Առակներ 13։1-25
13 Իմաստուն որդին ընդունում է հոր խրատը,+Բայց ծաղրողը մերժում է խիստ դիտողությունը:+
2 Մարդն իր լավ խոսքերի պտուղներով կկշտանա,+Բայց նենգ մարդիկ բռնության ծարավ են:
3 Իր լեզուն հսկողը պահպանում է իր կյանքը,+Իսկ նա, ով չի զսպում այն, կկործանվի:+
4 Ծույլը շատ բան է ցանկանում, բայց ոչինչ չունի,+Սակայն աշխատասեր մարդկանց ցանկությունները կիրականանան:+
5 Արդարը ատում է սուտը,+Իսկ չար մարդկանց գործերը ամոթ և անպատվություն են բերում իրենց վրա:
6 Արդարությունը պահպանում է անարատ վարք ունեցողին,+Բայց չարությունը խորտակում է մեղսագործին:
7 Կա մարդ, որ ձևացնում է, թե հարուստ է, բայց ոչինչ չունի:+
Կա մարդ էլ, որ ձևացնում է, թե աղքատ է, բայց մեծ հարստություն ունի:
8 Հարուստը փրկագին է վճարում իր կյանքի համար,+Բայց աղքատին նույնիսկ չեն սպառնում:+
9 Արդարների լույսը վառ շողում է,*+Բայց չարագործների ճրագը կհանգչի:+
10 Հանդգնությունը միայն կռիվ է առաջ բերում,+Բայց խորհուրդ փնտրողները* իմաստուն են:+
11 Արագ* ձեռք բերված հարստությունը կպակասի,+Բայց ով քիչ-քիչ* է հավաքում հարստությունը, կշատացնի այն:
12 Ձգձգվող ակնկալիքը* հիվանդացնում է սիրտը,+Բայց իրականացած ցանկությունը կյանքի ծառ է:+
13 Ով արհամարհում է հրահանգը, կհատուցի դրա համար,+Իսկ ով հարգում է պատվիրանը, կվարձատրվի:+
14 Իմաստունի սովորեցրածը* կյանքի աղբյուր է.+
Այն պաշտպանում է մահվան ծուղակներից:
15 Խորաթափանցը հավանության է արժանանում,Բայց անհավատարիմների բռնած ուղին ցավ է պատճառում:
16 Խորագետ մարդը խելքով է գործում,+Բայց հիմարը ի ցույց է դնում իր հիմարությունը:+
17 Անվստահելի պատգամաբերը փորձանքի մեջ է ընկնում,+Սակայն հավատարիմ պատվիրակը ամոքում է բերում:+
18 Խրատն արհամարհողը կաղքատանա և խայտառակ կլինի,Բայց խորհուրդն ընդունողը փառքի կարժանանա:+
19 Իրականացած ցանկությունը ուրախացնում է մարդուն:+
Չար բանից հեռու մնալը ատելի է հիմարների համար:+
20 Իմաստունների հետ շփվողը իմաստուն կդառնա,+Բայց հիմարների հետ ընկերակցողը* կտուժի:+
21 Մեղսագործներին փորձանքն է հետապնդում,+Իսկ արդարները առատորեն վարձատրվում են:+
22 Բարի մարդը ժառանգություն է թողնում իր թոռներին,Իսկ մեղսագործի հարստությունը արդարի համար կպահվի:+
23 Աղքատի հերկված դաշտը շատ բերք է տալիս,Բայց անարդարության պատճառով այն* կարող է կորչել:
24 Ով չի պատժում* իր որդուն, ատում է նրան,+Բայց ով սիրում է իր որդուն, ջանասիրաբար* խրատում է:+
25 Արդարը ուտում և կշտանում է,+Բայց չարագործների ստամոքսը դատարկ է:+
Ծանոթագրություններ
^ Բռց.՝ «ուրախանում է»:
^ Կամ՝ «իրար հետ խորհրդակցողները»:
^ Կամ՝ «Անազնվությամբ»:
^ Բռց.՝ «ձեռքով»:
^ Կամ՝ «հույսը»:
^ Կամ՝ «օրենքը»:
^ Կամ՝ «գործ ունեցողը»:
^ Կամ՝ «նա»:
^ Կամ՝ «չի դաստիարակում»: Բռց.՝ «հետ է պահում գավազանը»:
^ Կամ հնարավոր է՝ «անմիջապես»:
