Միքիա 4։1-13
4 Վերջին օրերում այն լեռը, որտեղ Եհովայի տունն է,+Ամուր կհաստատվի լեռների գագաթներից վեր,Բլուրներից բարձր կլինի,Եվ ժողովուրդները դեպի այդ լեռը կհորդեն:+
2 Շատ ազգեր կգան ու կասեն.
«Եկե՜ք, եկեք բարձրանանք Եհովայի լեռը,Գնանք Հակոբի Աստծու տունը:+
Նա կսովորեցնի մեզ, թե որոնք են իր ճանապարհները,Եվ մենք կընթանանք նրա ուղիներով»:
Չէ՞ որ Սիոնից է դուրս գալու օրենքը,*Եվ Երուսաղեմից՝ Եհովայի խոսքը:
3 Նա բազմաթիվ ժողովուրդների դատավորը կլինի+Եվ զորավոր ազգերի, անգամ հեռուներում բնակվողների մեջ ամեն սխալ բան կշտկի:
Նրանք իրենց սրերից խոփեր* կկոփենԵվ իրենց նիզակներից՝ էտոցներ:*+
Ազգը ազգի վրա սուր չի բարձրացնի,Եվ նրանք այլևս չեն սովորի պատերազմել:+
4 Ամեն մեկն իր խաղողի վազի ու թզենու տակ կնստի,*+Եվ ոչ ոք նրանց չի վախեցնի.+
Սա Զորքերի տեր Եհովայի բերանով է ասվել:
5 Ամեն ժողովուրդ իր աստծու անունով կընթանա,Իսկ մենք մեր Աստված Եհովայի անունով կընթանանք+ դարեդար, հավիտյան:
6 «Այդ օրը,– ասում է Եհովան,–Ես կհավաքեմ իմ ժողովրդին, որ կաղում էր,Կժողովեմ նրանց, որ ցիրուցան էին եղել,+Նրանց, ում հետ խիստ էի վարվել:
7 Ես մնացորդ կթողնեմ այն ժողովրդից, որ կաղում էր,+Եվ հեռու քշվածներին զորավոր ազգ կդարձնեմ:+
Այդ օրվանից ես՝ Եհովաս, կթագավորեմ նրանց վրա Սիոն լեռան վրայից,Կթագավորեմ հավիտյան:
8 Քեզ, իմ հոտի պահպանությա՛ն աշտարակ,Ո՛վ Սիոնի դստեր* բլուր,+Քեզ կվերադարձվի նախկին* իշխանությունը,+Այո՛, քեզ կվերադարձվի Երուսաղեմի դստեր թագավորությունը:+
9 Իսկ հիմա ինչո՞ւ ես այդպես գոռում:
Մի՞թե թագավոր չունես,Կամ մի՞թե քո խորհրդականը կործանվել է,Որ ցավ ես քաշում ծննդաբերող կնոջ պես:+
10 Ո՛վ Սիոնի դուստր, կուչ եկ ու տնքա ցավից,Ինչպես ծննդաբերող կինը,Որովհետև հիմա դու կգնաս քաղաքից ու դաշտերում կապրես:
Դու կհասնես Բաբելոն,+Եվ այնտեղ կգա քո ազատագրումը,+Այնտեղ Եհովան հետ կգնի քեզ թշնամիներիդ ձեռքից:+
11 Շատ ազգեր կհավաքվեն քո դեմՈւ կասեն. «Թող Սիոնը պղծվի,Եվ թող մեր աչքով տեսնենք նրա անկումը»:
12 Բայց նրանք չգիտեն իմ՝ Եհովայիս մտքերըԵվ չեն հասկանում իմ մտադրությունը.*
Չէ՞ որ ես հավաքելու եմ նրանց, որ կալսվեն,*Ինչպես նոր հնձած ու կալատեղ* բերված հացահատիկի խրձերը:
13 Վե՛ր կաց ու կալսի՛ր, ո՛վ Սիոնի դուստր:+
Ես քո եղջյուրները երկաթյա եղջյուրներ կդարձնեմԵվ քո կճղակները՝ պղնձե կճղակներ:
Դու փոշի կդարձնես շատ ժողովուրդների:+
Նրանց թալանածը ինձ՝ Եհովայիս կնվիրեսԵվ նրանց հարստությունը՝ ողջ երկրի ճշմարիտ Տիրոջը»:+
Ծանոթագրություններ
^ Կամ՝ «ուսուցումը», «առաջնորդությունը»:
^ Գութանի՝ արորի մետաղյա կտրիչը, որը մտնում է հողի մեջ և ճեղքում այն:
^ Էտելու՝ ավելորդ ճյուղերը կտրելու գործիք:
^ Կամ՝ «կբնակվի»:
^ «Սիոնի դուստր» և «Երուսաղեմի դուստր» արտահայտությունները պոետիկ են և վերաբերում են Երուսաղեմ քաղաքին կամ դրա բնակիչներին:
^ Կամ՝ «սկզբնական»:
^ Կամ՝ «խորհուրդը»:
^ Նշանակում է «հացահատիկի հասկերը կամնաքարերով տրորել, մանրել»:
^ Հացահատիկը տրորելու, մանրելու տեղ:
