Հեսու 12։1-24
12 Ահա այն թագավորները, որոնց իսրայելացիները պարտության մատնեցին Հորդանանի արևելյան կողմում և որոնց երկրին տիրացան՝ Առնոնի գետահովտից*+ մինչև Հերմոն լեռը+ և Արաբայի ամբողջ արևելյան հատվածը.+
2 մեկը Եսեբոնում բնակվող ամորհացիների Սեհոն+ թագավորն էր, որի իշխանության տակ էր այն տարածքը, որը Առնոնի գետահովտի+ եզերքին գտնվող Արոերից+ և գետահովտի մեջտեղի մասից ձգվում էր մինչև Գաղաադի կեսը՝ մինչև Հաբոկի գետահովիտը՝* ամմոնացիների երկրի սահմանը:
3 Նրա տիրապետության տակ էր նաև Արաբայի արևելյան հատվածը՝ Քեներեթի ծովից*+ մինչև Արաբայի ծովը՝ Աղի ծովը՝* Բեթ-Եսիմոթի ուղղությամբ, այստեղից էլ՝ դեպի հարավ ընկած տարածքը ընդհուպ մինչև Փասգայի+ լանջերը:
4 Մյուսը Բասանի Օգ թագավորն էր,+ որը ողջ մնացած քիչ թվով ռաֆայիմներից+ մեկն էր և բնակվում էր Աստարոթում ու Եդրայիում:
5 Նրա տիրապետության տակ էր Հերմոն լեռը, Սելքան, ամբողջ Բասանը՝+ մինչև գեսուրացիների ու մաքաթացիների+ սահմանը, և Գաղաադի կեսը՝ մինչև Եսեբոնի Սեհոն թագավորի տարածքը:+
6 Եհովայի ծառա Մովսեսը և իսրայելացիները պարտության մատնեցին նրանց,+ ինչից հետո Եհովայի ծառա Մովսեսը նրանց տարածքները որպես սեփականություն տվեց Ռուբենյաններին, Գադյաններին ու Մանասեի ցեղի կեսին:+
7 Սրանք են այն թագավորները, որոնց Հեսուն և իսրայելացիները պարտության մատնեցին Հորդանանի արևմտյան կողմում՝ Լիբանանի+ հովտում գտնվող Բաալ-Գադից+ մինչև Սեիրի+ կողմը նայող Քալակ լեռն+ ընկած տարածքում, որից հետո Հեսուն նրանց երկիրը որպես սեփականություն տվեց Իսրայելի ցեղերին՝ նրանց միջև բաժանելով+
8 լեռնային շրջանը, Շեֆելան, Արաբան, լեռների լանջերը, անապատը և Նեգևը,+ որոնք քետացիների, ամորհացիների,+ քանանացիների, փերեզացիների, խևացիների ու հեբուսացիների+ տարածքներն էին.
9 Երիքովի թագավորը,+ Բեթելի մոտ գտնվող Գայիի թագավորը,+
10 Երուսաղեմի թագավորը, Քեբրոնի թագավորը,+
11 Հերիմութի թագավորը, Լաքիսի թագավորը,
12 Եգլոնի թագավորը, Գազերի թագավորը,+
13 Դաբիրի+ թագավորը, Գադերի թագավորը,
14 Հորմայի թագավորը, Արադի թագավորը,
15 Լեբնայի+ թագավորը, Ոդողոմի թագավորը,
16 Մակեդայի+ թագավորը, Բեթելի+ թագավորը,
17 Թափուայի թագավորը, Օֆերի թագավորը,
18 Աֆեկի թագավորը, Լասարոնի թագավորը,
19 Մադոնի թագավորը, Հասորի թագավորը,+
20 Սամրոն-Մառոնի թագավորը, Աքսափի թագավորը,
21 Թանաքի թագավորը, Մեգիդոյի թագավորը,
22 Կեդեսի թագավորը, Կարմեղոսի վրա գտնվող Հեկնամ+ քաղաքի թագավորը,
23 Դորի թագավորը՝ Դորի+ բարձրավանդակում, Գաղգաղային պատկանող Գոյիմի թագավորը,
24 Թերսայի թագավորը. բոլորը միասին՝ 31 թագավոր:
Ծանոթագրություններ
^ Կոչվում է նաև Գեննեսարեթի լիճ, Գալիլեայի ծով և Տիբերիայի ծով:
^ Այսինքն՝ Մեռյալ ծովը:
