Եսայիա 24։1-23
24 Ահա Եհովան երկիրը* կդատարկի ու կամայացնի,+Այն տակնուվրա կանի*+ և բնակիչներին ցիրուցան կանի:+
2 Ամենքին նույն բանը կվիճակվի.
Ժողովրդին՝ նույնը, ինչ քահանային,Ծառային՝ նույնը, ինչ տիրոջը,Աղախնին՝ նույնը, ինչ տիրուհուն,Գնորդին՝ նույնը, ինչ վաճառողին,Պարտատիրոջը՝ նույնը, ինչ պարտապանին,Տոկոսառուին՝ նույնը, ինչ տոկոսով պարտք վերցնողին:+
3 Երկիրը լիովին կդատարկվի,Ամբողջությամբ կկողոպտվի,+Քանի որ Եհովան է ասել դա:
4 Երկիրը սգում է,*+ այն հյուծվում է,Պտղաբեր երկիրը չորանում, թոշնում է,Երկրի մեծամեծները ուժասպառ են լինում:
5 Երկիրը ապականել են այնտեղ բնակվողները,+Քանի որ նրանք շրջանցում են օրենքները,+Փոխում են կանոնները,+Դրժում են հարատև* ուխտը:*+
6 Այդ պատճառով էլ անեծքը խժռում է երկիրը,+Այնտեղ բնակվողները հանցավոր են ճանաչվում:
Երկրի բնակիչների թիվը նվազել է,Շատ քիչ մարդ է մնացել:+
7 Գինին սուգ է անում,* չորացել է խաղողի վազը,+Զվարթասիրտ բոլոր մարդիկ այժմ հառաչում են:+
8 Դափերի ցնծագին ձայնը կտրվել է,Խրախճասերների աղմուկը դադարել է,Քաղցրաձայն քնարը լռել է:+
9 Նրանք գինի են խմում առանց երգ ու տաղի,Ոգելից խմիչքը այն խմողների համար դառնահամ է:
10 Լքված քաղաքը ավերվել է,+Բոլոր տները փակ են, ոչ ոք չի կարող մտնել:
11 Փողոցներում լաց են լինում գինու կարոտից,Ողջ ուրախությունը հօդս է ցնդել,Խինդը վերացել է երկրից:+
12 Քաղաքն ավերակ է մնացել,Դարպասները ջարդուխուրդ են եղել:+
13 Ազգերի մեջ իմ ժողովուրդը այս երկրում նման կլինի թափ տրված ձիթենու,+Խաղողի բերքահավաքից հետո ճռաքաղի համար մնացած պտուղների:+
14 Նրանք կբացականչեն, ուրախությամբ կաղաղակեն,Եհովայի մեծափառությունը կհռչակեն արևմուտքում:*+
15 Եհովային կփառաբանեն արևելքում,*+Իսրայելի Աստծու՝ Եհովայի անունը կգովաբանեն ծովի կղզիներում:+
16 Աշխարհի ծայրերից երգեր ենք լսում.
«Փա՜ռք արդար Աստծուն»:+
Բայց ես ասում եմ. «Ես հյուծվում եմ, հալումաշ եմ լինում:
Վա՜յ ինձ: Դավաճանները դավաճանում են:
Այո՛, դավաճանները դավաճանաբար դավաճանում են»:+
17 Ո՛վ երկրի բնակիչ, քեզ սարսափներ, փոսեր ու թակարդներ են սպասում:+
18 Սարսափազդու ձայնից փախչողը փոսը կընկնի,Փոսից դուրս եկողը թակարդը կընկնի:+
Երկնքի ջրարգելակները կբացվեն,Երկրի հիմքերը կցնցվեն:
19 Երկիրը ճեղքվել է,Երկիրը սասանվել է,Երկիրը ուժգին ցնցվում է:+
20 Երկիրը երերում է հարբած մարդու պես,Տարուբերվում է քամուց ճոճվող հյուղի պես:
Նա կքել է իր անօրենությունների ծանրության տակ,+Նա վայր կընկնի ու այլևս վեր չի կենա:
21 Այդ օրը Եհովան դատաստանի կենթարկի վերին զորքերինԵվ երկրի թագավորներին:
22 Գուբը գցված բանտարկյալների պես նրանց միասին զնդանում կփակիԵվ շատ օրեր անց իր ուշադրությունը նրանց կդարձնի:
23 Զորքերի տեր Եհովան Թագավոր է դարձել+ Սիոն լեռան վրա՝+ Երուսաղեմում,Փառքով է պսակված իր ժողովրդի երեցների առաջ:+
Նրա փառքից անգամ լիալուսինը կխամրի,Լուսաշող արեգակը ամոթահար կլինի:+
Ծանոթագրություններ
^ Կամ՝ «Կխեղի դրա կերպարանքը»:
^ Ըստ ամենայնի, խոսքը Հուդայի և Երուսաղեմի մասին է:
^ Կամ հնարավոր է՝ «չորանում է»:
^ Կամ՝ «վաղեմի»:
^ Կամ հնարավոր է՝ «ցամաքում է»:
^ Բռց.՝ «ծովից»:
^ Կամ՝ «լույսի շրջանում»:
