛ր սյուների գլուխներին, և հիմքը կսասանվի: Կտրի՛ր գլուխները, իսկ ժողովրդի միջից ողջ մնացածներին ես սրով կսպանեմ: Ոչ ոք չի կարողանա փախչել, և ով էլ փորձի ազատվել, դա նրան չի հաջողվի:+
2 Եթե նրանք հողը փորեն, որ գերեզմանում* թաքնվեն,Այնտեղից իմ ձեռքը դուրս կբերի նրանց:
Եվ եթե երկինք բարձրանան,Կիջեցնեմ նրանց այնտեղից:
3 Եթե պատսպարվեն Կարմեղոսի բարձունքում,Այնտեղ էլ կգտնեմ ու կբռնեմ նրանց:+
Եթե իմ աչքից թաքնվեն ծովի խորքում,Այնտեղ օձին կհրամայեմ, որ նրանց խայթի:
4 Եվ եթե թշնամիները նրանց գերության տանեն,Այնտեղ սրի՛ն կհրամայեմ, որ սպանի նրանց:+
Աչքս նրանց վրա կպահեմ ոչ թե բարիք անելու համար, այլ չարիք:+
5 Ես՝ Զորքերի տեր Եհովաս՝ Գերիշխան Տերը,Նա եմ, ում հպումից երկիրը հալչում է,+Եվ դրա բոլոր բնակիչները սգում են:+
Ամբողջ երկիրը բարձրանում է Նեղոսի ջրերի պեսՈւ իջնում Եգիպտոսի Նեղոսի պես:+
6 Ես նա եմ, ով իր աստիճանները շինում է երկնքում,Եվ իր երկնակամարը հաստատում է երկրի վերևում,Ով հավաքում է ծովի ջրերը,Որ թափի երկրի երեսին.+
Իմ անունը Եհովա է:+
7 Մի՞թե դուք քուշեցիների պես չեք ինձ համար, ո՛վ Իսրայելի ժողովուրդ,– ասում է Եհովան:–
Մի՞թե ես իսրայելացիներին չհանեցի Եգիպտոսից,+Փղշտացիներին՝ Կրետեից+ և ասորիներին՝ Կիրից:+
8 Ես՝ Գերիշխան Տեր Եհովաս, աչքս մեղավոր թագավորության վրա եմ պահում:
Ես կվերացնեմ այն երկրի երեսից,+Բայց Հակոբի տունը ամբողջովին չեմ վերացնի,+– ասում է Եհովան:–
9 Ես կհրամայեմ, և Իսրայելի ժողովուրդը կցրվի բոլոր ազգերի մեջ.+
Նրան կմաղեմ, ինչպես հացահատիկն են մաղում,Եվ մաղի միջից քարի ոչ մի կտոր չի ընկնի:
10 Իմ ժողովրդի մեջ բոլոր մեղավորները սրով կմեռնեն,Նրանք, որ ասում են. «Աղետը մեզ չի մոտենա, այն չի հասնի մեզ»:
11 Այդ օրը ես կբարձրացնեմ Դավթի ընկած տաղավարը+Ու կնորոգեմ ճեղքերը:*
Կվերականգնեմ դրա ավերակներն ու կվերակառուցեմ այն՝Դարձնելով այնպիսին, ինչպիսին վաղեմի օրերում էր,+
12 Որպեսզի նրանք* իշխեն ողջ մնացած եդոմացիների,+Նաև այն բոլոր ազգերի վրա, որոնք իմ անունով են կոչվում,–Ասում է Եհովան՝ այս բանն անողը:
13 Ահա օրեր են գալիս,– ասում է Եհովան,–Երբ հերկողը կհասնի հնձվորին,Խաղող ճմլողը՝ սերմ ցանողին:+
Լեռներից քաղցրահամ գինի կկաթի,+Եվ բոլոր բլուրներից կհորդի այն:*+
14 Ես իմ ժողովրդին՝ Իսրայելին, հետ կբերեմ գերությունից:+
Նրանք կվերակառուցեն ամայացած քաղաքներն ու կբնակվեն դրանցում,+Խաղողի այգիներ կտնկեն և կխմեն դրանց գինին,+Այգիներ կհիմնեն ու կուտեն դրանց պտուղը:+
15 Ես կտնկեմ նրանց իրենց երկրում,Եվ նրանք այլևս արմատախիլ չեն լինի այն երկրից,Որը ես նրանց եմ տվել,+– ասում է քո Աստված Եհովան»:
Ծանոթագրություններ
^ Եբր.՝ շեոլ: Բառարանում տես «Գերեզման»:
^ Կամ՝ «նրանց ճեղքերը»:
^ Այսինքն՝ Աստծու ժողովուրդը:
^ Բռց.՝ «բլուրները կհալչեն»:
