Առակներ 17։1-28
17 Ավելի լավ է մի կտոր չոր հաց՝ խաղաղ մթնոլորտում,+Քան առատ կերակուրներ՝* վեճերով լի տանը:+
2 Շրջահայաց ծառան կիշխի ամոթալի վարք ունեցող որդու վրաԵվ բաժնեկից կլինի իր տիրոջ որդիների ժառանգությանը:
3 Զտման անոթը արծաթի համար է, հնոցը՝ ոսկու,+Իսկ սրտեր քննողը Եհովան է:+
4 Չարագործը ուշադրություն է դարձնում վնասաբեր խոսքերին,Եվ ստախոսը լսում է չարախոսությունները:+
5 Նա, ով ծաղրում է աղքատին, վիրավորում է նրա Ստեղծչին,+Եվ ուրիշի դժբախտության վրա ուրախացողը անպատիժ չի մնա:+
6 Թոռները տարեցների պսակն են,Եվ հայրերը՝* իրենց որդիների* փառքը:
7 Լավ* խոսքերը հիմար մարդուն չեն սազում,+Առավել ևս ստախոս լեզուն՝ ղեկավարին:+
8 Նվերը թանկարժեք* քար է իր տիրոջ համար.+
Ուր էլ նա գնա, այն հաջողություն կբերի նրան:+
9 Ով ներում* է մեղքը, հետամուտ է լինում սիրո,+Իսկ ով շարունակ խոսում է դրա մասին, բաժանում է մտերիմ ընկերներին:+
10 Հասկացողի վրա նկատողությունը ավելի խոր ազդեցություն է թողնում,+Քան հարյուր հարվածը՝ հիմարի վրա:+
11 Չար մարդը միայն ըմբոստության է ձգտում,Բայց դաժան պատգամաբեր կգա ու կպատժի նրան:+
12 Ավելի լավ է հանդիպել ձագերին կորցրած արջի,Քան մի հիմարի՝ իր հիմարությամբ:+
13 Ով չարով հատուցի բարուն,Նրա տնից չարիքը չի հեռանա:+
14 Կռիվ սկսելը ջրարգելակը բացելու պես է,Ուստի նախքան վեճի բռնկվելը հեռացիր:+
15 Թե՛ չարագործին արդարացնողը և թե՛ արդարին դատապարտողը+Գարշելի են Եհովայի համար:
16 Հիմարին ի՞նչ օգուտ, որ իմաստություն ձեռք բերելու կարողություն ունի,Եթե նա դրա ցանկությունը չունի:*+
17 Իսկական ընկերը սիրում է ամեն ժամանակ.+
Նա եղբայր է՝ նեղ օրվա համար ծնված:+
18 Ողջամտություն չունեցող մարդը ձեռք է սեղմումԵվ իր դրացու ներկայությամբ ուրիշի համար երաշխավոր լինում:+
19 Վեճ սիրողը մեղք է սիրում:+
Ով բարձր դարպաս է կառուցում, իր տուն փորձանք է հրավիրում:+
20 Խարդախ սիրտ ունեցողը հաջողություն չի ունենա,+Եվ ստախոս մարդը փորձանքի մեջ կընկնի:
21 Հիմար երեխայի հայրը կվշտանա,Անմիտ երեխայի հայրը չի ուրախանա:+
22 Ուրախ սիրտը լավ դեղամիջոց* է,+Բայց փշրված ոգին քամում է ուժերը:*+
23 Չարագործը գաղտնի կաշառք է վերցնում,Որ խեղաթյուրի արդարադատությունը:+
24 Խորաթափանց մարդու հայացքն ուղղված է դեպի իմաստությունը,Բայց հիմարի աչքերը այստեղ-այնտեղ* են թափառում:+
25 Հիմար որդին վշտացնում է իր հորըԵվ ցավեցնում մոր սիրտը:+
26 Արդարին պատժելը լավ չէ,Եվ պատվավոր մարդուն խարազանելը անարդար է:
27 Իմաստուն* մարդը զսպում է իր լեզուն,+Եվ խորաթափանց մարդը անվրդով է մնում:+
28 Նույնիսկ հիմարը, եթե լուռ մնա, իմաստուն կհամարվի,Եվ նա, ով ոչինչ չի ասում, խորաթափանց կհամարվի:
Ծանոթագրություններ
^ Բռց.՝ «զոհեր»:
^ Կամ՝ «ծնողները»:
^ Կամ՝ «երեխաների»:
^ Կամ՝ «Ազնիվ»:
^ Կամ՝ «հավանություն բերող»:
^ Բռց.՝ «ծածկում»:
^ Կամ՝ «Եթե նա անխոհեմ է»: Բռց.՝ «սիրտ չունի»:
^ Կամ՝ «բուժիչ»:
^ Կամ՝ «չորացնում է ոսկորները»:
^ Կամ՝ «երկրի ծայրերում»:
^ Կամ՝ «Գիտելիք ունեցող»:
