Նաում 1։1-15
1 Դատավճիռ՝ Նինվեի դեմ:+ Ելկեսացի Նաումի* տեսիլքի գիրքը:
2 Եհովան բացարձակ նվիրվածություն պահանջող Աստված է+ և վրեժխնդիր է լինում իր թշնամիներից:
Եհովան վրեժ է առնում և պատրաստ է թափելու իր ցասումը:+
Իր հակառակորդներից Եհովան վրեժ է առնում,Նա բարկությամբ է լցված իր թշնամիների հանդեպ:
3 Եհովան համբերատար է*+ և մեծ զորության տեր,+Բայց Եհովան մեղավորներին ոչ մի դեպքում անպատիժ չի թողնի:+
Երբ նա քայլում է, ավերիչ քամի ու փոթորիկ է լինում,Եվ ամպերը փոշու պես բարձրանում են նրա ոտքերի տակից:+
4 Նա սաստում է ծովին+ ու ցամաքեցնում այն,Չորացնում է բոլոր գետերը:+
Բասանն ու Կարմեղոսը չորանում են,+Եվ թառամում են Լիբանանի ծաղիկները:
5 Նրա ներկայությունից լեռները ցնցվում են,Եվ բլուրները՝ հալչում:+
Նրա երեսի առաջ դողում են երկիրը,Աշխարհը և դրա բոլոր բնակիչները:+
6 Ո՞վ կարող է կանգնել Նրա ցասման առաջ,+Նրա բորբոքված բարկությանը ո՞վ կարող է դիմանալ:+
Նրա զայրույթը կրակի պես կբռնկվի,Եվ նա ժայռերը փուլ կտա:
7 Եհովան բարի է,+ ամրոց է նեղության օրը:+
Նա ուշադիր է նրանց հանդեպ,* ովքեր ապաստան են փնտրում իր մոտ:+
8 Կատաղի հեղեղով նա ամբողջովին կջնջի Նինվեի տեղը,*Եվ խավարը կհետապնդի Նրա թշնամիներին:
9 Ի՞նչ կարող եք ծրագրել Եհովայի դեմ:
Նա հիմնովին կործանելու է ձեզ,Եվ կարիք չի լինի, որ երկրորդ անգամ կործանում բերի:+
10 Նինվեի ժողովուրդը խճճված փշերի պես էԵվ նման է գարեջրից հարբածների.
Նրանք կայրվեն, ինչպես չոր ծղոտը:
11 Քեզնից* դուրս կգա Եհովայի դեմ չարիք ծրագրողը,Անօգուտ խորհուրդ տվողը:
12 Սա է ասում Եհովան.
«Թեև նրանք շատ ուժեղ են ու բազմաթիվ,Սակայն բնաջինջ կլինեն ու կվերանան:
Ես ցավ եմ պատճառել քեզ,* բայց այլևս ցավ չեմ պատճառելու:
13 Ես կկոտրեմ քեզ վրա դրված թշնամու լուծը+Եվ կկտրեմ կապանքներդ:
14 Քո* վերաբերյալ ես՝ Եհովաս, սա եմ հրամայել.
«Քո անունը կրող սերունդ այլևս չի լինի:
Քո աստվածների տնից կվերացնեմ քանդակված կուռքերն ու ձուլածո արձանները,Քեզ համար գերեզման կպատրաստեմ, որովհետև դու ոչնչություն ես»:
15 Ահա լեռների վրա են նրա ոտքերը,Ով բարի լուր է բերում և խաղաղություն հռչակում:+
Ո՛վ Հուդա, նշի՛ր տոներդ,+ կատարի՛ր երդումներդ,Որովհետև անպիտան մարդն* այլևս չի ներխուժի քո երկիր.
Նա իսպառ բնաջինջ կլինի»:
Ծանոթագրություններ
^ Նշանակում է «մխիթարիչ»:
^ Կամ՝ «չի շտապում բարկանալ»:
^ Կամ՝ «հոգ է տանում նրանց»: Բռց.՝ «ճանաչում է նրանց»:
^ Բռց.՝ «դրա տեղը»:
^ Այսինքն՝ Նինվեից:
^ Այսինքն՝ Հուդային:
^ Այսինքն՝ Ասորեստանի:
^ Այսինքն՝ ասորեստանցին:
