Առակներ 10։1-32
10 Սողոմոնի առակները:+
Իմաստուն որդին ուրախացնում է իր հորը,+Իսկ հիմար որդին իր մոր տրտմությունն է:
2 Անազնվությամբ ձեռք բերված գանձերը անօգուտ կլինեն,Բայց արդարությունը կազատի մահից:+
3 Եհովան արդարին սոված չի թողնի,+Բայց չար մարդկանց ցանկությունը կմերժի:
4 Ծույլ ձեռքերը աղքատության կտանեն,+Բայց ժրաջան ձեռքերը հարստություն կբերեն:+
5 Այն որդին, որն ամռանն է հավաքում բերքը, հասկացողությամբ է գործում,Իսկ այն որդին, որը հնձի ժամանակ խորը քնում է, ամոթալի կերպով է վարվում:+
6 Օրհնությունները արդարի վրա են թափվում,+Իսկ չարագործի խոսքերը թաքցնում են նրա դաժան մտադրությունները:
7 Արդարին օրհնելով կհիշեն,+Մինչդեռ չարագործի անունը կփտի:+
8 Իմաստուն սիրտ ունեցողը կընդունի խորհուրդները,*+Բայց հիմար բաներ խոսողը կտուժի:+
9 Անարատ վարք ունեցողը ապահով կքայլի,+Բայց անազնիվ մարդը կքողազերծվի:+
10 Նա, ով նենգորեն աչքով է անում, տրտմություն է պատճառում,+Եվ հիմարաբար խոսողը կտուժի:+
11 Արդարի խոսքերը կյանքի աղբյուր են,+Իսկ չարագործի բերանը թաքցնում է իր դաժան մտադրությունները:+
12 Ատելությունը վեճեր է հրահրում,Բայց սերը ծածկում է բոլոր հանցանքները:+
13 Հասկացող մարդու շուրթերին իմաստություն կա,+Իսկ անխոհեմ* մարդու մեջքի համար գավազան է պատրաստված:+
14 Իմաստունները գանձի պես փայփայում* են գիտելիքները,+Իսկ հիմարի լեզուն կործանում է իրեն:+
15 Հարուստ մարդու ունեցվածքը նրա համար ամուր քաղաք է,Իսկ աղքատի չքավորությունն իր կործանումն է:+
16 Արդարի գործերը կյանքի են տանում,Իսկ չարագործը իր եկամուտն օգտագործում է մեղք գործելու համար:+
17 Ով ուշադրություն է դարձնում խրատին, կյանքի է առաջնորդում ուրիշներին,*Իսկ ով արհամարհում է խորհուրդը, շեղում է ճիշտ ճանապարհից:
18 Իր ատելությունը թաքցնողը սուտ է խոսում,+Եվ ուրիշների մասին չար բաներ տարածողը հիմար է:
19 Շատախոս մարդը չի խուսափի մեղքից,+Բայց իր շուրթերը հսկողը խոհեմությամբ է վարվում:+
20 Արդարի լեզուն ընտիր արծաթ է,+Իսկ չարագործի սիրտը* չնչին արժեք ունի:
21 Արդարի շուրթերը սնում* են շատերին,+Բայց հիմարները մեռնում են անխոհեմության պատճառով:+
22 Եհովայի օրհնությունն է հարստացնում,+Եվ նա այդ օրհնության հետ ցավ* չի բերում:
23 Հիմարի համար ամոթալի վարքը խաղի պես է,Բայց իմաստությունը խորաթափանց մարդուն է բնորոշ:+
24 Ինչից չարագործը վախենում է, դա էլ կգա նրա վրա,Բայց արդարների ցանկությունը կիրագործվի:+
25 Երբ փոթորիկ լինի, չարագործը կվերանա,+Բայց արդարը հիմքի պես է, որն առհավետ անսասան է:+
26 Ինչպես քացախն է գրգռում ատամները, և ծուխը՝ աչքերը,Այնպես էլ ծույլ մարդն է նյարդայնացնում իր գործատուին:*
27 Եհովայի հանդեպ վախը երկարացնում է կյանքը,+Իսկ չարագործների տարիները կկրճատվեն:+
28 Արդարների ակնկալիքը* ուրախություն է բերում,+Բայց չար մարդկանց հույսը չի իրականանա:+
29 Եհովայի ճանապարհը անարատի համար ամրոց է,+Իսկ չարագործի համար՝ կործանում:+
30 Արդարը երբեք չի ընկնի,+Իսկ չարագործները այլևս երկրի վրա չեն բնակվի:+
31 Արդարի բերանից իմաստություն է բխում,Իսկ ապականված լեզուն կկտրվի:
32 Արդարի շուրթերից հաճելի խոսքեր են հնչում,Բայց չարագործի լեզուն ապականված է:
Ծանոթագրություններ
^ Բռց.՝ «պատվիրանները»:
^ Բռց.՝ «սիրտ չունեցող»:
^ Կամ՝ «կուտակում»:
^ Կամ հնարավոր է՝ «կյանքի տանող ճանապարհին է»:
^ Այսինքն՝ մտքերը, գաղափարները:
^ Կամ՝ «առաջնորդում»:
^ Կամ՝ «դժվարություն», «վիշտ»:
^ Կամ՝ «իրեն ուղարկողին»:
^ Կամ՝ «հույսը»:
