Եսայիա 26։1-21
26 Այդ օրը Հուդայի+ երկրում այս երգը կերգեն.+
«Մենք ամուր քաղաք ունենք:+
Նա* տալիս է փրկություն, որն ասես պարիսպ ու պատնեշ լինի:+
2 Բացեք դարպասները,+ որ արդար ազգը ներս մտնի,Ազգ, որը մնում է հավատարիմ:
3 Դու, ո՛վ Աստված, կպահպանես նրանց, ովքեր լիովին ապավինում են քեզ,*Նրանց հարատև խաղաղություն կշնորհես,+Քանի որ վստահում են քեզ:+
4 Եհովային ապավինեք հավիտյան,+Որովհետև հավիտենական Ժայռ է Յահը՝* Եհովան:+
5 Նա ցածրացրել է բարձունքում բնակվողներին՝ վերամբարձ քաղաքին:
Նա տապալում է այն,Գետնին է տապալում, հողին հավասարեցնում:
6 Այն ոտնակոխ կլինի,Ոտնակոխ կլինի հարստահարվածների ու խեղճերի ոտքերի տակ»:
7 Արդարի ճանապարհն ուղիղ* է:
Եվ քանի որ դու, ո՛վ Աստված, արդար ես,Արդարի ճամփան կհարթես:
8 Քո արդարության ճանապարհով ընթանալիս, ո՛վ Եհովա,Մեր հույսը դնում ենք քեզ վրա:
Մեզ համար թանկ է քո անունը,Մեր փափագն է, որ այն միշտ հիշվի:
9 Գիշերը իմ ողջ էությամբ քեզ եմ փափագում,Իմ ողջ սրտով քեզ եմ տենչում,+Որովհետև երբ երկրի վրա իրագործում ես քո դատաստանները,Արդարություն են սովորում այնտեղ բնակվողները:+
10 Նույնիսկ եթե անօրենի հանդեպ բարեհաճություն ցուցաբերվի,Նա արդարություն չի սովորի:+
Անգամ արդարությամբ լի երկրում նա անօրենություն կգործի+Ու Եհովայի մեծափառությունը չի տեսնի:+
11 Ո՜վ Եհովա, քո ձեռքը վեր է բարձրացված, բայց անօրենները չեն տեսնում այն:+
Նրանք կտեսնեն, որ նախանձախնդրությամբ պաշտպանում ես ժողովրդիդ, և ամոթով կմնան:
Այո՛, հակառակորդներիդ համար պահված կրակդ կլափի նրանց:
12 Ո՜վ Եհովա, դու մեզ խաղաղություն կտաս,+Քանի որ ինչի էլ հասնում ենք, քո շնորհիվ է:
13 Ո՜վ մեր Աստված Եհովա, մեզ իշխել են նաև ուրիշ տերեր,+Բայց մենք միայն քո անունն ենք գովաբանում:+
14 Նրանք մահացած են, չեն ապրելու,Անզոր մեռելներ են, վեր չեն կենալու:+
Դու նրանց պատժել ու ոչնչացրել ես,Նրանց հիշատակն իսպառ վերացրել ես:
15 Ո՜վ Եհովա, դու մեծաթիվ դարձրիր քո ազգը,Այո՛, մեծաթիվ դարձրիր քո ազգը:
Քեզ փառավորեցիր,+Երկրի բոլոր սահմանները մեծապես ընդարձակեցիր:+
16 Ո՜վ Եհովա, իրենց նեղության մեջ նրանք քեզ էին դիմում,Երբ խրատում էիր նրանց, շշնջաձայն աղոթելով՝ իրենց սիրտն էին քո առաջ բացում:+
17 Ո՜վ Եհովա, դու այնպես արեցիր, որ մենք զգանք մեզ ինչպես հղի մի կին,Որն ուր որ է պետք է ծննդաբերի,Որը ցավեր է քաշում ու ցավից գոռում:
18 Ասես հղիացել ու ծննդաբերության ցավ էինք քաշում,Բայց լոկ քամի ծնեցինք:
Երկրին ոչ մի փրկություն չբերեցինք,Երկրի համար չծնեցինք ոչ մի բնակիչ:
19 Աստված ասում է. «Ձեր միջի մահացածները կապրեն:
Իմ ժողովրդի դիերը* վեր կկենան:+
Արթնացեք և ուրախ բացականչեք, ո՛վ հողի մեջ պառկածներ,+Որովհետև ձեզ վրա իջած ցողը վաղորդյան ցող է,*Երկիրը բաց կթողնի անզոր պառկած մեռելներին, ու նրանք կյանքի կգան:*
20 Գնա, ի՛մ ժողովուրդ, մտիր քո տան խորքի սենյակներըԵվ հետևիցդ փակիր դռները:+
Մի պահ թաքնվիր, մինչև որ անցնի իմ բարկությունը:+
21 Ահա ես՝ Եհովաս, դուրս եմ գալիս իմ բնակավայրից,Որ հաշիվ պահանջեմ երկրի բնակիչներիցԻրենց գործած հանցանքների համար:
Երկրում կատարված արյունահեղությունները կբացահայտվեն,Եվ երկիրն այլևս չի թաքցնի սպանվածներին»:
Ծանոթագրություններ
^ Ըստ ամենայնի, խոսքը Աստծու մասին է:
^ Կամ հնարավոր է՝ «հաստատուն միտք ունեցողներին»:
^ «Յահ» անունը «Եհովա» անվան կրճատ ձևն է:
^ Կամ՝ «հարթ»:
^ Բռց.՝ «Իմ դին»:
^ Կամ հնարավոր է՝ «խոտաբույսերի (փիփերթի) ցող է»:
^ Կամ՝ «Երկիրը ծնունդ կտա անզոր մեռելներին»:
