Եսայիա 42։1-25
42 «Ահա իմ ծառան,+ որին ես աջակցում եմ,Իմ ընտրյալը,+ որն ունի իմ հավանությունը:+
Ես նրան տվել եմ իմ ոգին:+
Ժողովուրդների համար նա արդարություն կհաստատի:*+
2 Նա չի աղաղակի և իր ձայնը չի բարձրացնի,Փողոցում նրա ձայնը չի լսվի:+
3 Կոտրված եղեգը նա չի ջախջախի,Մարող պատրույգը չի հանգցնի,+Հավատարմությամբ կվարվի և արդարություն կհաստատի:+
4 Նա չի թուլանա ու չի հանձնվի,Մինչև որ երկրի վրա արդարություն չհաստատի:+
Կղզիները սպասում են նրա օրենքին»:*
5 Ահա թե ինչ է ասում ճշմարիտ Աստվածը՝ Եհովան՝Երկինքն Արարողը, Մեծն Աստվածը, ով սփռել է այն,+Նա, ով ստեղծել է երկիրն ու դրա բոլոր բարիքները,+Նա, ով շունչ է տալիս այնտեղ ապրող մարդկանց,+Կենսատու ուժ* է տալիս դրա վրա քայլողներին.+
6 «Ես՝ Եհովաս, քեզ կանչել եմ հանուն արդարությանՈւ բռնել եմ քո ձեռքից:
Ես քեզ կպահպանեմ ու քեզ կտամ որպես երաշխիք* ժողովրդի համար,+Որպես լույս՝ ազգերի համար,+
7 Որ կույրերի աչքերը բացես,+Բանտարկյալներին զնդանից ազատես,Բանտի խավարի մեջ նստածներին դուրս բերես:+
8 Ես Եհովան եմ: Սա է իմ անունը:
Իմ փառքը ես չեմ տա ուրիշ ոչ ոքի,*Գովքը, որին միայն ես եմ արժանի, չեմ տա կուռքերին:+
9 Վաղեմի ժամանակներում ասված բաները կատարվել են,Հիմա ես նոր բաներ եմ հայտնում:
Նախքան դրանց կատարվելը ձեզ տեղեկացնում եմ»:+
10 Ծովով նավարկողնե՛ր և ծովաբնակ բոլո՛ր արարածներ,Կղզինե՛ր և դրանց բնակիչնե՛ր,+Եհովայի պատվին նոր երգ երգեք,+Երկրի բոլոր ծայրերում նրա գովքը երգեք:+
11 Թող իրենց ձայնը բարձրացնեն անապատը և դրա քաղաքները,+Բնակավայրերը, որտեղ ապրում է Կեդարը:+
Թող ժայռոտ տեղերում բնակվողներն ուրախ բացականչեն,Թող լեռների գագաթներից աղաղակեն:
12 Թող նրանք բոլորը Եհովային փառք տան,Կղզիներում անգամ թող գովաբանեն նրան:+
13 Եհովան պատերազմի դուրս կգա ինչպես մի զորավոր մարդ,+Մեծ եռանդով կլցվի ռազմիկի պես:+
Նա կբղավի, մարտական կոչ կարձակի,Կփաստի, որ զորեղ է իր թշնամիներից:+
14 Նա ասում է. «Ես երկար ժամանակ լուռ եմ մնացել,Ձայն չեմ հանել, զսպել եմ ինձ,Բայց հիմա ծննդաբերող կնոջ պես կտնքամ,Ծանր կշնչեմ ու կհևամ:
15 Լեռներն ու բլուրները կամայացնեմ,Դրանց ողջ բուսականությունը կչորացնեմ:
Գետերում կղզյակներ կգոյացնեմ,Եղեգնաշատ լճերը կցամաքեցնեմ:+
16 Կույրերին կառաջնորդեմ նրանց չիմացած ճանապարհով,+Կտանեմ անծանոթ ուղիներով:+
Նրանց առաջ խավարը կլուսավորեմ+Եվ խորդուբորդ տեղանքը հարթավայր կդարձնեմ:+
Ես նրանց համար կանեմ այս ամենը, չեմ թողնի նրանց:
17 Իսկ ովքեր ապավինում են քանդակված պատկերներին,Ովքեր ձուլածո արձաններին ասում են՝ «Դուք մեր աստվածներն եք»,+Հետ կշպրտվեն ու ամոթահար կլինեն:
18 Լսեք, ո՛վ խուլեր,Նայեք ու տեսեք, ո՛վ կույրեր:+
19 Ուրիշ ո՞վ է իմ ծառայի պես կույր,Ո՞վ է իմ ուղարկած պատգամաբերի պես խուլ:
Ո՞վ է այնքան կույր, որքան իմ կողմից պարգևատրվածը,Այնքան կույր, որքան Եհովայի ծառան:+
20 Դու շատ բաներ ես տեսնում, բայց ուշադրություն չես դարձնում,Ականջներդ բաց են, բայց չես լսում»:+
21 Եհովան, հանուն իր արդարության,Ցանկացավ ցույց տալ, թե որքան վեհ ու փառահեղ է իր օրենքը:
22 Բայց այս ժողովուրդը կողոպտված ու թալանված է:+
Նրանք բոլորը փոսն են ընկել, բանտերում փակված են:+
Նրանք կողոպտվել են, և փրկող չունեն,+Նրանց բռնել-տարել են, և ոչ ոք չի ասում՝ «Նրանց հե՛տ բերեք»:
23 Ո՞վ կլսի սա,Ո՞վ ուշադրություն կդարձնի,Կլսի ու ապագայի համար դասեր կքաղի:
24 Ո՞վ է Հակոբին որպես ավար տվել,Ո՞վ է Իսրայելին կողոպտիչների ձեռքը մատնել:
Չէ՞ որ Եհովան, ում դեմ նրանք մեղք գործեցին,Ում ճանապարհներով գնալ չուզեցին,Ում օրենքին չհնազանդվեցին:+
25 Ուստի նա Իսրայելի վրա թափեց իր ցասումը,Իր բարկությունն ու պատերազմի կրակը:+
Այն ամեն ինչ սպառում էր շուրջբոլորը, բայց Իսրայելը ուշադրություն չդարձրեց,+Այն մոլեգնում էր, բայց նրա սիրտը մնաց անտարբեր:+
Ծանոթագրություններ
^ Կամ՝ «Ժողովուրդներին նա արդարություն կուսուցանի»:
^ Կամ՝ «ուսուցմանը», «առաջնորդությանը»:
^ Կամ՝ «ոգի»:
^ Բռց.՝ «ուխտ»:
^ Կամ՝ «Իմ փառքը ուրիշ ոչ ոքի հետ չեմ կիսի»:
