Հոբ 35։1-16
35 Եղիուսը շարունակեց.
2 «Մի՞թե ճիշտ լինելուդ մեջ այնքան համոզված ես, որ ասում ես.
«Աստծուց արդար եմ ես»:+
3 Դու ասում ես. «Քեզ* համար ի՞նչ նշանակություն ունի, որ ճիշտ եմ վարվում:
Մեղք չգործելով՝ մի՞թե ավելի լավ վիճակում եմ»:+
4 Ես կպատասխանեմ քեզ,Քեզ ու քո ընկերներին:+
5 Երկինք նայիր ու տես,Ուշադրություն դարձրու բարձր ամպերին,+ որ քո գլխավերևում են:
6 Եթե մեղք ես գործում, Աստծուն ինչո՞վ ես վնասում,+Եվ եթե ավելի ու ավելի շատ ես հանցանք գործում, դրանով նրան ի՞նչ վնաս ես պատճառում:+
7 Կամ եթե արդար ես, դրանով նրան ի՞նչ ես տալիս,Ի՞նչ է նա ստանում քեզանից:+
8 Անօրենությունդ անդրադառնում է միայն քեզ նման մարդ արարածի վրա,Եվ արդարությունդ՝ մարդու որդու վրա:
9 Ուժգին ճնշումների ենթարկվելիս մարդիկ օգնության են կանչում,Զորեղների տիրապետությունից* ազատագրում են աղերսում:+
10 Բայց ոչ ոք չի ասում. «Ո՞ւր է Աստված՝ իմ Մեծն Ստեղծողը,+Ում մարդիկ գովերգում են գիշերը»:+
11 Նա մեզ ուսուցանում է,+ և մենք երկրի կենդանիներից խելացի ենք լինում:+
Նա մեզ երկնքի թռչուններից իմաստուն է դարձնում:
12 Մարդիկ աղաղակում են, բայց Աստված չի պատասխանում,+Քանի որ նրանք հպարտ են և չարիք են գործում:+
13 Դե իհարկե, ունայն աղաղակները* Աստված չի լսում,+Ամենակարողը դրանց ուշադրություն չի դարձնում:
14 Առավել ևս քեզ չի լսի, քանի որ բողոքում ես, թե անտեսում է քեզ:+
Դատական գործդ նրա առաջ է, ուստի պետք է անձկագին նրան սպասես,+
15 Քանի որ նա չի բարկացել քեզ վրա ու քեզնից հաշիվ չի պահանջել,Քո ծայրաստիճան անխոհեմությանը ուշադրություն չի դարձրել:+
16 Այո՛, Հոբը դատարկաբանում է,Անգիտությամբ շատ է խոսում»:+
