Առակներ 2։1-22
2 Որդի՛ս, եթե ընդունես իմ խոսքերըԵվ գանձի պես փայփայես* իմ պատվիրանները՝+
2 Ականջ դնելով իմաստությանը+Եվ սրտանց ձգտելով խորաթափանցության,+
3 Ավելին, եթե աղերսես հասկացողություն ձեռք բերելու համար+Եվ աղաչես խորաթափանցություն ունենալու համար,+
4 Եթե դրանք փնտրես ինչպես արծաթը+Եվ որոնես ինչպես թաքցված գանձերը,+
5 Այդ ժամանակ կհասկանաս, թե ինչ է նշանակում վախենալ Եհովայից,+Եվ Աստծու մասին գիտելիքներ կգտնես,+
6 Քանի որ Եհովան է իմաստություն տալիս,+Նրա բերանից են գիտելիք ու խորաթափանցություն դուրս գալիս:
7 Ուղղամիտների համար նա իմաստություն է պահում,Նա վահան է անարատ վարք ունեցողների համար,+
8 Նա պահպանում է արդարության ճանապարհով քայլողներինՈւ կպահպանի իրեն նվիրվածների ուղին:+
9 Դու կհասկանաս, թե ինչն է ճիշտ, արդար ու ազնիվ,Թե որ ճանապարհով պետք է գնաս:+
10 Երբ իմաստությունը հաճելի լինի սրտիդ,+Եվ գիտելիքը ցանկալի դառնա հոգուդ,*+
11 Խորհելու կարողությունը քեզ կպահպանի,+Եվ խորաթափանցությունը կպաշտպանի:
12 Դրանք կազատեն քեզ չար ճանապարհիցԵվ ապականված բաներ խոսող մարդուց,+
13 Նաև նրանցից, ովքեր թողնում են ուղիղ ճանապարհները,Որ քայլեն խավարի ուղիներով,+
14 Նրանցից, ովքեր ուրախանում են չարիք գործելուց,Ովքեր ցնծում են չար ու ապականված բաներով,
15 Նրանցից, ում ճանապարհները ծուռ են,Եվ ովքեր իրենց ողջ կյանքում անազնվությամբ են վարվում:
16 Իմաստությունը կազատի քեզ անառակ* կնոջից,Անբարո* կնոջ գայթակղիչ* խոսքերից,+
17 Որը լքել է իր կողակցին, ում հետ երիտասարդ տարիքից ամուսնացած է եղել,+Եվ որը մոռացել է իր Աստծու ուխտը:*
18 Նրա տուն գնացողը դեպի մահ է գնում,Նրա տան ճանապարհը գերեզման* է տանում:+
19 Նրա հետ հարաբերություն ունեցողներից* ոչ մեկը հետ չի գաԵվ նորից չի կանգնի կյանքի ճանապարհին:+
20 Ուստի քայլիր լավ մարդկանց ճանապարհովԵվ մնա արդարների ուղու վրա,+
21 Որովհետև երկրի վրա միայն ուղղամիտներն են բնակվելու,Եվ անարատներն են մնալու դրա վրա:+
22 Իսկ չարիք գործողները վերանալու են երկրից,+Եվ անհավատարիմները բնաջինջ են լինելու:+
Ծանոթագրություններ
^ Կամ՝ «կուտակես»:
^ Բռց.՝ «օտար»: Ակներևաբար, նա, ով Աստծուց օտարացած է բարոյապես ապականված լինելու պատճառով:
^ Բռց.՝ «Օտարական»:
^ Կամ՝ «խորամանկ»:
^ Բռց.՝ «մահացածների մոտ»:
^ Բռց.՝ «Նրա մոտ գնացողներից»:
