Առակներ 22։1-29
22 Լավ անունը մեծ հարստությունից նախընտրելի է,+Եվ հարգված լինելը՝ արծաթից ու ոսկուց:
2 Ի՞նչ ընդհանուր բան ունեն հարուստն ու աղքատը.
Երկուսին էլ Եհովան է արարել:+
3 Խորագետը տեսնում է վտանգը և զգուշանում,*Բայց միամիտները* առաջ են գնում և տուժում:*
4 Խոնարհությունն ու Եհովայի հանդեպ վախըՀարստություն, փառք և կյանք են շնորհում:+
5 Անազնիվ մարդու ճանապարհին փշեր ու թակարդներ կան,Բայց ով արժևորում է իր կյանքը, հեռու է մնում դրանցից:+
6 Սովորեցրու երեխային, թե ինչ ճանապարհով պետք է գնա.+
Նույնիսկ երբ նա ծերանա, չի շեղվի դրանից:+
7 Հարուստը իշխում է աղքատների վրա,Եվ պարտք վերցնողը պարտք տվողի ստրուկն է:+
8 Անարդարություն ցանողը աղետ կհնձի,+Եվ նրա դաժան իշխանությանը* վերջ կդրվի:+
9 Առատաձեռն մարդը* կօրհնվի,Որովհետև կիսում է իր հացը աղքատի հետ:+
10 Վռնդիր ծաղրողին, ու կռիվը կհանդարտվի,Վեճերը* կդադարեն, և վիրավորանքներ չեն լինի:
11 Ում սիրտը մաքուր է, և խոսքերը՝ հաճելի,Նրա ընկերը թագավորը կլինի:+
12 Եհովայի աչքերը պահպանում են ճշմարտությունը,*Բայց նենգավորի խոսքերը նա անհաջողության է մատնում:+
13 Ծույլն ասում է. «Դրսում առյո՜ւծ կա.
Կսպանի ինձ հրապարակի մեջտեղում»:+
14 Անառակ* կանանց բերանը խոր փոս է:+
Ում Եհովան դատապարտի, նա դրա մեջ կընկնի:
15 Հիմարությունը երեխայի սրտում է,+Բայց պատիժը այն կհեռացնի նրանից:+
16 Ով խաբում է աղքատին, որ ավելի հարստանա,+Կամ ով հարուստին նվերներ է տալիս,Ի վերջո կաղքատանա:
17 Ուշադիր լսիր իմաստունների խոսքերը,+Որպեսզի ամբողջ սրտով ընդունես իմ սովորեցրածները:+
18 Եթե պահես դրանք քո սրտում, երջանիկ կլինես,+Եվ դրանք միշտ քո շուրթերին կլինեն:+
19 Ես այսօր գիտելիք եմ տալիս քեզ,Որպեսզի վստահես Եհովային:
20 Մի՞թե չեմ գրել քեզ՝Տալով խորհուրդներ ու գիտելիք,
21 Որ սովորեցնեմ այն ամենը, ինչը ճիշտ է ու վստահարժան,Եվ որ քեզ ուղարկողի մոտ ստույգ պատասխանով վերադառնաս:
22 Մի՛ կողոպտիր աղքատին, քանի որ աղքատ է,+Եվ խեղճին մի՛ կեղեքիր քաղաքի դարպասների մոտ,+
23 Որովհետև Եհովան ինքը կպաշտպանի նրանց դատական գործում+Եվ նրանց կողոպտողներին կյանքից կզրկի:
24 Բարկացկոտ մարդու հետ մի՛ ընկերակցիրԵվ դյուրագրգիռ մարդու հետ մի՛ շփվիր,
25 Որ նրան չընդօրինակեսԵվ թակարդը չընկնես:+
26 Մի՛ եղիր ձեռք սեղմողներից մեկը,*Ովքեր երաշխավոր են լինում ուրիշների պարտքերի համար:+
27 Եթե ոչինչ չունենաս վճարելու,Քո մահճակալը հենց քո տակից կվերցնեն:
28 Մի՛ տեղաշարժիր վաղեմի սահմանանշանները,Որոնք քո նախահայրերն են դրել:+
29 Տեսե՞լ ես իր գործում հմուտ մարդու.
Նա թագավորների առաջ կկանգնի,+Հասարակ մարդկանց առաջ նա չի կանգնի:
Ծանոթագրություններ
^ Կամ՝ «թաքնվում»:
^ Կամ՝ «անփորձները»:
^ Կամ՝ «պատժվում»:
^ Բռց.՝ «ցասման գավազանին»:
^ Բռց.՝ «Բարի աչք ունեցողը»:
^ Կամ՝ «Դատական գործերը»:
^ Բռց.՝ «գիտելիքը»:
^ Բռց.՝ «Օտար»: Ակներևաբար, նա, ով Աստծուց օտարացած է բարոյապես ապականված լինելու պատճառով:
^ Կամ՝ «ձեռք սեղմողների մեջ»:
