Առակներ 16։1-33
16 Մարդն է կարգավորում իր մտքերը,Բայց ճիշտ պատասխանը Եհովայից է:+
2 Մարդու աչքին իր բոլոր ճանապարհները ճիշտ* են,+Բայց Եհովան քննում է մղումները:+
3 Քո բոլոր գործերը Եհովային հանձնիր,+Եվ քո ծրագրերը կհաջողվեն:
4 Եհովան ամեն ինչ ծառայեցնում է իր նպատակի իրագործման համար,Նույնիսկ չարագործին, որը կործանվելու է աղետի օրը:+
5 Բոլոր նրանք, ովքեր հպարտ սիրտ ունեն, գարշելի են Եհովայի համար:+
Համոզվա՛ծ եղիր. նրանք անպատիժ չեն մնա:
6 Սերն* ու հավատարմությունը քավում են մեղքը,+Եվ Եհովայի հանդեպ վախը հեռու է պահում չարից:+
7 Երբ Եհովային հաճելի է մարդու բռնած ուղին,Նա անգամ նրա թշնամիներին է հաշտեցնում նրա հետ:+
8 Ավելի լավ է քիչ ունենալ, բայց արդար լինել,+Քան շատ* ունենալ և անարդար լինել:+
9 Մարդը կարող է կշռադատել իր անելիքը,Բայց նրա քայլերին ուղղություն տվողը Եհովան է:+
10 Թագավորը Աստծու առաջնորդության համաձայն* պետք է որոշումներ կայացնի:+
Նա երբեք չպետք է անարդարությամբ դատի:+
11 Ճշգրիտ նժարն ու կշեռքը Եհովայինն են,Պարկի միջի բոլոր կշռաքարերը նրանից են:+
12 Չարագործությունը գարշելի է թագավորների համար,+Որովհետև գահն արդարությամբ է հաստատուն մնում:+
13 Ճիշտ խոսքը հաճելի է թագավորներին,Նրանք սիրում են ազնվությամբ խոսողին:+
14 Թագավորի զայրույթը ասես մահվան պատգամաբեր լինի,+Բայց իմաստուն մարդը հանդարտեցնում է այն:*+
15 Թագավորի պայծառ դեմքը կյանք է,Նրա բարեհաճությունը ասես անձրևային ամպ լինի գարնանը:+
16 Շատ ավելի լավ է իմաստություն ձեռք բերել, քան ոսկի,+Հասկացողություն ունենալ, քան արծաթ:+
17 Ուղղամիտները հեռու են մնում սխալ ճանապարհից,Եվ ով ուշադրություն է դարձնում իր քայլերին, պահպանում է իր կյանքը:+
18 Հպարտությունը նախորդում է կործանմանը,Եվ գոռոզությունը՝ վայր ընկնելուն:+
19 Ավելի լավ է խոնարհ լինել հեզերի միջավայրում,+Քան հպարտների ավարից բաժին ունենալ:
20 Ով որևէ հարցում խորաթափանցություն է դրսևորում, հաջողություն* կունենա,Եվ երջանիկ է նա, ով ապավինում է Եհովային:
21 Իմաստուն սիրտ ունեցողին հասկացող կկոչեն,+Եվ բարի խոսքերը վստահություն են ներշնչում:+
22 Խորաթափանցությունը կյանքի աղբյուր է նրա համար, ով ունի այն,Բայց հիմարները խրատվում են իրենց իսկ հիմարությամբ:
23 Իմաստունը ծանրութեթև անելով է ընտրում իր խոսքերը,+Եվ նրա ասածը համոզիչ է հնչում:
24 Հաճելի խոսքերը մեղրախորիսխ են՝Քաղցր են հոգու* համար և բուժիչ՝ ոսկորների համար:+
25 Կա ճանապարհ, որ ճիշտ է թվում մարդու աչքին,Բայց այն մահվան է տանում:+
26 Մարդու ախորժակը մղում է նրան տքնաջան աշխատել,Որովհետև քաղցն է ստիպում նրան:+
27 Անպիտան մարդը չարիք է ծրագրում,+Նրա խոսքերը ասես խանձող կրակ լինեն:+
28 Սադրիչ մարդը վեճ է գցում,+Եվ զրպարտողը բաժանում է մտերիմ ընկերներին:+
29 Բռնարար մարդը հրապուրում է իր դրացունԵվ նրան չար ճանապարհով տանում:
30 Նա աչքով է անում, երբ չար բան է ծրագրում,Եվ շուրթերը սեղմելով՝ իր նենգ մտադրություններն է իրագործում:
31 Ալևորությունը գեղեցիկ* պսակ է,+Եթե այն կրում է արդարության ճանապարհով քայլող մարդը:+
32 Նա, ով չի շտապում բարկանալ,+ հզոր մարդուց լավ է,Եվ ինքնատիրապետում ունեցողը* քաղաքը գրավողից է լավ:+
33 Հագուստի փեշի վրա վիճակ* է գցվում,+Բայց այդ միջոցով կայացված ամեն որոշում Եհովայից է:+
Ծանոթագրություններ
^ Բռց.՝ «մաքուր»:
^ Բառարանում տես «Հավատարիմ սեր»:
^ Կամ՝ «մեծ եկամուտ»:
^ Կամ՝ «Աստծու ներշնչմամբ»:
^ Կամ՝ «խույս է տալիս դրանից»:
^ Բռց.՝ «բարիք»:
^ Կամ՝ «փառքի»:
^ Բռց.՝ «իր ոգին կառավարողը»:
