Առակներ 3։1-35
3 Որդի՛ս, մի՛ մոռացիր այն, ինչ սովորեցնում եմ քեզ,*Եվ սրտանց հնազանդվիր իմ պատվիրաններին,
2 Որովհետև դրանց շնորհիվ կյանքիդ օրերն ու տարիները կավելանան,Եվ դու խաղաղություն կունենաս:+
3 Թույլ մի՛ տուր, որ սերն* ու հավատարմությունը* հեռանան քեզնից:+
Դրանք պարանոցիդ կապիր և սրտումդ* դաջիր:+
4 Այդպես դու Աստծու և մարդկանց մոտ խորաթափանց մարդու համբավ ձեռք կբերեսՈւ նրանց հավանությանը կարժանանաս:+
5 Ամբողջ սրտովդ Եհովային վստահիր+Եվ քո հասկացողության վրա մի՛ հիմնվիր:+
6 Ինչ էլ որ անես, հաշվի առ նրան,+Եվ նա կառաջնորդի քեզ ճիշտ ճանապարհով:+
7 Քո աչքին իմաստուն մի՛ եղիր:+
Վախեցի՛ր Եհովայից և չար բաներից հեռո՛ւ մնա:
8 Դա կբուժի քո մարմինը*Եվ ուժ կտա քո ոսկորներին:
9 Պատվիր Եհովային քո ունեցած արժեքավոր բաներով,+Ողջ բերքիդ* առաջին պտուղներով:*+
10 Այդ ժամանակ քո ամբարները մինչև վերջ կլցվեն,+Եվ քո հնձաններից գինին կհորդի:
11 Որդի՛ս, Եհովայի խրատը մի՛ մերժիր+Եվ մի՛ զզվիր, երբ նա ուղղում է քեզ,+
12 Որովհետև Եհովան խրատում է նրան, ում սիրում է,+Ինչպես հայրն է խրատում իր սիրելի որդուն:+
13 Երջանիկ է այն մարդը, ով իմաստություն է գտել,+Եվ այն մարդը, ով խորաթափանց է դարձել:
14 Ավելի լավ է իմաստություն ձեռք բերել, քան արծաթ,Այն ավելի շատ օգուտ է տալիս, քան ոսկին:+
15 Այն մարջաններից* ավելի թանկ է,Եվ քեզ համար ցանկալի ոչ մի բան չի կարող համեմատվել դրա հետ:
16 Դրա աջ ձեռքում երկարակեցություն է,Իսկ ձախ ձեռքում՝ հարստություն ու փառք:
17 Դրա ճանապարհներով քայլելը հաճելի է,Դրանցով գնալը խաղաղություն է տալիս:+
18 Իմաստությունը կյանքի ծառ է նրանց համար, ովքեր ամուր կառչում են դրան,Եվ նրանք, ովքեր բաց չեն թողնում այն, երջանիկ կկոչվեն:+
19 Եհովան իմաստությամբ հիմնեց երկիրը,+Նա խորաթափանցությամբ հաստատեց երկինքը:+
20 Նրա գիտելիքների շնորհիվ խոր ջրերը բաժանվեցին,Եվ ամպոտ երկնքից անձրև սկսեց մաղել:+
21 Որդի՛ս, թող դրանք* աչքիդ առաջ լինեն:
Իմաստությունն ու խոհեմությունը մի՛ կորցրու,
22 Դրանք քեզ կյանք կպարգևենԵվ պարանոցդ կզարդարեն:
23 Այդ ժամանակ ապահով կքայլես քո ճանապարհովԵվ երբեք չես սայթաքի:+
24 Երբ պառկես քնելու, չես վախենա.+
Դու կպառկես, և քունդ քաղցր կլինի:+
25 Չես վախենա հանկարծահաս աղետից,+Փոթորկից, որ գալիս է չար մարդու վրա,+
26 Քանի որ Եհովան կլինի քո վստահության աղբյուրը,+Եվ նա կպահպանի ոտքդ որոգայթից:+
27 Բարություն արա նրանց, ովքեր դրա կարիքն ունեն:*+
Ձեռքդ հետ մի՛ պահիր, եթե ի զորու ես օգնելու:+
28 Մի՛ ասա դրացուդ՝ «Գնա, վաղը արի, կտամ»,Եթե այդ պահին կարող ես տալ:
29 Չար բան մի՛ ծրագրիր դրացուդ դեմ,+Ով ապրում է քո կողքին ու վստահում է քեզ:
30 Անտեղի մի՛ վիճիր մարդու հետ,+Մի՛ վիճիր, եթե նա քեզ ոչ մի վատ բան չի արել:+
31 Բռնարար մարդուն մի՛ նախանձիր,+Նրան մի՛ ընդօրինակիր,
32 Որովհետև խաբեբա մարդը գարշելի է Եհովայի համար,+Բայց ուղղամիտ մարդու հետ նա մտերմություն է անում:+
33 Եհովայի անեծքը չար մարդու տան վրա է,+Բայց արդարների տունը նա օրհնում է:+
34 Ծաղրողների վրա նա ծիծաղում է,+Բայց հեզերի հանդեպ բարեհաճ է:+
35 Իմաստունները պատվի կարժանանան,Իսկ հիմարները մեծարում են այն, ինչը անպատվություն է բերում:+
Ծանոթագրություններ
^ Կամ՝ «իմ օրենքը»:
^ Բառարանում տես «Հավատարիմ սեր»:
^ Կամ՝ «ճշմարտությունը»:
^ Բռց.՝ «սրտիդ տախտակին»:
^ Բռց.՝ «պորտը»:
^ Կամ՝ «լավագույնով»:
^ Կամ՝ «եկամտիդ»:
^ Ակներևաբար, խոսքը Աստծու այն հատկությունների մասին է, որոնք նշված են նախորդ համարներում:
^ Կամ՝ «ում այն պատկանում է», «ում պետք է անել»:
