Հոբ 21։1-34
21 Հոբը պատասխանեց.
2 «Ուշադիր լսեք խոսքերս,Գոնե այդպես ինձ կմխիթարեք:
3 Համբերատար եղեք, մինչ ես կխոսեմ:
Ասելիքս վերջացնեմ, հետո կարող եք ինձ ծաղրել:+
4 Չէ՞ որ մարդուն չէ ուղղված գանգատս:
Եթե այդպես լիներ, մի՞թե կորցրած չէի լինի համբերությունս:
5 Ինձ նայեք ու ապշեք,Ձեր բերանները փակեք:
6 Երբ մտածում եմ, նեղսրտում եմ,Ամբողջ մարմինս սարսռում է:
7 Ինչո՞ւ են անօրեններն ապրում,+Հասնում ծերության ու հարստանում:*+
8 Իրենց զավակները միշտ իրենց կողքին են,Եվ նրանք անգամ իրենց զավակների սերունդներին են տեսնում:
9 Նրանք ապահով ապրում են իրենց տներում և չեն վախենում:+
Աստված իր գավազանով նրանց չի պատժում:
10 Նրանց ցլերը հաջողությամբ են զուգավորվում,Եվ նրանց կովերը ծնում են, չեն վիժում:
11 Հոտերի պես դուրս են վազում նրանց տղաները,Ուրախ ցատկոտում են նրանց երեխաները:
12 Նրանք դափի ու քնարի նվագակցությամբ երգում են,Սրնգի հնչյունների տակ ուրախանում են:+
13 Գոհ ու երջանիկ են ապրումԵվ խաղաղությամբ* են գերեզման* իջնում:
14 Նրանք ճշմարիտ Աստծուն ասում են. «Մեզ հետ գործ չունես:
Ճանապարհներիդ մասին սովորելու ցանկություն չունենք:+
15 Ամենակարողն ո՞վ է, որ նրան ծառայենք,+Մեզ ի՞նչ օգուտ, որ նրան ճանաչենք»:+
16 Սակայն ես գիտեմ, որ նրանց բարեկեցիկ կյանքն իրենց ձեռքում չէ:+
Անօրենների մտածելակերպը* ինձ համար խորթ է:+
17 Բայց քանի՞ անգամ է անօրենների ճրագը հանգել,+Քանի՞ անգամ է նրանց վրա աղետ եկել,Քանի՞ անգամ է Աստված, բարկությամբ լցված, նրանց կործանել:
18 Երբևէ քամուց քշվե՞լ են ծղոտի պեսԿամ հողմի բերանն ընկած մղեղի* պես:
19 Աստված անօրենի հանցանքի պատիժը պահում է նրա որդիների համար:
Բայց թող որ անօրենն ինքը Աստծուց հատուցում ստանա, որ իմանա:+
20 Թող իր աչքով տեսնի իր կործանումըԵվ անձամբ խմի Ամենակարողի ցասման բաժակը:+
21 Եթե նա վաղաժամ մեռնի,*+Նրա ի՞նչ պետքն է, թե իրենից հետո իր սերունդներին ինչ կլինի:
22 Ո՞վ կարող է որևէ բան սովորեցնել Աստծուն,+Չէ՞ որ անգամ ամենաբարձր դիրք ունեցողներին Նա է դատում:+
23 Մեկը կյանքից հեռանում է՝ լի ավյունով,+Բացարձակապես խաղաղ ու անհոգ,+
24 Ազդրերը պատված ճարպով,Ոսկորներն ամուր:*
25 Իսկ մյուսը մեռնում է՝ խորապես ընկճված,Երբեք բարիք չճաշակած:
26 Նրանք երկուսն էլ հողում կպառկեն+Ու որդերով կծածկվեն:+
27 Ես շատ լավ գիտեմ՝ ինչ եք մտածում,Գիտեմ ձեր դավերը, որոնցով ինձ չարիք պատճառել եք ուզում:+
28 Դուք ասում եք. «Ո՞ւր է նշանավոր մարդու տունը,Ո՞ւր է այն վրանը, որտեղ ապրում էր անօրենը»:+
29 Ի՞նչ է, չե՞ք հարցրել ճամփորդներին,Մի՞թե մանրակրկիտ չեք քննել նրանց ասածները,
30 Որ աղետի ժամանակ չար մարդը խնայվում է,Ցասման օրը նա փրկվում է:
31 Ո՞վ նրան բացեիբաց կհանդիմանի իր գործերի համար,Ո՞վ կհատուցի նրան իր արածների համար:
32 Նրան գերեզմանոցում կթաղենԵվ նրա գերեզմանի վրա պահապան կդնեն:
33 Նա խաղաղ կհանգչի հողում:*+
Ողջ մարդկությունը նրա հետևից է գնում*+Այն անթիվ-անհամար մարդկանց նման, որ նրանից առաջ անցել են նույն ուղով:
34 Ուրեմն ինչի՞ս է պետք ձեր անիմաստ մխիթարությունը,+Ձեր ասածները միայն խաբեություն են»:
Ծանոթագրություններ
^ Կամ՝ «զորանում»:
^ Կամ՝ «մի ակնթարթում»: Այսինքն՝ արագ և անցավ մահով են մեռնում:
^ Եբր.՝ շեոլ: Բառարանում տես «Գերեզման»:
^ Կամ՝ «խորհուրդները», «նենգ ծրագրերը»:
^ Այսինքն՝ հացահատիկի թեփի:
^ Կամ՝ «Եթե նրա ամիսների թիվը երկու անգամ կրճատվի»:
^ Բռց.՝ «Ոսկրածուծը հյութեղ»:
^ Բռց.՝ «Նրա համար քաղցր կլինեն հովտի հողակոշտերը»:
^ Բռց.՝ «Իր հետևից նա կքաշի ողջ մարդկությանը»:
