Հռոմեացիներ 14։1-23
14 Սիրով ընդունեք իր հավատի մեջ ոչ այնքան հասուն մարդուն+ և մի՛ քննադատեք նրանց, ում կարծիքը տարբերվում է ձեր կարծիքից:*
2 Մեկը համոզված է, որ կարող է ամեն ինչ ուտել, իսկ մյուսը անվստահ է և միայն բանջարեղեն է ուտում:
3 Ուտողը թող վերևից չնայի չուտողին, իսկ չուտողը թող չդատի ուտողին,+ որովհետև Աստված ընդունել է նրան:
4 Ո՞վ ես դու, որ դատես ուրիշի ծառային:+ Նրա տերն է որոշում՝ նա ճիշտ է վարվում, թե սխալ:*+ Եհովան* կօգնի նրան արժանանալ իր հավանությանը:
5 Մեկի համար մի օրը մյուսից կարևոր է,+ իսկ մյուսի համար բոլոր օրերն էլ նույնն են:+ Թող յուրաքանչյուր մարդ լիովին հավաստիանա, որ այն, ինչին հավատում է, ճիշտ է:
6 Որևէ օր կարևոր համարողը դա անում է Եհովային հաճեցնելու համար: Ամեն տեսակ կերակուր ուտողն էլ է մտածում Եհովային հաճեցնելու մասին+ և շնորհակալություն է հայտնում նրան: Ով էլ որ չի ուտում, Եհովային հաճեցնելու համար չի ուտում, և նա էլ է շնորհակալություն հայտնում նրան:+
7 Իրականում ոչ մեկս միայն մեզ համար չենք ապրում+ և միայն մեզ համար չենք մահանում:
8 Եթե ապրում ենք, Եհովայի համար ենք ապրում,+ և եթե մահանում ենք, Եհովայի համար ենք մահանում: Այնպես որ թե՛ ապրենք, թե՛ մահանանք, Եհովայինն ենք:+
9 Քրիստոսն էլ մահացավ ու հարություն առավ, որ իշխանություն ունենա թե՛ մահացածների, թե՛ ողջերի վրա:+
10 Ուրեմն ինչո՞ւ ես դատում եղբորդ:+ Կամ ինչո՞ւ ես եղբորդ վերևից նայում: Բոլորս էլ Աստծու դատաստանի* առաջ ենք կանգնելու:+
11 Գրված է. «Երդվում եմ իմ գոյությամբ,+– ասում է Եհովան,– բոլորը իմ առաջ ծնկի կգան, և բոլորը բացեիբաց կընդունեն, որ ես եմ Աստված»:+
12 Այսպիսով՝ մեզնից յուրաքանչյուրը իր համար հաշիվ կտա Աստծուն:+
13 Դրա համար եկեք այլևս չդատենք միմյանց:+ Փոխարենը եկեք վճռենք չանել մի բան, ինչի պատճառով մեր եղբայրը մեղքի մեջ կընկնի, կամ նրա հավատը կթուլանա:+
14 Որպես Տեր Հիսուսի հետևորդ՝ ես գիտեմ ու համոզված եմ, որ ոչ մի կերակուր ինքնին անմաքուր չէ,+ բայց եթե մարդ ինչ-որ բան անմաքուր է համարում, նրա պարագայում դրանից ուտելը սխալ կլինի:*
15 Եթե որևէ կերակուրից օգտվելով՝ վիրավորում ես եղբորդ զգացմունքները, այլևս սեր չես դրսևորում:+ Հանուն կերակուրի՝ մի՛ կործանիր եղբորդ, ում համար Քրիստոսը մահացավ:+
16 Հետևաբար անգամ այն, ինչ գիտես, որ ճիշտ է, մի՛ արա, եթե դրա պատճառով մյուսները վատը կխոսեն քո մասին:
17 Աստծու թագավորություն մտնելը կապ չունի ինչ-որ բան ուտելու կամ խմելու հետ:+ Այլ մարդ պետք է սուրբ ոգու օգնությամբ անի այն, ինչ ճիշտ է, խաղաղության մեջ լինի ուրիշների* հետ և ուրախություն ունենա:
18 Ով այսպես է ծառայում Քրիստոսին, հաճելի է Աստծուն և արժանանում է մարդկանց հավանությանը:
19 Հետևաբար եկեք հնարավոր ամեն բան անենք, որ նպաստենք խաղաղությանը+ և զորացնենք միմյանց:+
20 Ընդամենը կերակուրի համար մի՛ ավերեք Աստծու արածը:+ Ճիշտ է, ամեն կերակուր մաքուր է, բայց սխալ կլինի ուտել մի բան, ինչի պատճառով ուրիշի հավատը կթուլանա:+
21 Ավելի լավ է ընդհանրապես ո՛չ միս ուտել, ո՛չ գինի խմել, ո՛չ էլ առհասարակ անել մի բան, ինչի պատճառով եղբորդ հավատը կարող է թուլանալ:+
22 Այսպիսի հարցերում ձեր համոզմունքը* թող մնա ձեր և Աստծու միջև: Երջանիկ է նա, ով մեղավորության զգացում չի ունենում այն բանի համար, ինչը ճիշտ է համարում:
23 Սակայն եթե կասկածներ ունի և ուտում է, նա արդեն իսկ մեղավոր է, քանի որ կերել է առանց համոզված լինելու, որ դա ճիշտ է:* Ցանկացած արարք, որի հիմքում չկա համոզվածություն,* մեղք է:
Ծանոթագրություններ
^ Կամ հնարավոր է՝ «ովքեր ներքին կասկածներ ունեն»:
^ Բռց.՝ «նա կկանգնի, թե կընկնի»:
^ Տես հավելված Ա5:
^ Բռց.՝ «Աստծու դատավորական աթոռի»:
^ Բռց.՝ «նրա համար այն անմաքուր կլինի»:
^ Կամ հնարավոր է՝ «Աստծու»:
^ Բռց.՝ «քո ունեցած հավատը»:
^ Կամ՝ «առանց հավատի»:
^ Բռց.՝ «հավատ»:
