Հոբ 10։1-22
10 «Գարշում եմ կյանքիցս:+
Ես բարձրաձայնելու եմ տրտունջներս,Արտահայտելու եմ դառնագին ցավերս:
2 Աստծուն ասելու եմ. «Ինձ մեղավոր մի՛ հայտարարիր,Ասա ինձ՝ ինչու ես դատ սկսել իմ դեմ:
3 Քեզ ի՞նչ օգուտ, որ ինձ ճնշում ես,Քո ձեռքով ստեղծածին+ արհամարհում ես,Մինչդեռ անօրենների ծրագրերն օրհնում ես:
4 Մի՞թե մարմնավոր աչքեր ունես,Մի՞թե նայում ես մահկանացու մարդու պես:
5 Մի՞թե քո կյանքը մահկանացուների կյանքի պես կարճ է տևում,Կամ մի՞թե մարդկանց պես ընդամենը մի քանի տարի ես ապրում,+
6 Որ փորձում ես իմ մեջ սխալ գտնել,Իմ մեղքերը բացահայտել:+
7 Ախր դու գիտես, որ ես մեղավոր չեմ:+
Ոչ ոք չի կարող քո ձեռքից ինձ ազատել:+
8 Քո ձեռքով ես ինձ կազմավորել ու ստեղծել,+Իսկ այժմ ուզում ես ինձ իսպառ ոչնչացնել:
9 Խնդրում եմ, հիշիր, որ կերտել ես ինձ կավից,+Այնինչ հիմա դեպի հողն ես վերադարձնում ինձ:+
10 Չէ՞ որ դու ինձ կաթի պես լցրելՈւ մերել ես պանրի պես:
11 Միս ու մաշկ ես հագցրել,Ոսկրերով ու ջլերով ինձ հյուսել:+
12 Կյանք ու հավատարիմ սեր ես նվիրել,Քո հոգատարությամբ կյանքս* պահպանել:+
13 Բայց և թաքուն ինձ համար չարիք ես ծրագրել:
Ես գիտեմ, որ դու ես այս ամենը ինձ վրա բերել:
14 Եթե մեղք գործեի, դու կտեսնեիր+Եվ իմ սխալի վրա աչք չէիր փակի:
15 Եթե մեղավոր եմ, վա՜յ ինձ:
Եթե անմեղ եմ, միևնույն է, չեմ կարող գլուխս բարձր պահել,+Քանի որ կյանքս անարգանքով ու տառապանքով է լցվել:+
16 Հենց գլուխս բարձրացնում եմ, դու հետապնդում ես ինձ առյուծի պես+Եվ զորությունդ ես գործադրում իմ դեմ:
17 Իմ դեմ նոր վկաներ ես բերում,Իմ հանդեպ ավելի մեծ բարկությամբ ես լցվում,Եվ դժբախտությունները մեկը մյուսի հետևից ինձ վրա են թափվում:
18 Ուրեմն ինչո՞ւ ինձ հանեցիր մորս արգանդից:+
Երանի՜ մեռած լինեի, որ մի աչք անգամ չտեսներ ինձ:
19 Կվերանայի, ասես երբեք էլ գոյություն չէի ունեցել,Մորս արգանդից ուղիղ գերեզման կիջնեի»:
20 Չէ՞ որ ինձ քիչ օրեր են մնացել.+ հանգիստ թող ինձ,Հայացքդ թեքիր ինձնից, որ թեթևանամ* փոքր-ինչ,+
21 Մինչև որ հեռանամ անվերադարձ+Ու գնամ այնտեղ, ուր տիրում է թանձր խավար,*+
22 Այնտեղ, ուր լիակատար մթություն է,Անթափանց խավար* է, և ամեն ինչ խառնիխուռն է,Այնտեղ, ուր լույսն էլ ասես խավար է»:
Ծանոթագրություններ
^ Կամ՝ «ոգիս», «շունչս»:
^ Կամ՝ «զվարթանամ»:
^ Կամ՝ «Ու գնամ խավարի և մահվան ստվերի երկիր»:
^ Բռց.՝ «Խոր ստվեր»:
