Առակներ 15։1-33
15 Մեղմ* պատասխանը հանդարտեցնում է ցասումը,+Իսկ կոպիտ* խոսքը բարկություն է բորբոքում:+
2 Իմաստունների լեզուն գիտելիքներն օգտագործում է ի բարին,+Սակայն հիմարների բերանից հիմարություն է բխում:
3 Եհովայի աչքերն ամենուր են.
Դրանք դիտում են թե՛ չարերին, թե՛ բարիներին:+
4 Մեղմ* լեզուն կյանքի ծառ է,+Բայց խեղաթյուրված խոսքերը հուսալքում են:*
5 Հիմարը արհամարհում է իր հոր խրատը,+Բայց խորագետն ընդունում է դիտողությունը:+
6 Արդարի տանը մեծ հարստություն կա,Բայց չարագործի եկամուտը* խնդրի մեջ է գցում իրեն:+
7 Իմաստունների շուրթերը գիտելիքներ են տարածում,+Բայց հիմարների սիրտը այդպիսին չէ:+
8 Չար մարդկանց զոհաբերությունը գարշելի է Եհովայի համար,+Բայց ուղղամիտների աղոթքը հաճելի է նրան:+
9 Եհովայի համար գարշելի է չարագործի բռնած ուղին,+Բայց արդարությանը հետամուտ լինողին Նա սիրում է:+
10 Ճիշտ ուղուց հեռացողի համար խրատը տհաճ* է,+Բայց խրատն ատողը կմահանա:+
11 Գերեզմանը՝* փտության վայրը,* բաց է Եհովայի առաջ,+Առավել ևս՝ մարդկանց սրտերը:+
12 Ծաղրողն իրեն դիտողություն անողին չի սիրում:+
Իմաստունների հետ նա չի խորհրդակցի:+
13 Սրտի ուրախությունից մարդու երեսը փայլում է,Բայց սրտի ցավից ոգին փշրվում է:+
14 Հասկացող սիրտը գիտելիք է փնտրում,+Բայց հիմարների բերանը հիմարությամբ է սնվում:*+
15 Տառապող մարդու բոլոր օրերը մռայլ են,+Բայց ուրախ սիրտ ունեցողը միշտ խնջույքի մեջ է:+
16 Ավելի լավ է քիչ ունենալ, բայց վախենալ Եհովայից,+Քան մեծ հարստություն ունենալ, բայց հանգիստ չունենալ:+
17 Ավելի լավ է բանջարեղենով կերակուր ուտել սիրո մթնոլորտում,+Քան պարարտ ցուլ՝ ատելության մթնոլորտում:+
18 Բռնկվող մարդը կռիվ է հրահրում,+Բայց նա, ով չի շտապում բարկանալ, հանդարտեցնում է վեճը:+
19 Ծույլի ճանապարհը փշերով է պատված,*+Բայց ուղղամիտների ճանապարհը հարթ է:+
20 Իմաստուն որդին ուրախացնում է հորը,+Իսկ հիմարը արհամարհում է իր մորը:+
21 Հիմարությունը ուրախացնում է անխոհեմ մարդուն,*+Իսկ խորաթափանցը ուղիղ ճանապարհով է գնում:+
22 Առանց խորհրդակցության՝* ծրագրերը ձախողվում են,Բայց երբ խորհրդատուները շատ են, հաջողություն է լինում:+
23 Մարդը ուրախանում է, երբ ճիշտ պատասխան է տալիս,+Եվ որքա՜ն լավ է, երբ խոսքը ճիշտ ժամանակին է ասվում:+
24 Հասկացողություն ունեցող մարդը գնում է կյանքի ճանապարհով՝Մի ուղով, որը դեպի վեր է տանում+Ու հեռացնում է նրան գերեզմանից:+
25 Գոռոզների տունը Եհովան կկործանի,+Բայց այրու տարածքի սահմանները կպահպանի:+
26 Եհովան ատում է չարագործի ծրագրերը,+Բայց լավ խոսքերը հաճելի են նրան:+
27 Անազնիվ ճանապարհով եկամուտ ձեռք բերողը փորձանք* է բերում իր տան վրա,+Բայց կաշառք ատողը կապրի:+
28 Արդարը նախքան պատասխանելը մտածում է,+Բայց չար խոսքերը ցայտում են չարագործի բերանից:
29 Եհովան հեռու է չար մարդուց,Բայց արդարի աղոթքը լսում է:+
30 Զվարթ հայացքը* ուրախացնում է սիրտը,Եվ լավ լուրը ուժ է տալիս ոսկորներին:+
31 Նա, ով ականջ է դնում կենսատու խորհրդին,Իմաստուն մարդկանց հետ է քայլում:+
32 Խրատը մերժողը իր կյանքը չի արժևորում,+Իսկ խորհուրդ լսողը հասկացողություն* է ձեռք բերում:+
33 Եհովայի հանդեպ վախը իմաստություն է սովորեցնում,+Եվ փառքին նախորդում է խոնարհությունը:+
Ծանոթագրություններ
^ Կամ՝ «ցավեցնող»:
^ Կամ՝ «Նուրբ»:
^ Կամ՝ «Բուժիչ»:
^ Բռց.՝ «փշրում են ոգին»:
^ Կամ՝ «բերքը»:
^ Կամ՝ «խիստ»:
^ Եբր.՝ շեոլ: Բառարանում տես «Գերեզման»:
^ Կամ՝ «հիմարության է հետամուտ լինում»:
^ Կամ՝ «փշե ցանկապատ է»:
^ Բռց.՝ «սիրտ չունեցողին»:
^ Կամ՝ «մտերմիկ, անկեղծ զրույցի»:
^ Կամ՝ «անպատվություն»:
^ Բռց.՝ «Պայծառ աչքերը»:
^ Բռց.՝ «սիրտ»:
