Առակներ 5։1-23
5 Որդի՛ս, ականջ դիր իմաստուն խոսքերիս,Ուշադրություն դարձրու խորաթափանցության մասին ասածներիս,+
2 Որպեսզի չկորցնես խոհեմությունդ,Եվ շուրթերդ միշտ ճշմարտությունը խոսեն:*+
3 Անառակ* կնոջ շուրթերից մեղր է ծորում, ինչպես մեղրախորսխից,+Եվ նրա խոսքերը յուղից էլ փափուկ են,+
4 Բայց վերջում նա օշինդրի պես դառնանում է+Եվ երկսայրի սրի պես սուր դառնում:+
5 Նրա ոտքերը դեպի մահ են գնում,Նրա քայլերը գերեզման* են տանում:
6 Կյանքի ուղու մասին նա չի խորհում:
Նա թափառում է՝ չիմանալով, թե իր քայլերն ուր են տանում:
7 Ուստի հիմա, որդինե՛րս, լսեք ինձԵվ մի՛ անտեսեք իմ խոսքերը:
8 Հեռու մնա նրանից,Նրա տան մուտքին մի՛ մոտեցիր,+
9 Որ քո արժանապատվությունը չկորցնես*+Եվ ողջ կյանքում տառապանք չհնձես,+
10 Որ քո ունեցվածքը* օտարներին չհասնի,+Եվ քրտինքով վաստակածդ ուրիշի տունը չլցնի,
11 Այլապես կյանքիդ վերջում կհառաչես,Երբ ուժերդ լքեն քեզ, և մարմինդ հյուծվի,+
12 Եվ կասես. «Ինչո՞ւ ատեցի խրատը,Ինչո՞ւ սիրտս արհամարհեց խորհուրդը:
13 Ես չլսեցի ինձ խրատողներին,Ուշադրություն չդարձրի ուսուցիչներիս ասածներին,
14 Եվ քիչ էր մնում՝ բոլորի աչքի առաջ* կործանվեի»:+
15 Դու քո ջրամբարից ջուր խմիր,Եվ թարմ* ջուր՝ քո ջրհորից:+
16 Ինչո՞ւ քո աղբյուրները դրսում տարածվեն,Եվ քո վտակները՝ հրապարակներում:+
17 Թող դրանք միայն քոնը լինեն,Ոչ թե և՛ քոնը, և՛ ուրիշինը:+
18 Թող քո ջրի աղբյուրը օրհնյալ լինի,Եվ ուրախացիր այն կնոջ հետ, ում հետ երիտասարդ տարիքում ես ամուսնացել՝+
19 Սիրելի եղնիկի և նրբագեղ այծյամի* հետ:+
Թող նրա կրծքերը հաճույք պատճառեն քեզ ամեն ժամանակ:
Թող նրա սերը անդադար գերի քեզ:+
20 Որդի՛ս, ինչո՞ւ անառակ կնոջով գերվեսԵվ անբարո կնոջ կուրծքը գրկես:+
21 Մարդու ճանապարհները Եհովայի աչքի առաջ են.
Նա ուշադիր հետևում է նրա բոլոր քայլերին:+
22 Չարագործը իր հանցանքների թակարդը կընկնիԵվ իր իսկ մեղքի պարաններով կկապվի:+
23 Նա կշեղվի ճանապարհից, քանի որ շատ հիմար է,Եվ կմեռնի, որովհետև չխրատվեց:
Ծանոթագրություններ
^ Կամ՝ «գիտելիք պահպանեն»:
^ Բռց.՝ «Օտար»: Ակներևաբար, նա, ով Աստծուց օտարացած է բարոյապես ապականված լինելու պատճառով:
^ Եբր.՝ շեոլ: Բառարանում տես «Գերեզման»:
^ Բռց.՝ «ուրիշներին չտաս»:
^ Կամ՝ «զորությունը»:
^ Բռց.՝ «ժողովի և ժողովրդի մեջ»:
^ Կամ՝ «հոսող»:
^ Բռց.՝ «լեռնայծի»:
