Սաղմոսներ 103։1-22
Դավթի երգը:
103 Ո՛վ իմ անձ, Եհովային գովաբանիր,Իմ ո՛ղջ էություն, նրա սուրբ անունը փառաբանիր:
2 Ո՛վ իմ անձ, Եհովային գովերգիր,Նրա բոլոր արածները երբեք մի՛ մոռացիր:+
3 Չէ՞ որ նա ներում է բոլոր մեղքերդ,+Բուժում է բոլոր ցավերդ,+
4 Գերեզմանից փրկում է կյանքդ,+Հավատարիմ սիրով ու գթասրտությամբ է քեզ պարուրում:*+
5 Քո ողջ կյանքում քեզ բարիքով է հագեցնում,+Եվ դու արծվի պես առույգ և ուժեղ ես մնում:*+
6 Եհովան արդարություն և արդարադատություն+ է գործադրումԲոլոր նրանց հանդեպ, ովքեր ճնշումների են ենթարկվում:+
7 Նա իր ուղիները հայտնի դարձրեց Մովսեսին,+Իր գործերը՝ Իսրայելի որդիներին:+
8 Եհովան գթառատ ու կարեկից է,+Շուտ չի բարկանում և հավատարիմ սիրով լի է:+
9 Նա անընդհատ մեր սխալները մատնացույց չի անում+Եվ ընդմիշտ բարկացած չի մնում:+
10 Նա մեզ հետ չի վարվում մեր մեղքերին արժանի ձևով+Եվ մեզ չի տալիս այն պատիժը, որին արժանացել ենք մեր հանցանքներով,+
11 Որովհետև որքան բարձր է երկինքը երկրից,Այնքան մեծ է նրա հավատարիմ սերըԲոլոր նրանց հանդեպ, ովքեր վախենում են իրենից:+
12 Որքան հեռու է արևելքը արևմուտքից,Այնքան նա հեռացրել է մեր հանցանքները մեզնից:+
13 Ինչպես հայրն է գթասիրտ իր որդիների հանդեպ,Այնպես էլ Եհովան՝ իրենից վախեցողների հանդեպ,+
14 Որովհետև նա լավ գիտի, թե ինչից ենք կազմված,+Չի մոռանում, որ հող ենք մենք:+
15 Ասես մի խոտ լինի մահկանացու մարդու կյանքը,+Ծաղկունք է ապրում, ինչպես դաշտի ծաղիկը:+
16 Բայց հենց փչում է քամին, այն կորչում է անհետ,Ասես երբեք էլ չի եղել այնտեղ:
17 Մինչդեռ Եհովան հավատարիմ սիրով է սիրում առհավետԲոլոր նրանց, ովքեր վախ ունեն իր հանդեպ:+
Նա կշարունակի արդարություն գործադրել նրանց սերունդների հանդեպ,+
18 Նրանց հանդեպ, ովքեր պահում են իր ուխտը,+Ովքեր ջանասիրաբար կատարում են իր պատվերները:
19 Եհովան իր գահը հաստատել է երկնքում,+Նրա թագավորական իշխանությունը ամեն ինչի վրա է տարածվում:+
20 Գովաբանեք Եհովային, ո՛վ նրա հրեշտակներ,+ որ հզոր ուժ ունեք,Որ հնազանդվում եք նրա ձայնին ու նրա խոսքը կատարում եք:+
21 Գովաբանեք Եհովային, ո՛վ նրա բոլոր զորքեր,+Ո՛վ նրա սպասավորներ, որ նրա կամքն եք կատարում:+
22 Գովաբանեք Եհովային, ո՛վ նրա բոլոր ստեղծածներ,Նրա իշխանության տակ եղող ամեն մի վայրում:
Եհովային գովաբանիր, իմ ո՛ղջ էություն:
Ծանոթագրություններ
^ Բռց.՝ «պսակում»:
^ Բռց.՝ «Եվ քո երիտասարդությունը նորոգվում է, ինչպես արծվինը»:
