Երգերի երգը 2։1-17
2 «Ես պարզապես ծովափնյա հարթավայրի մի զաֆրան* եմ,Հովիտներում աճող մի շուշան»:+
2 «Իմ սիրելին աղջիկների մեջԱսես շուշան լինի փշերի մեջ»:
3 «Սիրեցյալս տղաների մեջԱսես խնձորենի լինի անտառի ծառերի մեջ:
Որքա՜ն եմ փափագում նստել նրա ստվերում,Որքա՜ն քաղցր է նրա պտուղն ինձ համար:
4 Նա ինձ տարավ խնջույքի տուն*Եվ իր սիրո դրոշը ծածանեց իմ վերևում:
5 Չամիչի բլիթներ* տվեք ինձ՝ թարմանամ,+Խնձորներ, որ ամրանամ,Որովհետև տանջվում եմ սիրուց:
6 Նա իր ձախ ձեռքը գլխիս տակ է դրել,Իսկ աջով գրկում է ինձ:+
7 Ո՜վ Երուսաղեմի դուստրեր,Երդվեք վիթերով*+ ու դաշտի եղնիկներով,Որ չեք փորձի իմ մեջ սեր արթնացնել կամ բորբոքել,Մինչև որ այն ինքը չարթնանա:+
8 Սիրեցյալիս ձա՜յնն եմ լսում:
Ահա նա գալիս է՝Լեռները մագլցելով, բլուրների վրա ցատկոտելով:
9 Սիրեցյալս ասես վիթ լինի, մատղաշ եղջերու:+
Ահա նա կանգնած է մեր պատի հետևում,Ներս է նայում պատուհաններից,Պատուհանների ճաղավանդակներից:
10 Իմ սիրելին ձայն է տալիս ինձ ու ասում.
«Վեր կաց, սե՛ր իմ,Արի ինձ հետ, գեղեցկուհի՛ս,
11 Նայիր, ձմեռն* անցել է,Անձրևները դադարել են:
12 Ծաղիկներն ամենուր բացվել են,+Խաղողենին էտելու ժամանակը հասել է,+Մեր երկրում լսվում է տատրակի ձայնը:+
13 Թզենու վրա հասնում են առաջին պտուղները,+Խաղողենին ծաղկել է, իր բուրմունքն է արձակում:
Վեր կաց, սիրելի՛ս, արի ինձ հետ,Արի գնանք, ի՜մ գեղեցկուհի:
14 Ո՜վ իմ աղավնյակ, որ ապառաժներում ես պատսպարվում,+Ժայռերի խոռոչներում ես թաքնվում,Թույլ տուր՝ տեսնեմ քեզ, լսեմ ձայնդ,+Քանի որ ձայնդ հաճելի է, և տեսքդ՝ գեղանի»»:+
15 «Բռնեք աղվեսներին,Խաղողի այգիները փչացնող փոքրիկ աղվեսներին,Քանի որ մեր այգիները ծաղկել են»:
16 «Սիրեցյալս իմն է, և ես՝ նրանը:+
Նա շուշանների մեջ է+ հովվում հոտը:+
17 Քանի դեռ քամի չի փչել, և ստվերները չեն փախել,Շուտ վերադարձիր, սիրելի՛ս,Վազիր մեզ բաժանող* լեռների* վրայով, ինչպես վիթը,+ ինչպես մատղաշ եղջերուն»:+
Ծանոթագրություններ
^ Կամ՝ «քրքում»:
^ Բռց.՝ «գինետուն»:
^ Ամենայն հավանականությամբ, խոսքը իրար սեղմած ու բլիթի տեսք տված չամիչների մասին է:
^ Այծեղջերուների տեսակ:
^ Կամ՝ «անձրևային սեզոնը»:
^ Կամ հնարավոր է՝ «ճեղքված»:
^ Կամ՝ «Բեթերի լեռների»:
