Երեմիա 30։1-24
-
Աստված խոստանում է, որ ժողովուրդը կվերադառնա ու կբուժվի (1-24)
30 Եհովան ասաց Երեմիային.
2 «Ահա թե ինչ է ասում Եհովան՝ Իսրայելի Աստվածը. «Մի գրքի մեջ գրիր այն բոլոր բաները, որ ասում եմ քեզ,
3 քանի որ օրեր են գալիս,– ասում է Եհովան,– երբ ես կհավաքեմ Իսրայելից և Հուդայից գերեվարված իմ ժողովրդին:+ Ես նրանց կվերադարձնեմ այն երկիրը, որը տվել եմ նրանց նախահայրերին, և այն դարձյալ նրանց սեփականությունը կլինի,– ասում է Եհովան»»:+
4 Եհովան Իսրայելին ու Հուդային այս խոսքերն ասաց:
5 Ահա Եհովայի խոսքերը.
«Սարսափահար մարդկանց ձայներ են լսվում,Ամենուր վախ է, և խաղաղություն չկա:
6 Հարցրեք, խնդրում եմ, թե արդյոք տղամարդը կարող է ծննդաբերել:
Ուրեմն ինչո՞ւ եմ տեսնում, որ ամեն ուժեղ տղամարդԾննդաբերող կնոջ պես+ ձեռքերն իր փորին* է դրել:
Ինչո՞ւ են բոլորի երեսները գունատ:
7 Ա՜խ, սարսափելի* օր է դա,+Դրա նմանը չի եղել:
Հակոբի համար այն նեղության ժամանակ է,Բայց նա փրկվելու է:
8 Այդ օրը,– ասում է Զորքերի տեր Եհովան,– ես կկոտրեմ նրանց պարանոցի վրայի լուծը և նրանց պարանները երկու կես կանեմ, և օտարներն այլևս չեն ստրկացնի նրանց:
9 Նրանք կծառայեն իրենց Աստված Եհովային և իրենց թագավոր Դավթին, որին ես նրանց վրա կնշանակեմ:+
10 Բայց դու մի՛ վախեցիր, ո՛վ իմ ծառա Հակոբ,– ասում է Եհովան,–Մի՛ սարսափիր, ո՛վ Իսրայել:+
Որովհետև ես քեզ փրկելու եմ՝ հետ եմ դարձնելու հեռու տեղից,Ու քո սերնդին՝ այն երկրից, որտեղ գերության մեջ է:+
Հակոբը կվերադառնա, հանդարտ ու հանգիստ կապրի,Եվ ոչ ոք նրան չի վախեցնի:+
11 Չէ՞ որ ես քեզ հետ եմ,– ասում է Եհովան,– որ փրկեմ:
Ես կբնաջնջեմ բոլոր այն ազգերին, որոնց մեջ ցիրուցան եմ արել քեզ,+Սակայն քեզ չեմ բնաջնջի:+
Այնուամենայնիվ, հարկ եղած չափով կխրատեմ* քեզԵվ ոչ մի դեպքում անպատիժ չեմ թողնի»:+
12 Ահա թե ինչ է ասում Եհովան.
«Քո անկումից հետո դու չես կարող ապաքինվել,+Քո վերքն անդարմանելի է:
13 Չկա մեկը, որ դատական գործդ պաշտպանի,Քո խոցը բուժելու միջոց չկա,Ոչ մի բուժում չկա քեզ համար:
14 Քո բոլոր սիրեկանները մոռացել են քեզ,+Դու նրանց այլևս պետք չես,Որովհետև ես հարվածեցի քեզ, ինչպես թշնամին կհարվածեր,+Պատժեցի, ինչպես դաժան մարդը կպատժեր,Քանի որ քո հանցանքը մեծ է, և մեղքերը՝ շատ:+
15 Ինչո՞ւ ես աղաղակում քո վերքի պատճառով,Քո ցավն անդարմանելի է:
Ես այս բաներն արեցի քեզ,Քանի որ հանցանքդ մեծ է, և մեղքերդ՝ շատ:+
16 Բոլոր քեզ լափողներին կլափեն,+Քո բոլոր թշնամիներին նույնպես կգերեվարեն:+
Քեզ կողոպտողներին կկողոպտեն,Եվ քեզ թալանողներին որպես թալան կտամ ուրիշներին:+
17 Քեզ կապաքինեմ և վերքերդ կբուժեմ,+– ասում է Եհովան,–Թեև քեզ վտարանդի կոչեցին՝ ասելով.
«Սա Սիոնն է, որը ոչ ոքի պետք չէ»»:+
18 Ահա թե ինչ է ասում Եհովան.
«Ես կգամ Հակոբի վրանների մոտ, կհավաքեմ գերիներին+Ու խղճահարություն կզգամ նրա բնակավայրերի հանդեպ:
Քաղաքը կվերակառուցվի այն բլրի վրա, որտեղ որ եղել էր,+Եվ ամրոցը կկանգնի իր ճիշտ տեղում:
19 Այնտեղից երախտագիտության խոսքեր ու ծիծաղ կլսվեն:+
Ես կշատացնեմ նրանց, ու նրանց թիվը չի նվազի:+
Նրանց բազմաքանակ* կդարձնեմ,Եվ նրանք աննշան չեն լինի:+
20 Հակոբի որդիները առաջվա պես կլինեն,Նրանք ամուր և հաստատուն կդառնան իմ առաջ:+
Ես կպատժեմ նրանց ճնշողներին:+
21 Նրանց առաջնորդը նրանցի՛ց առաջ կգա,Նրանց միջի՛ց դուրս կգա:
Ես թույլ կտամ, որ նա մոտենա ինձ, և նա կմոտենա»:
«Այլապես ո՞վ կհամարձակվի մոտենալ* ինձ,– ասում է Եհովան:–
22 Դուք իմ ժողովուրդը կդառնաք,+ և ես ձեր Աստվածը կլինեմ»:+
23 Եհովայի ցասումը փոթորկի պես կմոլեգնի,+Սրընթաց մրրիկի պես չարագործների գլխավերևում կպտտվի:
24 Եհովայի բորբոքված բարկությունը չի հանգչի,Մինչև որ նա իր մտադրությունները չկատարի ու ավարտին չհասցնի:+
Վերջին օրերում կհասկանաք դա:+
Ծանոթագրություններ
^ Կամ՝ «կոնքին»:
^ Բռց.՝ «մեծ»:
^ Կամ՝ «կուղղեմ»:
^ Կամ հնարավոր է՝ «պատվելի»:
^ Բռց.՝ «ո՞վ իր սիրտը գրավ կդնի, որ մոտենա»: