Երեմիա 10։1-25
10 Ո՛վ Իսրայել, լսիր, թե Եհովան ինչ է ասում քեզ:
2 Սա է ասում Եհովան.
«Մի՛ ընդօրինակիր ազգերի սովորույթները+Եվ մի՛ սարսափիր երկնքի նշաններիցԱյն պատճառով, որ դրանցից ազգերն են սարսափում.+
3 Չէ՞ որ ժողովուրդների սովորույթները փուչ են:
Ինչ-որ մեկը անտառում ծառ է կտրում,Իսկ արհեստավորն իր գործիքով* մշակում է այն:+
4 Արծաթով ու ոսկով կուռքը զարդարում են,+Ապա մուրճի օգնությամբ մեխերով ամրացնում են, որ չընկնի:+
5 Այդ կուռքերը ասես խրտվիլակ լինեն վարունգի արտում. դրանք չեն կարող խոսել:+
Դրանց տանում են, որովհետև չեն կարող քայլել:+
Մի՛ վախեցեք դրանցից, քանի որ դրանք չեն կարող վնասել ձեզ,Ոչ էլ բարիք կարող են անել»:+
6 Չկա մեկը, որ քեզ նման լինի, ո՛վ Եհովա:+
Մեծ ես դու, և մեծ ու հզոր է քո անունը:
7 Ո՞վ չի ակնածի քեզնից, ազգերի՛ Թագավոր.+ չէ՞ որ դու արժանի ես դրան:
Ազգերի և թագավորությունների իմաստունների մեջՔեզ նման մեկը չկա:+
8 Նրանք անխոհեմ են ու հիմար:+
Ծառի սովորեցրածը լոկ ունայնություն է:+
9 Թարսիսից արծաթե թիթեղներ են բերում+ և Օֆազից՝ ոսկի՝Արհեստավորի և մետաղագործի ձեռքի գործեր:
Այդ կուռքերի հագուստը կապույտ թելից է և մանուշակագույն ներկված բրդից:
Դրանք բոլորն էլ հմուտ վարպետների գործեր են:
10 Սակայն Եհովան իրական Աստված է:
Նա կենդանի Աստված է+ և հավիտենական Թագավոր:+
Նրա բարկությունից երկիրը կցնցվի,+Եվ ոչ մի ազգ չի դիմանա նրա դատապարտությանը:
11 * Այս բանն ասեք նրանց.
«Այն աստվածները, որոնք երկինքն ու երկիրը չեն ստեղծել,Վերանալու են երկրի վրայից ու երկնքի տակից»:+
12 Նա է իր զորությամբ պտղաբեր երկիրը ստեղծել,Իր իմաստությամբ այն հաստատել+Եվ իր հասկացողությամբ երկինքը տարածել:+
13 Երբ նա խոսում է,Ջրերը երկնքում շառաչում են:+
Նա ամպեր* է բարձրացնում երկրի ծայրերից,+Կայծակներ է ուղարկում՝ անձրևին ուղեկից,*Եվ քամի է հանում իր ամբարներից:+
14 Բոլոր մարդիկ անխոհեմ են վարվում և գիտելիք չունեն:
Մետաղագործները կամաչեն, որ կուռքեր են պատրաստել,+Որովհետև նրանց ձուլածո արձանները խաբեություն են,Դրանցում ոգի* չկա:+
15 Դրանք փուչ են և ծաղրանքի արժանի:+
Երբ գա հատուցման օրը, դրանք կչքվեն:
16 Սակայն Հակոբի Բաժինը դրանց նման չէ,Որովհետև նա ամեն բանի Ստեղծողն է,Եվ Իսրայելը նրա գավազանն է՝ նրա սեփականությունը:*+
Զորքերի տեր Եհովա է նրա անունը:+
17 Հավաքիր իրերդ,Ո՛վ պաշարման մեջ ապրող կին,
18 Որովհետև Եհովան ասում է.
«Այս անգամ դուրս եմ շպրտելու* այս երկրի բնակիչներին+Ու նրանց վրա աղետ եմ բերելու»:
19 Վա՜յ ինձ, ես վիրավոր եմ,+Վերքս անդարմանելի է:
Ես ասացի. «Այո՛, սա իմ ցավն է, և ես պետք է կրեմ այն:
20 Իմ վրանը կործանվել է, իսկ վրանիս պարանները կտրտվել են,+Որդիներս լքել են ինձ, նրանք այլևս չկան,+Վրանս կանգնեցնող և դրա պաստառները ձգող չկա,
21 Որովհետև հովիվներն իրենց անխոհեմ պահեցին+Եվ առաջնորդություն չխնդրեցին Եհովայից:+
Այդ պատճառով էլ նրանք խորաթափանցությամբ չվարվեցին,Եվ նրանց ամբողջ հոտը ցիրուցան եղավ»:+
22 Լսե՛ք լուրը.
«Ուժգին դղրդյուն է լսվում հյուսիսի երկրից,+Թշնամին գալիս է, որ Հուդայի քաղաքներն ամայացնի՝ շնագայլերի որջ դարձնի»:+
23 Ես լավ գիտեմ, ո՛վ Եհովա, որ մարդը չի կարող* որոշել, թե որ ուղով գնա:
Նա անգամ չի կարող ուղղություն տալ իր քայլերին:+
24 Ուղղի՛ր ինձ, ո՛վ Եհովա, քո արդարությամբ,Ոչ թե բարկությամբ,+ որ չլինի թե ինձ ոչնչացնես:+
25 Թափիր ցասումդ քեզ արհամարհող ազգերի վրա+Եվ այն ազգատոհմերի, որոնք քո անունը չեն կանչում,Որովհետև նրանք խժռեցին Հակոբին,+Խժռեցին ու գրեթե ոչնչացրին,+Իսկ նրա հայրենի երկիրն ամայացրին:+
Ծանոթագրություններ
^ Կամ՝ «հատիչով»:
^ 11-րդ համարը բնագրում գրվել է արամերենով:
^ Կամ հնարավոր է՝ «Բացում է անձրևի ջրարգելակները»:
^ Կամ՝ «գոլորշի»:
^ Կամ՝ «շունչ»:
^ Բռց.՝ «ժառանգության գավազանն է»:
^ Կամ՝ «պարսատիկի քարի պես նետելու եմ»:
^ Այսինքն՝ չունի իշխանություն և կարողություն:
