Զաքարիա 9։1-17
9 Ազդարարություն.
Եհովայի խոսքը Հադրաք երկրի դեմ է,Այն ուղղված է Դամասկոսի դեմ*+(Եհովայի աչքը մարդկության վրա է+Եվ Իսրայելի բոլոր ցեղերի վրա):
2 Այն նաև ուղղված է հարևան Եմաթի+ դեմ,Տյուրոսի+ և Սիդոնի+ դեմ, որոնք իրենց այդքան իմաստուն են համարում:+
3 Տյուրոսն իր համար բերդապարիսպ* է կառուցել:
Փոշու պես շատ արծաթ է կուտակելԵվ փողոցի ցեխի պես առատ ոսկի դիզել:+
4 Սակայն Եհովան կզրկի նրան ունեցվածքից,Ծովում կջախջախի նրա զորքերը,+Եվ կրակը կլափի նրան:+
5 Ասկաղոնը կտեսնի դա ու կվախենա,Գազան տանջալից ցավ կզգա:
Ակկարոնն էլ մեծ ցավ կզգա,Քանի որ իր ապավենը ամոթով կմնա:
Գազայում այլևս թագավոր չի լինի,Ասկաղոնը անբնակ կդառնա:+
6 «Ազոտոսում օտարը* կբնակվի,– ասում է Աստված,–Եվ ես կկոտրեմ փղշտացիների հպարտությունը:+
7 Ես կհեռացնեմ արյունոտ բաները նրանց բերանիցԵվ գարշելի բաները՝ նրանց ատամների միջից»:
Նրանցից ողջ մնացածները մեր Աստծուն կպատկանեն.
Նրանք ցեղապետի պես կլինեն Հուդայում,+Ակկարոնցիներն էլ՝ հեբուսացիների պես:+
8 «Ես իմ տան առաջ բանակ կդնեմ ինչպես պահապան զորք,+Եվ ոչ ոք չի կարողանա ներխուժել ու հետ քաշվել,– ասում է Աստված:–Այլևս ոչ մի կեղեքիչ* չի մտնի երկիր,+Քանի որ իմ աչքով եմ տեսնում, թե ինչ է կատարվում:*
9 Ողջ սրտով ուրախացի՛ր, ո՛վ Սիոնի դուստր:*
Ցնծությամբ բացականչի՛ր, ո՛վ Երուսաղեմի դուստր:
Ահա քո թագավորը քեզ մոտ է գալիս:+
Նա արդար է և փրկություն է բերում,*Խոնարհ է+ և գալիս է՝ ավանակ հեծած,Քուռակ՝* ավանակի ձագ հեծած:+
10 Ես կվերացնեմ մարտակառքը Եփրեմի երկրիցԵվ ձին՝ Երուսաղեմից:
Մարտական աղեղը կհեռացվի,Եվ քո թագավորը ազգերին խաղաղություն կազդարարի:+
Նրա իշխանությունը կտարածվի ծովից ծով,Եփրատից* մինչև երկրի ծայրերը:+
11 Ո՛վ կին,* քեզ հետ կապած ուխտի* միջոցով, որ արյամբ է հաստատված,Ես կազատեմ քո գերիներին անջուր փոսից:+
12 Վերադարձեք ամրոց, ո՛վ գերիներ, որ հույս ունեք:+
Ո՛վ կին, այսօր քեզ ասում եմ.
«Ես կրկնակի բաժին կտամ քեզ:+
13 Հուդային կճկեմ* իբրև իմ աղեղ,Եփրեմին նետի պես կդնեմ աղեղի վրա:
Քո որդիներին, ո՛վ Սիոն,Ոտքի կհանեմ Հունաստանի որդիների դեմԵվ քեզ, ո՛վ Սիոն, ռազմիկի սուր կդարձնեմ»»:
14 Մարդիկ կտեսնեն, որ Եհովան իր ժողովրդի հետ է,Եվ նրա նետը կսլանա կայծակի պես:
Գերիշխան Տեր Եհովան եղջերափող կհնչեցնի+Ու կգրոհի հարավային մրրիկների պես:
15 Զորքերի տեր Եհովան կպաշտպանի իր ժողովրդին:
Նրանք ատամներով կփշրեն թշնամու պարսաքարերը, ոտնատակ կանեն դրանք:+
Նրանք կխմեն և ուրախ կաղմկեն՝ ասես գինովցած:
Կլիանան լեփ-լեցուն գավաթի պես,Զոհասեղանի անկյունների պես, որ արյունով են ողողված:+
16 Այդ օրը նրանց Աստված Եհովան կփրկի իր ժողովրդին որպես իր հոտի:+
Թագը զարդարող թանկարժեք քարերի պես նրանք կպսպղան նրա հողի վրա:+
17 Եվ կտեսնեն, թե որքան մեծ է նրա բարությունը,*+Որքան վսեմ է նրա վայելչությունը:
Ցորենը կառույգացնի պատանիներին,Եվ մաճարը՝ կույսերին:+
Ծանոթագրություններ
^ Բռց.՝ «Դամասկոսը դրա հանգստի տեղն է»:
^ Կամ՝ «ամրոց»:
^ Բռց.՝ «ապօրինածին որդին»:
^ Կամ՝ «վերահսկիչ» (որը մյուսներին ստիպում է աշխատել):
^ Ըստ երևույթին, խոսքը Աստծու ժողովրդի կեղեքման մասին է:
^ Կամ՝ «Արու էշ»:
^ Կամ՝ «հաղթանակած է», «փրկված է»:
^ «Սիոնի դուստր» և «Երուսաղեմի դուստր» արտահայտությունները պոետիկ են և վերաբերում են Երուսաղեմ քաղաքին կամ դրա բնակիչներին:
^ Բռց.՝ «Գետից»:
^ Խոսքը Սիոնի՝ Երուսաղեմի մասին է:
^ Բռց.՝ «ոտքս կդնեմ»: Եբր. բայը վերաբերում է լարն անցկացնելու համար ոտքը աղեղի վրա դնելուն:
^ Բառարանում տես «Բարեսիրություն»: