Եզեկիել 24։1-27
24 Իններորդ տարվա տասներորդ ամսում՝ տասներորդ օրը, Եհովան կրկին խոսեց ինձ հետ՝ ասելով.
2 «Մարդո՛ւ որդի, գրի առ այս ամսաթիվը՝ այս օրը, քանի որ հենց այսօր Բաբելոնի թագավորը հարձակվեց Երուսաղեմի վրա:+
3 Մի առակ պատմիր ըմբոստ ժողովրդի մասին ու ասա.
«Գերիշխան Տեր Եհովան ասում է.
«Կաթսան կրակի վրա դիր ու մեջը ջուր լցրու:+
4 Մեջը մսի կտորներ գցիր՝+ բոլոր լավ կտորները՝Ազդրը և ուսը, ապա լցրու ամենաընտիր ոսկորները:
5 Հոտի միջից ընտրիր լավագույն ոչխարին+Եվ կաթսայի տակ կոճղեր շարիր:
Դրա մեջ եփիր այդ կտորներն ու ոսկորները»»:
6 Գերիշխան Տեր Եհովան ասում է.
«Վա՜յ արյունահեղ քաղաքին՝+Ժանգոտած կաթսային, որի ժանգը չի մաքրվել:
Դրա միջից մեկ առ մեկ կտորները հանիր,+Դրանց համար վիճակ* մի՛ գցիր,
7 Որովհետև նրա թափած արյունն իր մեջ է:+
Նա լերկ ժայռի վրա է թափել այն,Ոչ թե գետնին, որ հողով ծածկի:+
8 Նրա թափած արյունը թողել եմ հարթ ու լերկ ժայռի վրա, որ չծածկվի,Որպեսզի իմ ցասումը բորբոքվի, ու ես վրեժ առնեմ նրանից:+
9 Դրա համար էլ Գերիշխան Տեր Եհովան ասում է.
«Վա՜յ արյունահեղ քաղաքին:+
Ես շատ կոճղեր կդիզեմ խարույկի համար:
10 Շատ փայտ դիր ու կրակ վառիր:
Միսը լավ եփիր, մսաջուրը թափիր, և թող ոսկորները ածխանան:
11 Դատարկ պղնձե կաթսան դիր ածուխների վրա,Որպեսզի այն տաքանա,Որպեսզի սաստիկ շիկանա:
Դրա անմաքրությունը կհալչի դրա մեջ,+ և ժանգը կվերանա:
12 Անօգուտ ջանքեր և հիասթափություն...
Ժանգի հաստ շերտը չի անցնում:+
Կրա՛կը նետիր այն իր ժանգի հետ միասին»:
13 «Դու անմաքուր ես քո անառակ վարքի պատճառով:+ Ես փորձեցի մաքրել քեզ, բայց այդպես էլ չմաքրվեցիր: Դու մաքուր չես դառնա, մինչև որ քո դեմ բորբոքված իմ ցասումը չհանդարտվի:+
14 Ես՝ Եհովաս եմ ասել: Աղետ է գալու: Ես գործելու եմ առանց վարանելու, առանց խղճալու և ափսոսալու:+ Քեզ կդատեն քո վարքի ու գործերի համաձայն»,– ասում է Գերիշխան Տեր Եհովան»»:
15 Եհովան դարձյալ խոսեց ինձ հետ՝ ասելով.
16 «Մարդո՛ւ որդի, ես այնպես կանեմ, որ նա, ով թանկ է քեզ համար, անսպասելիորեն մահանա:+ Սուգ չանես,* չողբաս ու արցունք չթափես:
17 Լուռ կհառաչես, սգո ծեսեր չանես:+ Գլխափաթթոցդ կկապես+ և կհագնես սանդալներդ:+ Բերանդ* չծածկես+ և ուրիշների բերած հացը չուտես»:+
18 Ես առավոտյան խոսեցի ժողովրդի հետ, իսկ երեկոյան կինս մահացավ: Եվ հաջորդ առավոտ արեցի ճիշտ այնպես, ինչպես որ ինձ պատվեր էր տրվել:
19 Ժողովուրդը սկսեց հարցնել ինձ. «Կասե՞ս, թե մեզ հետ ինչ կապ ունի այն ամենը, ինչ անում ես»:
20 Ես պատասխանեցի. «Եհովան ասել է ինձ.
21 «Ասա Իսրայելին. «Գերիշխան Տեր Եհովան ասում է. «Ես պղծելու եմ իմ սրբարանը,+ այն, ինչով դուք անչափ հպարտանում եք, ինչը թանկ է ձեզ համար, և ինչին կապված է ձեր սիրտը: Ձեր որդիներն ու դուստրերը, որոնք մնացել են այն երկրում, սրից կընկնեն:+
22 Դուք կանեք այն, ինչ Եզեկիելն արեց: Չեք ծածկի ձեր բերանը և ուրիշների բերած հացը չեք ուտի:+
23 Ձեր գլխափաթթոցները ձեր գլխին կլինեն, և ձեր սանդալները՝ ձեր ոտքերին: Դուք սուգ չեք անի ու չեք ողբա, այլ կփտեք ձեր մեղքերի պատճառով+ և լուռ կհառաչեք:
24 Եզեկիելը ձեզ համար նշան է դարձել:+ Դուք կանեք այն, ինչ նա արեց: Երբ այս ամենը կատարվի, դուք կիմանաք, որ ես Գերիշխան Տեր Եհովան եմ»»»»:
25 «Ո՛վ մարդու որդի, այն օրը, երբ նրանցից խլեմ նրանց ամրոցը, որի գեղեցկությամբ նրանք ուրախանում են, այն, ինչը թանկ է նրանց համար, և ինչին կապված է նրանց սիրտը, ինչպես նաև խլեմ նրանց որդիներին ու դուստրերին,+
26 այդ օրը քեզ մոտ կգա մեկը, ով փրկվել է, և կհայտնի քեզ այդ մասին:+
27 Այդ ժամանակ դու նորից կխոսես: Դու կխոսես փրկվածի հետ ու այլևս լուռ չես մնա:+ Նրանց համար նշան կդառնաս, և նրանք կիմանան, որ ես Եհովան եմ»:
