Հովնան 2։1-10
2 Այդ ժամանակ Հովնանը ձկան փորում աղոթեց իր Աստված Եհովային:+
2 Նա ասաց.
«Իմ նեղության մեջ ես կանչեցի քեզ, ո՜վ Եհովա, և դու պատասխանեցիր ինձ:+
Խոր գերեզմանից* օգնության կանչեցի,+Եվ դու լսեցիր իմ ձայնը:
3 Երբ ինձ անդունդը գցեցիր,Երբ հայտնվեցի ծովի սրտում,Ջրի հորձանքները կլանեցին ինձ,+Քո հզոր ալիքները ծածկեցին ինձ:+
4 Այդ ժամանակ ասացի. «Աչքերիդ առաջից քշված եմ ես:
Կտեսնե՞մ նորից քո սուրբ տաճարը»:
5 Ջրերը կլանեցին ինձ՝ սպառնալով կյանքիս,+Եվ ես ծովի անդունդը սուզվեցի:
Ջրիմուռները փաթաթվեցին գլխիս:
6 Ես իջա մինչև լեռների հիմքերը:
Գերեզմանի* դարպասները ուր որ է փակվելու էին իմ հետևից,Փակվելու էին առհավետ,Բայց դու, ո՜վ իմ Աստված Եհովա, ողջ-առողջ հանեցիր ինձ փոսից:+
7 Երբ կյանքս արդեն մարում էր, ես քե՛զ հիշեցի, ո՜վ Եհովա:+
Այդժամ աղոթքս հասավ քեզ, քո սուրբ տաճար:+
8 Նրանք, ովքեր փուչ կուռքեր են պաշտում,Հեռանում են հավատարիմ սիրո աղբյուրից:*
9 Իսկ ես շնորհակալական խոսքերով քեզ զոհ կմատուցեմ,Երդումներս կկատարեմ:+
Փրկությունը քեզանից է, ո՜վ Եհովա»:+
10 Որոշ ժամանակ անց Եհովայի կարգադրությամբ ձուկը փսխեց ու Հովնանին դուրս գցեց ցամաք:
Ծանոթագրություններ
^ Բռց.՝ «Գերեզմանի փորից»: Գերեզման. եբր.՝ շեոլ: Բառարանում տես «Գերեզման»:
^ Բռց.՝ «Երկրի»:
^ Կամ հնարավոր է՝ «Այլևս նվիրված չեն»: