Հոբ 7։1-21
7 «Երկրի վրա մահկանացու մարդու կյանքը նման է հարկադիր աշխատանքի,Եվ նրա օրերը՝ վարձու աշխատողի քաշած օրերին:+
2 Ստրուկի պես նա ստվերի է տենչում,Վարձու աշխատողի պես իր վարձին է սպասում:+
3 Ահա ունայն ամիսներ ինձ բաժին ընկան,Տառապալից գիշերները իմ վարձը եղան:+
4 Երբ պառկում եմ, ասում եմ. «Ե՞րբ եմ վեր կենալու»:+
Երկար ու ձիգ գիշերը անհանգիստ շուռումուռ եմ գալիս մինչև լուսանալը:
5 Մարմինս որդերով ու կեղտոտ կոշտուկներով է պատվել,+Մաշկս կեղևակալել է ու թարախակալել:+
6 Օրերս մանածագործի մաքոքի* աշխատանքից էլ արագ են անցնում+Եվ անհույս ավարտվում:+
7 Ո՜վ Աստված, հիշիր, որ քամի է կյանքս,+Որ այլևս երբեք երջանկություն* չեն տեսնի աչքերս:
8 Ինձ այժմ տեսնողը էլ չի տեսնի,Քո աչքերը կփնտրեն ինձ, բայց ես այլևս չեմ լինի:+
9 Ինչպես ամպն է ցրվում ու անհետանում,Այնպես էլ գերեզման* իջնողը չի վերադառնում:+
10 Նա այլևս հետ չի գա իր տուն,Էլ չի հիշվի իր բնակավայրում:+
11 Ուստի ես չեմ զսպի իմ խոսքերը,Կարտահայտեմ սրտիս* ցավը,Դառնությամբ լցված՝ կհայտնեմ իմ բողոքը:+
12 Մի՞թե ես ծով եմ կամ ծովահրեշ,Որ ինձ վրա հսկողություն ես սահմանել:
13 Ես ասում եմ. «Բազմոցս կլինի իմ սփոփանքը,Անկողինս կթեթևացնի իմ տառապանքը»:
14 Բայց երբ պառկում եմ քնելու, ինձ մղձավանջներ ես տալիս,Տեսիլքներով վախեցնում ես ինձ:
15 Այնպես որ գերադասում եմ շնչահեղձ լինել,Այո՛, նախընտրում եմ մահանալ, քան այսպես ապրել:*+
16 Զզվում եմ կյանքիցս,+ էլ չեմ ուզում ապրել:
Հանգիստ թող ինձ. կյանքս ընդամենը մի շունչ է:+
17 Ի՞նչ է մահկանացու մարդը, որ միտքդ նրանով ես զբաղեցնում,Ուշադրությունդ նրա վրա ես կենտրոնացնում:+
18 Ինչո՞ւ ես ամեն առավոտ նրան քննում,Ամեն պահի նրան փորձում:+
19 Ի՞նչ կլինի, հայացքդ թեքիր ինձնից,Ինձ հանգիստ թող գոնե այնքան, որ հասցնեմ թուքս կուլ տալ:+
20 Եթե մեղք եմ գործել, դրանից քեզ ի՞նչ վնաս,Քեզ, որ զննում ես մարդկանց:+
Ինչո՞ւ ես ինձ քո թիրախը դարձրել,Մի՞թե քեզ համար բեռ եմ դարձել:
21 Ինչո՞ւ չես ներում իմ հանցանքըԵվ չես անտեսում իմ մեղքը:
Չէ՞ որ ես շուտով հողը կմտնեմ,+Դու ինձ կփնտրես, բայց ես այս կյանքից հեռացած կլինեմ»:
Ծանոթագրություններ
^ Ջուլհակահաստոցի աշխատանքային գործիք, որը նախատեսված է միջնաթելի անցկացման համար:
^ Բռց.՝ «բարիք»:
^ Եբր.՝ շեոլ: Բառարանում տես «Գերեզման»:
^ Կամ՝ «ոգուս»:
^ Բռց.՝ «մահը, քան իմ ոսկորները»:
