Առակներ 7։1-27
7 Որդի՛ս, հնազանդվիր իմ ասածներինԵվ գանձի պես փայփայիր* իմ պատվիրանները:+
2 Պահիր իմ պատվիրանները, որ ապրես,+Ու պահպանիր իմ խորհուրդները* աչքիդ բիբի պես:
3 Կապիր դրանք մատներիդԵվ սրտումդ* դաջիր:+
4 Իմաստությանն ասա՝ «Դու իմ քույրն ես»,Եվ հասկացողությանը՝ «Դու իմ բարեկամն ես»,
5 Որպեսզի դրանք պաշտպանեն քեզ անառակ* կնոջից՝+Անբարո* կնոջից, և նրա գայթակղիչ* խոսքերից:+
6 Մի անգամ իմ տան պատուհանից՝Պատուհանի ճաղերից, ներքև նայեցի
7 Եվ երբ նայում էի միամիտ* մարդկանց,Երիտասարդների մեջ տեսա անխոհեմ մի պատանու:+
8 Նա անցնում էր այդպիսի մի կնոջ տան փողոցի մոտովՈւ գնում էր նրա տան կողմը:
9 Մթնշաղ էր՝ երեկո,+Մոտենում էր գիշերը, և իջնում էր խավարը:
10 Եվ հանկարծ այդ կինը, որ խորամանկ սիրտ ուներ,Մարմնավաճառի պես հագնված՝+ դուրս եկավ նրա առաջ:
11 Նա շատախոս է ու սանձարձակ:+
Նա երբեք տանը չի մնում:
12 Նա մե՛կ փողոցում է, մե՛կ հրապարակներումԵվ ամեն անկյունում դարան մտած սպասում է:+
13 Նա բռնեց պատանուն, համբուրեց նրանԵվ անամոթաբար ասաց.
14 «Ես պետք է խաղաղության զոհեր մատուցեի+Եվ այսօր իմ երդումները կատարեցի:
15 Դրա համար դուրս եկա, որ հանդիպեմ քեզ,Ես փնտրում էի քեզ ու գտա:
16 Անկողնուս վրա փռել եմ գեղեցիկ ծածկոցներ,Եգիպտոսից բերված երփներանգ կտավ:+
17 Մահճիս վրա զմուռս,* հալվե* և դարչին եմ ցանել:+
18 Եկ մինչև առավոտ սիրով հարբենքՈւ միասին հաճույք ստանանք կրքոտ սիրուց:
19 Ամուսինս տանը չէ,Նա հեռավոր ճանապարհորդության է գնացել:
20 Նա քսակով փող է վերցրելԵվ մինչև լիալուսնի օրը տուն չի գալու»:
21 Համոզիչ խոսքերով կինը մոլորեցրեց նրան,+Գայթակղիչ խոսքերով հրապուրեց:
22 Եվ ահա նա գնում է այդ կնոջ հետևից, ինչպես մի ցուլ՝ մորթվելու,Եվ ինչպես մի հիմար, որին պատժում են՝ կոճղի* մեջ դնելով:+
23 Նրա վերջը կգա, երբ նետը ճեղքի նրա լյարդը:
Թռչնի պես նա դեպի թակարդն է նետվում՝Չիմանալով, որ իր կյանքով է հատուցելու:+
24 Հիմա, որդինե՛րս, լսեք ինձԵվ ուշադրություն դարձրեք խոսքերիս:
25 Թող քո սիրտը չհակվի նրա կողմը,Նրա ճանապարհներին ոտք մի՛ դիր,+
26 Որովհետև շատերն են նրա պատճառով կործանվել,+Եվ մեծ է նրա կողմից սպանվածների թիվը:+
27 Նրա տուն գնացողը գերեզման* է գնում,Իջնում է դեպի մահվան խավարը:*
Ծանոթագրություններ
^ Կամ՝ «կուտակիր»:
^ Կամ՝ «օրենքը»:
^ Բռց.՝ «սրտիդ տախտակին»:
^ Բռց.՝ «օտար»: Ակներևաբար, նա, ով Աստծուց օտարացած է բարոյապես ապականված լինելու պատճառով:
^ Բռց.՝ «Օտարական»:
^ Կամ՝ «խորամանկ»:
^ Կամ՝ «անփորձ»:
^ Թանկարժեք, անուշաբույր խեժ:
^ Անուշաբույր բուսանյութ, որն, ըստ ամենայնի, ստանում էին Aquilaria ընտանիքին պատկանող ծառատեսակից (սա դեղաբույս հալվեն չէ):
^ Եբր.՝ շեոլ: Բառարանում տես «Գերեզման»:
^ Բռց.՝ «սենյակները»: