Սաղմոսներ 107։1-43
107 Շնորհակալություն հայտնեք Եհովային, որովհետև նա բարի է,+Նրա հավատարիմ սերը հավերժական է:+
2 Թող այսպես ասեն նրանք, ում Եհովան փրկագնեց,Ում նա հակառակորդի ձեռքից ազատեց,*+
3 Ում հավաքեց այլ երկրներից,+Արևելքից ու արևմուտքից,Հյուսիսից ու հարավից:+
4 Նրանք թափառում էին ամայի վայրում՝ անապատում,Բնակվելու համար որևէ քաղաք չէին գտնում:
5 Քաղցած էին լինում ու ծարավում էին,Ուժասպառությունից քիչ էր մնում՝ ուշաթափ լինեին:
6 Նեղության մեջ Եհովային օգնության էին կանչում,+Եվ նա այդ ծանր վիճակից նրանց դուրս էր բերում:+
7 Նրանց տանում էր ճիշտ ճանապարհով,+Որ հասնեն մի քաղաք, որտեղ կարող են բնակվել:+
8 Թող մարդիկ շնորհակալություն հայտնեն Եհովային+ նրա հավատարիմ սիրո համար,Հանուն մարդկանց նրա արած զարմանահրաշ գործերի համար,+
9 Որովհետև նա ծարավներին հագեցրեց,Քաղցածներին բարիքներով կշտացրեց:+
10 Կային թանձր խավարի մեջ ապրողներ,Երկաթե կապանքների մեջ տառապող բանտարկյալներ:
11 Նրանք դեմ էին դուրս եկել Աստծու ասածներին,Անհարգալից էին վերաբերվում Բարձրյալի խորհուրդներին:+
12 Ուստի թողնելով, որ նեղություններ կրեն՝ նա խոնարհեցրեց նրանց:+
Նրանք սայթաքեցին ու ընկան, չկար մեկը, որ օգներ նրանց:
13 Նեղության մեջ Եհովային օգնության կանչեցին,Եվ նա նրանց դուրս բերեց այդ ծանր վիճակից:
14 Թանձր խավարից նրանց հանեցՈւ նրանց կապանքները փշրեց:+
15 Թող մարդիկ շնորհակալություն հայտնեն Եհովային նրա հավատարիմ սիրո համար,+Հանուն մարդկանց նրա արած զարմանահրաշ գործերի համար,
16 Որովհետև նա կոտրեց պղնձե դռները,Ջարդեց երկաթե նիգերը:*+
17 Նրանք նեղություններ կրեցին իրենց հիմարության պատճառով,+Իրենց հանցանքների ու սխալների պատճառով:+
18 Նրանք ոչինչ չէին ուզում ուտել,Մահվան դուռն էին հասել:
19 Նեղության մեջ Եհովային օգնության էին կանչում,Եվ նա այդ ծանր վիճակից նրանց դուրս էր բերում:
20 Իր խոսքով նրանց բուժում էր,+Գերեզմանի թակարդից ազատում էր:
21 Թող մարդիկ շնորհակալություն հայտնեն Եհովային նրա հավատարիմ սիրո համար,Հանուն մարդկանց նրա արած զարմանահրաշ գործերի համար:
22 Թող երախտագիտության զոհեր մատուցեն+Եվ ցնծությամբ նրա արածների մասին հռչակեն:
23 Ծովերում նավարկողները,Առևտրի համար լայնարձակ ջրերով ճամփորդողները+
24 Տեսնում են Եհովայի արածներըԵվ ծովի խորքերում նրա ստեղծած հիասքանչ բաները:+
25 Տեսնում են, թե ինչպես է նրա խոսքով մրրիկ բարձրանում,+Ինչպես են ծովի ալիքները վեր խոյանում:
26 Ալիքները նրանց մե՛կ երկինք են բարձրացնում,Մե՛կ ծովի խորքերն իջեցնում:
Վերահաս աղետի վախից նրանց սիրտն է նվաղում:
27 Նրանք հարբած մարդու պես ճոճվում են ու սայթաքում,Նրանց ողջ հմտությունը անօգուտ է դառնում:+
28 Նեղության այդ պահին Եհովային օգնության են կանչում,+Եվ նա ծանր վիճակից նրանց դուրս է բերում:
29 Հանդարտեցնում է փոթորիկը,Եվ խաղաղվում են ծովի ալիքները:+
30 Երբ ալեկոծությունը դադարում է, ուրախանում են նավարկողները,Եվ նա ուղղորդում է նրանց դեպի իրենց ուզած նավահանգիստը:
31 Թող մարդիկ շնորհակալություն հայտնեն Եհովային նրա հավատարիմ սիրո համար,Հանուն մարդկանց նրա արած զարմանահրաշ գործերի համար:+
32 Թող հավաքված մարդկանց մեջ նրան մեծարեն,+Երեցների ժողովում թող նրան փառաբանեն:
33 Նա գետերը վերածում է անապատի,Ջրի վտակները՝ ցամաք գետնի,+
34 Պտղաբեր հողը՝ աղակալած ամայավայրի.+
Դա հետևանքն է այնտեղ ապրողների չար գործերի:
35 Անապատը նա վերածում է եղեգնաշատ լճերի,Անջուր վայրը՝ ջրի աղբյուրների:+
36 Սովյալներին բնակեցնում է այնտեղ,+Որ իրենց բնակության համար քաղաք հիմնեն:+
37 Նրանք ցանում են արտերն ու խաղողի այգիներ են տնկում,+Եվ դրանք առատ պտուղներ են բերում:+
38 Նա օրհնում է նրանց, և նրանք մեծապես շատանում են,Թույլ չի տալիս, որ նրանց անասունները թվով նվազեն:+
39 Բայց ճնշումներից, նեղությունից ու տրտմությունիցԺողովուրդը կրկին փոքրաթիվ է դառնում ու զրկվում պատվից:
40 Նա իշխանավորների վրա իր արհամարհանքն է թափում,Ստիպում է նրանց թափառել ճանապարհազուրկ ամայի վայրերում:+
41 Բայց աղքատներին կեղեքումից պաշտպանում է,*+Նրանց ընտանիքները հոտի պես բազմաքանակ է դարձնում:
42 Ուղղամիտները, տեսնելով դա, ուրախանում են,+Իսկ բոլոր անարդարների բերանները փակվում են:+
43 Ով իմաստուն է, այս ամենի մասին կխորհի,+Եհովայի հավատարիմ սիրով լի գործերը խորությամբ կքննի:+
Ծանոթագրություններ
^ Կամ՝ «փրկագնեց»:
^ Փայտե կամ երկաթե ձող՝ դռան հետևից գցելու և այն փակելու համար:
^ Կամ՝ «բարձր տեղում է դնում»: Այսինքն՝ անհասանելի տեղում:
