Առակներ 1։1-33
1 Դավթի որդու՝+ Իսրայելի թագավոր+ Սողոմոնի առակները:+
2 Դրանք իմաստություն+ են սովորեցնում և խրատում են,Օգնում են ըմբռնել իմաստուն խոսքերը,
3 Խրատելով+ դարձնում են խորաթափանց,Արդար,+ խելամիտ*+ և ուղղամիտ,*
4 Միամիտներին* օգնում են ձեռք բերել խորագիտություն,+Երիտասարդներին՝ գիտելիք և խորհելու կարողություն:+
5 Իմաստուն մարդը լսում և ավելին է սովորում,+Հասկացողություն ունեցողը իմաստուն խորհուրդներ է ձգտում ստանալ,*+
6 Որ հասկանա առակներն ու այլաբանությունները,Իմաստունների խոսքերն ու հանելուկները:+
7 Եհովայի հանդեպ վախը* գիտելիքների սկիզբն է:+
Միայն հիմարներն են արհամարհում իմաստությունն ու խրատը:+
8 Որդի՛ս, լսի՛ր քո հոր խրատը+Եվ մի՛ մերժիր քո մոր խորհուրդները:*+
9 Դրանք գեղեցիկ պսակ են գլխիդ համար+Եվ չքնաղ վզնոց՝ պարանոցիդ համար:+
10 Որդի՛ս, եթե մեղսագործները փորձեն հրապուրել քեզ,Մի՛ ընկիր նրանց ազդեցության տակ:+
11 Եթե նրանք ասեն. «Արի մեզ հետ,Արի դարան մտնենք, որ արյուն թափենք:
Հենց այնպես՝ դարան մտած կսպասենք անմեղներին,
12 Ողջ-ողջ կուլ կտանք նրանց, ինչպես գերեզմանը,*Ամբողջովին կկլանենք նրանց,Ինչպես փոսն է կլանում այնտեղ իջնողներին:
13 Արի նրանց ողջ հարստությունը հափշտակենքԵվ մեր տները ավարով լցնենք:
14 Միացիր մեզ,Եվ մենք գողոնը հավասար կկիսենք»,*
15 Որդի՛ս, նրանց չհետևես,Նրանց ուղին չբռնես,+
16 Քանի որ նրանք շտապում են չարիք անելու,Վազում են արյուն թափելու:+
17 Անիմաստ է ցանց տարածել թռչունների աչքի առաջ:
18 Դա է պատճառը, որ նրանք դարանամուտ են լինում արյուն թափելու համարԵվ թաքնվում են կյանքեր խլելու համար:
19 Այդպես են վարվում նրանք,Ովքեր անազնիվ ճանապարհով են եկամուտ ձեռք բերում:
Բայց այդ մարդիկ իրենց կյանքով կհատուցեն դրա համար:+
20 Ճշմարիտ իմաստությունը+ գոչում է փողոցներում+
Եվ ձայն է տալիս հրապարակներում,+
21 Բանուկ խաչմերուկներում կանչում էԵվ քաղաքի դարպասների մոտ ասում.+
22 «Ո՛վ միամիտներ, մինչև ե՞րբ պիտի սիրեք միամտությունը,Ո՛վ ծաղրողներ, մինչև ե՞րբ պիտի հաճույք ստանաք ծաղրելուց,Եվ դո՛ւք, ո՛վ հիմարներ, մինչև ե՞րբ պիտի ատեք գիտելիքը:+
23 Ուշադրություն դարձրեք իմ խրատին,+Եվ ես իմ ոգին կթափեմ ձեզ վրաՈւ իմ խոսքերը կհայտնեմ ձեզ:+
24 Ես ձայն տվեցի, բայց դուք չցանկացաք լսել,Ձեռքս մեկնեցի, բայց ոչ ոք ուշադրություն չդարձրեց:+
25 Դուք արհամարհում էիք իմ բոլոր խորհուրդներըԵվ իմ խրատը չէիք ընդունում:
26 Ուստի ես կծիծաղեմ, երբ աղետ գա ձեզ վրա,Եվ կծաղրեմ, երբ տեղի ունենա այն, ինչից սարսափում եք,+
27 Երբ փոթորկի պես գա այն, ինչից զարհուրում եք,Երբ մրրիկի պես վրա հասնի աղետը,Եվ երբ վիշտն ու դժբախտությունը թակեն ձեր դուռը:
28 Այդ ժամանակ դուք* կկանչեք ինձ, բայց ես չեմ պատասխանի,Անձկագին կփնտրեք ինձ, բայց չեք գտնի,+
29 Որովհետև ատեցիք գիտելիքը+Եվ չցանկացաք վախ ունենալ Եհովայի հանդեպ:+
30 Դուք չընդունեցիք իմ խորհուրդներըՈւ արհամարհեցիք իմ բոլոր խրատները:
31 Ուստի դուք կկրեք ձեր արարքների հետևանքները+Եվ կքաղեք ձեր իսկ մտադրությունների* պտուղը:
32 Միամիտներին կսպանի իրենց համառությունը,Եվ հիմարներին կկործանի իրենց անհոգությունը:
33 Իսկ ով լսում է ինձ, ապահով կբնակվի+Եվ փորձանքից չի սարսափի»:+
Ծանոթագրություններ
^ Կամ՝ «արդարամիտ»:
^ Կամ՝ «անկողմնակալ»:
^ Կամ՝ «Անփորձներին»:
^ Կամ՝ «ընդունում»:
^ Կամ՝ «ակնածանքը»: Բառարանում տես «Աստվածավախություն»:
^ Կամ՝ «օրենքը»:
^ Եբր.՝ շեոլ: Բառարանում տես «Գերեզման»:
^ Կամ՝ «մեկ ընդհանուր քսակ կունենանք»:
^ Բռց.՝ «նրանք»: Նույնը՝ 29-31-րդ համարներում:
^ Կամ՝ «չար ծրագրերի»:
