Եսայիա 2։1-22
2 Ահա թե ինչ տեսիլք տրվեց Ամոզի որդի Եսայիային Հուդայի ու Երուսաղեմի մասին:+
2 Վերջին օրերում այն լեռը, որտեղ Եհովայի տունն է,Ամուր կհաստատվի լեռների գագաթներից վեր,+Բլուրներից բարձր կլինի,Եվ ազգերը դեպի այդ լեռը կհորդեն:+
3 Շատ ժողովուրդներ կգան ու կասեն.
«Եկե՜ք, եկեք բարձրանանք Եհովայի լեռը,Գնանք Հակոբի Աստծու տունը:+
Նա կսովորեցնի մեզ, թե որոնք են իր ճանապարհները,Եվ մենք կգնանք նրա ուղիներով»:+
Չէ՞ որ Սիոնից է դուրս գալու օրենքը,*Եվ Երուսաղեմից՝ Եհովայի խոսքը:+
4 Նա ազգերի դատավորը կլինիԵվ բազմաթիվ ժողովուրդների մեջ ամեն սխալ բան կշտկի:
Նրանք իրենց սրերից խոփեր* կկոփենԵվ իրենց նիզակներից՝ էտոցներ:*+
Ազգը ազգի վրա սուր չի բարձրացնի,Եվ նրանք այլևս չեն սովորի պատերազմել:+
5 Ո՛վ Հակոբի տուն, ե՛կ,Եկ Եհովայի լույսով քայլենք:+
6 Ո՛վ Աստված, քո ժողովրդին՝ Հակոբի սերնդին, դու թողել ես,+Քանի որ Արևելքից բազում սովորույթներ են որդեգրել,Մոգությամբ են զբաղվում+ փղշտացիների պես,Նրանց մեջ օտարականների շատ զավակներ կան:
7 Նրանց երկիրը լի է արծաթով ու ոսկով,Նրանց գանձերին վերջ չկա:
Նրանց երկիրը լի է ձիերով,Նրանց կառքերին թիվ չկա:+
8 Նրանց երկիրը լի է փուչ աստվածներով:+
Նրանք խոնարհվում են իրենց իսկ ձեռքի գործերի առաջ,Իրենց մատներով կերտածի առաջ:
9 Այդպես մարդը նվաստացնում ու ցածրացնում է ինքն իրեն.
Դու չես կարող նրանց ներել:
10 Ժայռի ճեղքե՛րը մտեք, հողի մեջ թաքնվե՛քԵհովայի ահազդու ցասումից,Նրա փառահեղ մեծությունից:+
11 Մարդու գոռոզ աչքերը կխոնարհեցվեն,Մեծամիտ մարդիկ կնվաստացվեն:
Այդ օրը միմիայն Եհովան կմեծարվի,
12 Քանի որ դա Զորքերի տեր Եհովայի օրն է:+
Այն վրա կհասնի բոլոր գոռոզ ու մեծամիտ մարդկանց՝Լինեն անվանի, թե աննշան:+
13 Այն վրա կհասնի Լիբանանի բոլոր վեհապանծ ու բարձր մայրիներին,Բասանի բոլոր կաղնիներին,
14 Բոլոր բարձրաբերձ լեռներին,Բոլոր վեր խոյացած բլուրներին,
15 Բոլոր բարձր աշտարակներին,Բոլոր ամրացված պարիսպներին,
16 Թարսիսյան բոլոր նավերին,+Բոլոր ճոխ նավակներին:
17 Գոռոզը կցածրացվի,Մեծամիտ մարդիկ կնվաստացվեն:
Այդ օրը միմիայն Եհովան կմեծարվի:
18 Փուչ աստվածները իսպառ կվերանան:+
19 Մարդիկ քարայրերի ու խոռոչների մեջ կմտնեն+Եհովայի ահազդու ցասումից,Նրա փառահեղ մեծությունից,+Երբ նա վեր կենա, որ երկիրը ահուդողի մեջ գցի:
20 Այդ օրը մարդիկ կվերցնեն իրենց շինած պաշտամունքի առարկաները՝Իրենց արծաթե ու ոսկե փուչ կուռքերը,Եվ կնետեն սրընչակների* ու չղջիկների առաջ:+
21 Նրանք քարայրերի ու ժայռերի խոռոչների մեջ կմտնենԵհովայի ահազդու ցասումից,Նրա փառահեղ մեծությունից,Երբ նա վեր կենա, որ երկիրը ահուդողի մեջ գցի:
22 Հանուն ձեր իսկ բարօրության՝ ձեր հույսն այլևս մի՛ դրեք մարդու վրա,Ում կյանքը շնչելուց է կախված.
Ինչպե՞ս կարելի է ապավինել նրան:
Ծանոթագրություններ
^ Կամ՝ «ուսուցումը», «առաջնորդությունը»:
^ Գութանի՝ արորի մետաղյա կտրիչը, որը մտնում է հողի մեջ և ճեղքում այն:
^ Էտելու՝ ավելորդ ճյուղերը կտրելու գործիք:
^ Փոքր չափի անկուշտ կաթնասուններ: