Առակներ 6։1-35
6 Որդի՛ս, եթե երաշխավոր ես դարձել դրացուդ համար,+Եթե սեղմել ես օտարի ձեռքը,+
2 Եթե թակարդն ես ընկել տվածդ խոստման պատճառով,Եթե խոսքերդ քեզ ծուղակն են գցել,+
3 Ապա, որդի՛ս, այսպես վարվիր և ազատիր քեզ,Քանի որ դրացուդ ձեռքն ես ընկել.
Խոնարհեցրու քեզ և թախանձագին աղերսիր դրացուդ,+
4 Քուն մի՛ տուր աչքերիդԵվ ոչ էլ նինջ՝ կոպերիդ:
5 Ազատիր ինքդ քեզ, ինչպես վիթն* է ազատվում որսորդի ձեռքից,Եվ թռչունը՝ թռչնորսի ձեռքից:
6 Գնա մրջյունի մոտ, ո՛վ ծույլ,+Ուշադիր հետևիր, թե ինչ է անում, և իմաստուն դարձիր:
7 Թեև նա չունի ղեկավար, հսկիչ կամ առաջնորդ,
8 Բայց ամռանը ուտելիքի պաշար է հավաքում+Եվ հնձի ժամանակ սնունդ է կուտակում:
9 Ո՛վ ծույլ, դեռ ինչքա՞ն ես պառկելու:
Ե՞րբ ես քնիցդ արթնանալու:
10 Մի քիչ քնես, մի քիչ ննջես,Մի քիչ ձեռքերդ ծալած նստես,+
11 Չքավորությունը վրա կհասնի ավազակի պես,Եվ կարիքը՝ զինված մարդու պես:+
12 Անպիտան ու չար մարդը սուտ խոսելով ման է գալիս,+
13 Նա աչքով է անում+ և ոտքերով ու մատներով նշաններ է ցույց տալիս:
14 Նրա սիրտը ապականված է,Նա միշտ չարիք է ծրագրում+ և վեճեր հրահրում:+
15 Այդ պատճառով նրա վրա հանկարծահաս աղետ կգա,Եվ մի ակնթարթում նա անդառնալիորեն կկործանվի:+
16 Վեց բան կա, որ Եհովան ատում է,Եվ յոթ բան գարշելի են նրա* համար.
17 Գոռոզ աչքերը,+ ստախոս լեզուն,+ անմեղ արյուն թափող ձեռքերը,+
18 Չարիք ծրագրող սիրտը,+ չար բան անելու համար արագ վազող ոտքերը,
19 Կեղծ ցուցմունք տվող վկան, որի ամեն մի խոսքը սուտ է,+Եվ եղբայրների մեջ վեճ գցողը:+
20 Որդի՛ս, պահիր քո հոր պատվիրաններըԵվ մի՛ մերժիր քո մոր խորհուրդները:*+
21 Դրանք միշտ փաթաթիր սրտիդԵվ կապիր պարանոցիդ:
22 Երբ քայլես, դրանք կառաջնորդեն քեզ,Երբ պառկես, կպահպանեն,Եվ երբ արթնանաս, կսովորեցնեն:
23 Որովհետև պատվիրանը ճրագ է,+ օրենքը՝ լույս,+Իսկ խորհուրդներն ու խրատը՝ կյանքի ճանապարհ:+
24 Դրանք կպաշտպանեն քեզ չար կնոջից,+Անբարո* կնոջ գայթակղիչ լեզվից:+
25 Քո սրտում մի՛ ցանկացիր նրա գեղեցկությունը,+Եվ թույլ մի տուր, որ նա գայթակղի քեզ իր գրավիչ աչքերով,
26 Որովհետև մարմնավաճառ կնոջ պատճառով մարդ ցամաք հացի հույսին կմնա,+Իսկ ուրիշի կնոջ պատճառով թանկ կյանքը կկորցնի:
27 Մի՞թե հնարավոր է, որ մարդ իր ծոցը կրակ դնի, և իր հագուստը չվառվի:+
28 Կամ մի՞թե հնարավոր է, որ մարդ շիկացած ածուխների վրայով քայլի, ու նրա ոտքերը չայրվեն:
29 Նմանապես նա, ով հարաբերություն ունենա իր դրացու կնոջ հետ,Նա, ով դիպչի նրան, անպատիժ չի մնա:+
30 Գողին արհամարհանքով չեն վերաբերվում,Եթե նա սոված լինելու պատճառով է գողանում:
31 Բայց երբ բռնվի, յոթնապատիկ կհատուցի.
Իր տան բոլոր թանկարժեք իրերը կտա:+
32 Ով որ ուրիշի կնոջ հետ շնություն* է գործում, անխոհեմ է:*Այդպես վարվողը կործանում է իրեն:+
33 Նա ցավ ու անպատվություն կհնձի,+Եվ նրա խայտառակությունը չի մոռացվի,+
34 Որովհետև խանդը բորբոքում է ամուսնու ցասումը.
Նա վրեժ կառնի ու չի խնայի:+
35 Նա ոչ մի փոխհատուցում* չի ընդունիԵվ չի խաղաղվի, որքան էլ նվերը մեծ լինի:
Ծանոթագրություններ
^ Այծեղջերուների տեսակ:
^ Կամ՝ «նրա հոգու»:
^ Կամ՝ «օրենքը»:
^ Բռց.՝ «Օտարական»: Ակներևաբար, նա, ով Աստծուց օտարացած է բարոյապես ապականված լինելու պատճառով:
^ Բառարանում տես «Շնություն»:
^ Բռց.՝ «սիրտ չունի»:
^ Կամ՝ «փրկագին»:
