Առակներ 20։1-30
20 Գինին ծաղրող է,+ ոգելից խմիչքը՝ անկառավարելի:+
Ով դրանց պատճառով շեղվում է ճանապարհից, իմաստուն չէ:+
2 Թագավորը վախ է ներշնչում, ինչպես առյուծի մռնչոցը:+
Ով որ արթնացնում է նրա ցասումը, իր կյանքը վտանգի է ենթարկում:+
3 Վեճից հեռու մնալը պատիվ է բերում մարդուն,+Բայց հիմարը դրա մեջ է ներքաշվում:+
4 Ծույլը ցուրտ եղանակին* չի հերկում,Ուստի հնձի ժամանակ նա կմուրա, քանի որ ոչինչ չի ունենա:*+
5 Մարդու սրտում եղածը* խոր ջրերի պես է,Բայց խորաթափանց մարդը դուրս է հանում այն:
6 Շատ մարդիկ հայտարարում են իրենց հավատարիմ սիրո մասին,Բայց ո՞վ կարող է հավատարիմ մարդ գտնել:
7 Արդար մարդը անարատ վարք ունի:+
Երջանիկ են նրանից հետո եկող նրա զավակները:*+
8 Երբ թագավորը նստում է գահին, որ դատի,+Իր աչքերով զատորոշում* է ամեն տեսակ չարություն:+
9 Ո՞վ կարող է ասել. «Ես մաքրել եմ սիրտս,+Մաքրվել եմ մեղքից»:+
10 Ոչ ճշգրիտ կշռաքարերը և անազնիվ չափումը*Գարշելի են Եհովայի համար:+
11 Նույնիսկ երեխային կարելի է ճանաչել ըստ իր արարքների՝Արդյոք նրա վարքը ճիշտ ու մաքուր է, թե ոչ:+
12 Լսող ականջ և տեսնող աչք.
Երկուսն էլ Եհովան է ստեղծել:+
13 Մի՛ սիրիր քունը, թե չէ կաղքատանաս:+
Բաց պահիր աչքերդ և կուշտ կլինես:+
14 «Վա՛տն է, վա՛տն է»,– ասում է գնորդը,Բայց հետո հեռանում է և պարծենում իր առածով:+
15 Կա ոսկի, և կան շատ մարջաններ,*Բայց իմաստախոս* շուրթերը ավելի թանկարժեք են:+
16 Վերցրու այն մարդու հագուստը, ով օտարի համար երաշխավոր է եղել,+Եվ գրավ վերցրու նրանից, եթե նա երաշխավոր է եղել օտար կնոջ* համար:+
17 Խաբեությամբ ձեռք բերված հացը համեղ է մարդու համար,Բայց դրանից հետո նրա բերանը մանրախճով* կլցվի:+
18 Խորհրդակցելու արդյունքում ծրագրերը հաջողվում են:+
Քո պատերազմը իմաստուն* առաջնորդությամբ մղիր:+
19 Զրպարտողը, գաղտնի զրույցները հայտնելով, ման է գալիս:+
Մի՛ շփվիր նրա հետ, ով սիրում է բամբասել:*
20 Իր հորն ու մորը անիծողի ճրագը կհանգչի,Երբ խավարը վրա հասնի:+
21 Այն ժառանգությունը, որն ի սկզբանե ագահությամբ է ձեռք բերվել,Այդպես էլ օրհնություն չի դառնա:+
22 Մի՛ ասա. «Չարով կհատուցեմ»:+
Հույսդ Եհովայի վրա դիր,+ և նա կփրկի քեզ:+
23 Ոչ ճշգրիտ կշռաքարերը գարշելի են Եհովայի համար,Եվ խարդախ կշեռքը վատ է:
24 Եհովան է առաջնորդում մարդու քայլերը.+
Մարդն ինչպե՞ս կարող է իմանալ, թե ուր գնա:
25 Ծուղակ է մարդու համար, երբ նա հապճեպորեն բացականչում է՝ սո՛ւրբ է,+Եվ միայն հետո է ծանրութեթև անում իր տված երդումը:+
26 Իմաստուն թագավորը մաղելով առանձնացնում է չարագործներին+Եվ նրանց վրայով կալսիչ անիվ է անցկացնում:+
27 Մարդու շունչը Եհովայի ճրագն է.
Այն բացահայտում է, թե ինչ կա իր սրտի խորքում:
28 Սերն* ու հավատարմությունը պահպանում են թագավորին.+
Նրա գահը հաստատուն է շնորհիվ նրա հավատարիմ սիրո:+
29 Երիտասարդների փառքը իրենց ուժն է,+Իսկ ծերերի շքեղությունը՝ իրենց ալեհերությունը:+
30 Կապտուկներն ու վերքերը մաքրում են չարությունից,+Եվ հարվածները մաքուր են դարձնում մարդու սրտի խորքը:
Ծանոթագրություններ
^ Բռց.՝ «ձմռանը»:
^ Կամ հնարավոր է՝ «Հնձի ժամանակ նա կփնտրի, բայց ոչինչ չի գտնի»:
^ Կամ՝ «մտքերը», «մտադրությունները»:
^ Բռց.՝ «որդիները»:
^ Կամ՝ «մաղում»:
^ Կամ՝ «Երկու տարբեր կշռաքարերն ու երկու տարբեր չափման տարաները»:
^ Կամ՝ «գիտելիք ունեցող»:
^ Կամ՝ «օտարազգիի»:
^ Խոշոր հատերով ավազ:
^ Կամ՝ «հմուտ»:
^ Կամ՝ «ով հրապուրում է իր շուրթերով»:
^ Բառարանում տես «Հավատարիմ սեր»:
