Սաղմոսներ 119։1-176
-
Գնահատանք Աստծու անգին խոսքի համար
-
«Երիտասարդն ինչպե՞ս կարող է մաքուր պահել իր ճամփան» (9)
-
«Ինձ համար թանկ են քո հիշեցումները» (24)
-
«Օրենքդ այնքա՜ն շատ եմ սիրում» (97)
-
«Բոլոր ուսուցիչներիցս ավելի խորաթափանց եմ» (99)
-
«Քո խոսքը ճրագ է իմ ոտքերի համար» (105)
-
«Քո խոսքն ամբողջությամբ ճշմարտություն է» (160)
-
Աստծու օրենքը սիրողները խաղաղություն ունեն (165)
-
א [Ալեֆ]
119 Երջանիկ են նրանք, ովքեր անարատությամբ են ապրում,Ովքեր Եհովայի օրենքի համաձայն են վարվում:+
2 Երջանիկ են նրանք, ովքեր նրա հիշեցումներին ուշադրություն են դարձնում,+Ովքեր ամբողջ սրտով նրա առաջնորդությունն են փնտրում:*+
3 Նրանք անարդար բաներ չեն անում,Նրա ճանապարհներով են ընթանում:+
4 Դու պատվիրել ես, ո՛վ Աստված,Որ բարեխղճորեն կատարենք հրահանգները քո տված:+
5 Այնքա՜ն եմ ուզում անսասան լինել+Եվ միշտ քո կանոնները պահել:
6 Այդ դեպքում քո բոլոր պատվիրանները քննելիսԳլուխս չեմ կախի ամոթից:+
7 Քո արդար վճիռների* մասին սովորելով՝Ես քեզ կգովերգեմ անկեղծ սրտով:
8 Քո կանոնները կպահեմ,Միայն թե դու երբեք անվերադարձ ինձ չլքես:
ב [Բեթ]
9 Երիտասարդն ինչպե՞ս կարող է մաքուր պահել իր ճամփան.
Եթե միշտ ինքն իրեն հսկի, որ վարվի քո խոսքի համաձայն:+
10 Ամբողջ սրտով ես քո առաջնորդությունն եմ փնտրում,*Մի՛ թող՝ քո պատվիրաններից շեղվեմ:+
11 Խոսքերդ գանձի պես իմ սրտում եմ պահում,+Որ քո դեմ մեղք չգործեմ:+
12 Ո՛վ Եհովա, թող քեզ տրվի փառքը,Սովորեցրու ինձ քո կանոնները:
13 Իմ շուրթերով հռչակում եմՔո ազդարարած բոլոր վճիռները:
14 Ես ուրախանում եմ քո հիշեցումներով՝+Առավել, քան մյուս բոլոր արժեքավոր բաներով:+
15 Կխորհրդածեմ հրահանգներիդ մասին,*+Աչքերս կհառեմ քո ուղիներին:+
16 Շատ եմ սիրում քո օրենքներըԵվ չեմ մոռանա քո խոսքերը:+
ג [Գիմել]
17 Բարությամբ վարվիր ծառայիդ հետ,Որ ապրեմ ու խոսքդ պահեմ:+
18 Բաց արա իմ աչքերը, որ հստակ տեսնեմՔո օրենքում ամփոփված սքանչելիքները:
19 Ես պարզապես մի պանդուխտ եմ այս երկրում:+
Քո պատվիրանները ինձնից մի՛ թաքցրու:
20 Վճիռներիդ հանդեպ փափագըԱնդադար այրում է իմ սիրտը:
21 Դու սաստում ես հանդուգն մարդկանց,Քո պատվիրաններից շեղվող անիծյալ մարդկանց:+
22 Անարգանքն ու արհամարհանքը հեռացրու ինձնից,Չէ՞ որ ես հետևում եմ քո հիշեցումներին:
23 Անգամ երբ իշխանավորները, միասին նստած, իմ դեմ են խոսում,Ես՝ քո ծառան, կանոններիդ մասին եմ խորհում:*
24 Ինձ համար թանկ են քո հիշեցումները,+Դրանք ասես լինեն իմ խորհրդատուները:+
ד [Դալեթ]
25 Երեսնիվայր ընկած եմ հողերի մեջ:+
Ինձ ողջ պահիր, ինչպես որ խոստացել ես:+
26 Ես քեզ պատմեցի իմ անելիքների մասին,Եվ դու ինձ պատասխանեցիր:
Քո կանոններն ուսուցանիր ինձ:+
27 Օգնիր հրահանգներիդ բուն իմաստն ըմբռնեմ,Որ զարմանահրաշ գործերիդ մասին խորհեմ:*+
28 Հոգուս ցավից կորցրել եմ քունս:
Զորացրու ինձ, ինչպես որ խոստացել ես:
29 Մի՛ թող՝ խաբեության ճամփան բռնեմ,+Օրենքդ սովորեցնելով՝ բարեհաճություն ցույց տուր իմ հանդեպ:
30 Ես հավատարմության ճանապարհն եմ ընտրել:+
Հասկանում եմ, որ քո վճիռներն* արդար են:
31 Քո հիշեցումներին հավատարմորեն հետևում եմ:+
Ո՛վ Եհովա, մի՛ թող՝ հուսախաբ լինեմ:*+
32 Ողջ սրտով քո պատվիրանների համաձայն կվարվեմ,Քանի որ բացեցիր իմ միտքը,* որ դրանք լիովին ըմբռնեմ:
ה [Հե]
33 Ո՛վ Եհովա, սովորեցրու՝+ ինչպես կանոններիդ համաձայն վարվեմ,Եվ ես մինչև կյանքիս վերջ դրանք կպահեմ:+
34 Ինձ հասկացողություն տուր, որ օրենքդ կատարեմԵվ ամբողջ սրտով այն պահեմ:
35 Առաջնորդիր ինձ պատվիրաններիդ ուղով,+Չէ՞ որ ես ուրախանում եմ դրանով:
36 Օգնիր, որ սիրտս մղվի հիշեցումներիդ հետևել,Ոչ թե եսասիրական շահերի հետամուտ լինել:+
37 Մի՛ թող՝ աչքերս անպետք բաների նայեն,+Օգնիր՝ մնամ քո ճանապարհին, որ ապրեմ:
38 Պահիր խոստումդ, որ տվել ես ծառայիդ,Որպեսզի քո հանդեպ վախ ունենան մարդիկ:*
39 Հեռացրու ինձնից անպատվությունը, որից սարսափում եմ,Չէ՞ որ քո վճիռներն* արդար են:+
40 Տես՝ ինչպես եմ փափագում հրահանգներդ կատարել:
Կյանքս պահպանիր, չէ՞ որ դու արդար ես:
ו [Վավ]
41 Ո՛վ Եհովա, ինչպես որ խոստացել ես,+Իմ հանդեպ ցույց տուր հավատարիմ սեր+Եվ ինձ փրկություն բեր:
42 Այդժամ ես պատասխան կտամ ինձ ծաղրողին,Չէ՞ որ վստահում եմ քո խոսքին:
43 Երբեք մի՛ հեռացրու իմ բերանից ճշմարտության խոսքը,Չէ՞ որ քո արդարադատության վրա եմ դրել իմ հույսը:*
44 Քո օրենքը միշտ կպահեմ,Այո՛, ընդմիշտ, առհավետ:+
45 Ուր էլ գնամ, ապահով կլինեմ,+Որովհետև միշտ ձգտում եմ քո պատվերները կատարել:
46 Թագավորների առաջ կխոսեմ պատվիրաններիդ* մասին.
Ես չեմ ամաչի:+
47 Քո պատվիրանները ինձ համար թանկ են,Այո՛, ես դրանք սիրում եմ:+
48 Պատվիրաններիդ համար, որոնք այդքան սիրում եմ,+Ձեռքերս տարածած՝ քեզ աղոթում եմ:
Քո կանոնների մասին կխորհրդածեմ:+
ז [Զային]
49 Հիշիր քո ծառային տվածդ խոստումը,*Որն ինձ հույսով է լցնում:*
50 Նեղության մեջ դա է իմ մխիթարությունը,+Քո ասածները պահպանել են իմ կյանքը:
51 Հանդուգն մարդիկ ինձ անխնա ծաղրուծանակի են ենթարկում,Բայց ես քո օրենքից չեմ շեղվում:+
52 Ո՛վ Եհովա, հնում կայացրած քո վճիռներն* եմ հիշում+Եվ մխիթարություն եմ գտնում:+
53 Իմ մեջ ուժգին ցասում են բորբոքում անօրենները՝Նրանք, ովքեր թողնում են քո օրենքը:+
54 Որտեղ էլ որ բնակվեմ,*Քո կանոններն իմ երգերի թեման են:
55 Ո՛վ Եհովա, գիշերը մտաբերում եմ անունդ,+Որ պահեմ օրենքդ:
56 Միշտ այդպես եմ արել,Դրա շնորհիվ պահել եմ հրահանգներդ:
ח [Խեթ]
57 Ո՜վ Եհովա, դու ես իմ բաժինը,+Ես խոստացել եմ պահել քո խոսքերը:+
58 Ողջ սրտով դիմում եմ քեզ,*+Բարեհաճ եղիր իմ հանդեպ,+ ինչպես որ խոստացել ես:
59 Ես իմ ճանապարհները քննում եմ,Որ կրկին հիշեցումներիդ համաձայն վարվեմ:+
60 Շտապում եմ քո պատվիրանները պահել,Չեմ հապաղում դրանք կատարել:+
61 Անօրեններն ինձ համար ծուղակներ են լարում,Բայց քո օրենքը ես չեմ մոռանում:+
62 Կեսգիշերին արթնանում եմ,Որ արդար վճիռներիդ* համար քեզ շնորհակալություն հայտնեմ:+
63 Ես ընկերն եմ բոլոր նրանց, ովքեր քո հանդեպ վախ ունեն,Ովքեր քո հրահանգներին հնազանդվում են:+
64 Ո՛վ Եհովա, երկրի վրա ամենուր երևում է քո հավատարիմ սերը:+
Սովորեցրու ինձ քո կանոնները:
ט [Տեթ]
65 Ո՛վ Եհովա, խոստմանդ* համաձայն ես վարվել.
Քո ծառային բարիք ես արել:
66 Տուր ինձ գիտելիքներ և առողջ դատողություն,+Չէ՞ որ ես քո պատվիրաններին եմ վստահում:
67 Նախքան նեղության մեջ հայտնվելը շեղվում էի քո ճանապարհից,*Բայց հիմա հնազանդվում եմ ասածներիդ:+
68 Բարի* ես դու,+ և բարի են քո գործերը:
Սովորեցրու ինձ քո կանոնները:+
69 Հանդուգն մարդիկ ստերով արատավորում են իմ համբավը,Բայց ես ողջ սրտով կատարում եմ քո հրահանգները:
70 Նրանց սիրտը անզգա է,*+Իսկ ինձ համար քո օրենքը թանկ է:+
71 Լավ է, որ անցա նեղությունների միջով,+Քանի որ այդպես սովորեցի ապրել քո կանոններով:
72 Քո տված օրենքը իմ բարօրության համար է,+Ոսկու և արծաթի հազարավոր կտորներից էլ լավն է:+
י [Յոդ]
73 Քո ձեռքերն են ինձ արարել ու կազմավորել:
Հասկացողություն տուր ինձ, որ կարողանամ պատվիրաններդ յուրացնել:+
74 Ինձ տեսնելով՝ ուրախանում են քեզնից վախեցողները,Որովհետև քո խոսքի վրա եմ դրել իմ հույսը:*+
75 Գիտեմ, ո՛վ Եհովա, որ արդար են քո վճիռները,*+Եվ հավատարմությունից է բխում ինձ տվածդ պատիժը:+
76 Խնդրում եմ, քո հավատարիմ սիրով+ ինձ մխիթարիր,Ինչպես որ խոստացել ես ծառայիդ:
77 Գթասիրտ եղիր իմ հանդեպ, որ ապրեմ,+Որովհետև քո օրենքն ինձ համար թանկ է:+
78 Թող հանդուգն մարդիկ ամոթահար լինեն,Քանի որ առանց պատճառի* ինձ վնասում են:
Բայց ես քո հրահանգների մասին կխորհրդածեմ:*+
79 Թող ինձ մոտ վերադառնան քեզնից վախեցողներըԵվ քո պատվիրաններն* իմացողները:
80 Օգնիր՝ սրտանց ու անշեղորեն կանոններդ պահեմ,+Որ ամոթահար չլինեմ:+
כ [Կաֆ]
81 Տենչում եմ տեսնել քեզնից եկող փրկությունը.+
Քո խոսքի վրա եմ դրել իմ հույսը:*
82 Փափագում եմ իմ աչքով տեսնել քո խոսքի կատարումը+Եվ ասում եմ. «Ե՞րբ ինձ կտաս քո մխիթարությունը»:+
83 Ասես ծխից չորացած տիկ լինեմ,Բայց քո կանոնները չեմ մոռանում:+
84 Դեռ ինչքա՞ն պիտի քո ծառան սպասի:
Ե՞րբ պիտի դատաստանի ենթարկես ինձ հալածողներին:+
85 Հանդուգն մարդիկ փոսեր են փորում ինձ համար,Նրանք մերժում են քո օրենքը հանդգնաբար:
86 Քո բոլոր պատվիրանները վստահարժան են:
Օգնիր ինձ. մարդիկ առանց պատճառի ինձ հալածում են:+
87 Քիչ է մնում՝ ինձ ջնջեն երկրի երեսից,Բայց ես երես չեմ թեքել քո պատվերներից:
88 Հավատարիմ սիրուց մղված՝ կյանքս պահպանիր,Որ հետևեմ քո տված հիշեցումներին:
ל [Լամեդ]
89 Ո՛վ Եհովա, քո խոսքըՀավերժ անխախտ է, ինչպես երկինքը:*+
90 Դու հավատարիմ ես սերնդեսերունդ:+
Երկիրն ամուր հաստատել ես, և այն կանգուն է մնում:+
91 Քո վճռով դրանք* գոյություն ունեն մինչ օրս,Եվ բոլորը ծառայում են քեզ:
92 Եթե քո օրենքը ինձ համար թանկ չլիներ,Իմ գլխին եկած չարիքներից ես կկործանվեի:+
93 Երբեք չեմ մոռանա քո հրահանգները,Որովհետև դրանց միջոցով դու պահպանել ես իմ կյանքը:+
94 Փրկիր ինձ. չէ՞ որ ես քոնն եմ+Եվ ձգտում եմ քո հրահանգները կատարել:+
95 Անօրենները առիթի են սպասում, որ կործանեն ինձ,Բայց ես լուրջ ուշադրություն եմ դարձնում քո հիշեցումներին:
96 Իմ տեսած ամեն կատարյալ բան իր սահմանն ունի,Բայց քո պատվիրանը սահմաններ չունի:*
מ [Մեմ]
97 Օրենքդ այնքա՜ն շատ եմ սիրում,+Ամբողջ օրը դրա մասին եմ խորհրդածում:*+
98 Պատվիրաններդ ինձ թշնամիներիցս իմաստուն են դարձնում,+Որովհետև մշտապես դրանցով եմ առաջնորդվում:
99 Բոլոր ուսուցիչներիցս ավելի խորաթափանց եմ,+Որովհետև քո հիշեցումների մասին եմ խորհում:*
100 Ավելի խոհեմաբար* եմ վարվում, քան տարեցները,Քանի որ կատարում եմ քո հրահանգները:
101 Ամեն չար ճանապարհից հեռու եմ մնում,+Քանի որ խոսքդ պահել եմ ուզում:
102 Դու ուսուցանել ես ինձ,Դրա համար էլ ես չեմ շեղվում քո օրենքներից:*
103 Քիմքիս այնքա՜ն հաճելի են քո խոսքերը,Ավելի քաղցր են, քան մեղրը:+
104 Քո հրահանգների շնորհիվ ես հասկացողությամբ եմ վարվում:+
Ահա թե ինչու եմ ստության ամեն ճանապարհ ատում:+
נ [Նուն]
105 Քո խոսքը ճրագ է իմ ոտքերի համարԵվ լույս՝ իմ ճանապարհի համար:+
106 Երդվել եմ, որ քո արդար վճիռների* համաձայն կվարվեմ:
Տվածս երդումը կկատարեմ:
107 Շատ տառապանք եմ կրել.+
Ո՜վ Եհովա, պահպանիր կյանքս, ինչպես որ խոստացել ես:+
108 Խնդրում եմ, ո՜վ Եհովա, բարեհաճորեն ընդունիր գովաբանության իմ ընծաները,*+Սովորեցրու ինձ քո օրենքները:*+
109 Միշտ վտանգի մեջ է* իմ կյանքը,Բայց ես չեմ մոռանում քո օրենքը:+
110 Անօրեններն ինձ համար ծուղակ են լարել,Բայց քո պատվերներից ես չեմ շեղվել:+
111 Քո հիշեցումները ինձ համար միշտ թանկ* կլինեն,Որովհետև դրանք իմ սրտի ցնծությունն են:+
112 Վճռել եմ քո կանոններին հնազանդվելԱնընդմեջ, մինչև կյանքիս վերջ:
ס [Սամեխ]
113 Ես ատում եմ նրանց, ում սիրտն ամբողջությամբ նվիրված չէ քեզ,*+Իսկ քո օրենքը սիրում եմ:+
114 Դու ես իմ վահանն ու պատսպարանը.+
Քո խոսքի վրա եմ դրել իմ հույսը:*+
115 Հեռու մնացեք ինձնից, չարագործնե՛ր,+Որ կարողանամ իմ Աստծու պատվիրանները պահել:
116 Ո՛վ Աստված, խոստմանդ համաձայն՝ ինձ օգնիր,+Որ շարունակեմ ապրել:
Իմ հույսը քեզ վրա եմ դրել,Մի՛ թող՝ հուսախաբ լինեմ:*+
117 Օգնիր ինձ, որ փրկվեմ,+Եվ ես իմ ուշքն ու միտքը քո կանոնների վրա կպահեմ:+
118 Դու մերժում ես բոլոր նրանց, ովքեր քո կանոններից շեղվում են,+Որովհետև նրանք ստախոս ու խաբեբա են:
119 Երկրի բոլոր անօրեններին աղբի* պես դեն ես նետում,+Ահա թե ինչու եմ քո պատվիրանները* սիրում:
120 Քո ահից սարսուռով եմ համակվում,Քո դատավճիռներից ակնածանքով եմ լցվում:
ע [Ային]
121 Ինչ որ արդար է ու ճիշտ, ես դա եմ արել:
Մի՛ թող՝ ինձ հալածողների ձեռքն ընկնեմ:
122 Երաշխավորիր, որ քո ծառան բարիք կտեսնի:
Թող որ հանդուգն մարդիկ չնեղեն ինձ:
123 Աչքերս հոգնել են սպասումով նայելուց,Թե երբ ես ինձ փրկելու,+Երբ ես արդար խոստումդ կատարելու:+
124 Ծառայիդ հանդեպ ցույց տուր քո հավատարիմ սերը,+Սովորեցրու ինձ քո կանոնները:+
125 Ես քո ծառան եմ: Հասկացողություն տուր ինձ,+Որ ըմբռնեմ պատվիրաններդ:*
126 Եհո՛վա, եկել է գործելուդ ժամանակը.+
Չէ՞ որ մարդիկ խախտում են քո օրենքը:
127 Իսկ ես սիրում եմ պատվիրաններդ՝Ոսկուց, զտված ոսկուց էլ առավել:+
128 Այո՛, ես ճիշտ եմ համարում քո ամեն մի հրահանգը+Եվ ատում եմ բոլոր սխալ ճանապարհները:+
פ [Պե]
129 Հիշեցումներդ հիասքանչ են,Դրա համար էլ դրանց հետևում եմ:
130 Խոսքերիդ մեկնությունը մարդկանց լույս է բերում,+Անփորձներին հասկացողությամբ է օժտում:+
131 Այնքան ուժգին եմ պատվիրաններիդ տենչում,Որ շուրթերիցս հառաչանքներ են հնչում:+
132 Ինձ նայիր ու բարեհաճ եղիր իմ հանդեպ,+Ինչպես որ միշտ* ես վարվում քո անունը սիրողների հետ:+
133 Քո խոսքով ուղղորդիր* իմ քայլերը, որ ապահով լինեմ,Մի՛ թող՝ որևէ չար բանի տիրապետության տակ ընկնեմ:+
134 Փրկիր* ինձ բռնատենչ մարդկանցից,Եվ ես կհնազանդվեմ քո հրահանգներին:
135 Ծառայիդ հանդեպ բարեհաճ եղիր*+Եվ կանոններդ ինձ ուսուցանիր:
136 Աչքերիցս արցունքներ են հորդում,Քանի որ մարդիկ քո օրենքը չեն պահում:+
צ [Ցադե]
137 Ո՛վ Եհովա, արդար ես դու,+Արդար վճիռներ* ես կայացնում:+
138 Քո տված հիշեցումները արդար են,Լիովին վստահարժան են:
139 Նախանձախնդրությունը վառվում է ներսումս,+Որովհետև քո խոսքերն անտեսում են հակառակորդներս:
140 Քո խոսքը կատարելապես մաքուր է,*+Եվ քո ծառան այն սիրում է:+
141 Ես աննշան ու արհամարհված եմ,+Բայց քո հրահանգները չեմ մոռացել:
142 Քո արդարությունը հավիտենական արդարություն է,+Եվ քո օրենքը ճշմարտություն է:+
143 Թեև նեղություն ու դժվարություն եմ կրել,Բայց շարունակում եմ պատվիրաններդ սիրել:
144 Քո հիշեցումները հավիտենապես արդար են:
Ինձ հասկացողություն տուր,+ որ շարունակեմ ապրել:
ק [Կոֆ]
145 Ամբողջ սրտով քեզ կանչում եմ օգնության:
Պատասխանիր ինձ, ո՛վ Եհովա:
Ես կվարվեմ քո կանոնների համաձայն:
146 Քեզ եմ կանչում, փրկիր ինձ:
Ես կհետևեմ քո հիշեցումներին:
147 Լույսը դեռ չբացված՝ վեր եմ կենում և օգնություն աղերսում.+
Քո խոսքերի վրա եմ իմ հույսը դնում:*
148 Գիշերվա կեսին արթնանում եմ,Որ խոսքերիդ մասին խորհրդածեմ:*+
149 Ո՜վ Եհովա, հավատարիմ սիրուցդ մղված՝ լսիր իմ ձայնը,+Վարվելով արդարությանդ համաձայն՝ պահպանիր իմ կյանքը:
150 Ամոթալի* վարք ունեցողներն ահա մոտենում են ինձ,Նրանք հեռու են քո օրենքից:
151 Դու մոտ ես ինձ, ո՛վ Եհովա,+Քո բոլոր պատվիրանները ճշմարտություն են:+
152 Դեռ շատ վաղուց եմ իմացել,Որ պատվիրաններդ* ամուր հիմքի վրա ես դրել,Որպեսզի դրանք մնան առհավետ:+
ר [Ռեշ]
153 Տես տառապանքս ու ազատիր ինձ,+Որովհետև ես օրենքդ չեմ հանել իմ մտքից:
154 Պաշտպանիր ինձ* և ազատիր,+Խոստմանդ համաձայն՝ կյանքս պահպանիր:
155 Փրկություն չեն տեսնի անօրենները,Որովհետև նրանք չեն ուզում պահել քո կանոնները:+
156 Ո՛վ Եհովա, դու անչափ գթասիրտ ես:+
Վարվելով արդարությանդ համաձայն՝ պահպանիր կյանքս:
157 Իմ թշնամիներն ու ինձ հալածողները շատ են,+Բայց քո հիշեցումներին ես հետևում եմ անշեղորեն:
158 Ես նողկանքով եմ նայում նենգաբար վարվողներին,Որովհետև նրանք չեն հնազանդվում քո խոսքերին:+
159 Ո՛վ Եհովա, տես՝ ինչքան եմ սիրում քո պատվերները:
Հավատարիմ սիրուց մղված՝ պահպանիր իմ կյանքը:+
160 Քո խոսքն ամբողջությամբ* ճշմարտություն է,+Եվ բոլոր արդար օրենքներդ* հավիտենական են:
ש [Սին] կամ [Շին]
161 Առանց պատճառի ինձ հետապնդում են իշխանավորները,+Բայց քո խոսքերի հանդեպ ակնածանքով է լցված իմ սիրտը:+
162 Քո ասածներից ես ուրախություն եմ ապրում,+Ինչպես մեկը, ով մեծ գանձ է գտնում:
163 Ատում եմ սուտը, դրանից գարշում եմ,+Իսկ քո օրենքը սիրում եմ:+
164 Գովաբանում եմ քեզ օրը յոթ անգամՔո արդար վճիռների* համար:
165 Օրենքդ սիրողները մեծ խաղաղություն ունեն,+Ոչինչ չի կարող պատճառ լինել, որ նրանք սայթաքեն:*
166 Ո՛վ Եհովա, քո փրկարար գործերի վրա եմ հույս դնումԵվ քո պատվիրաններն եմ կատարում:
167 Քո հիշեցումներին հետևում եմ,Դրանք անչափ սիրում եմ:+
168 Ես վարվում եմ հրահանգներիդ ու հիշեցումներիդ համաձայն:
Դու գիտես իմ արած ամեն բան:+
ת [Թավ]
169 Թող օգնության իմ աղաղակը հասնի քեզ, ո՛վ Եհովա:+
Քո խոսքով օգնիր ինձ, որ հասկացողություն ունենամ:+
170 Խնդրում եմ, աղաչանքս լսիր
Եվ ինչպես խոստացել ես, ինձ փրկիր:
171 Թող գովաբանություն հորդի իմ շուրթերից,+Որովհետև քո կանոններն ես սովորեցնում ինձ:
172 Ես իմ լեզվով խոսքերիդ մասին կերգեմ,+Որովհետև բոլոր պատվիրաններդ արդար են:
173 Ինձ օգնության ձեռք մեկնիր,+Չէ՞ որ ես որոշել եմ հնազանդվել քո հրահանգներին:+
174 Փափագով սպասում եմ, որ ինձ փրկես, ո՛վ Եհովա,Քո օրենքը թանկ է ինձ համար:+
175 Թույլ տուր՝ ապրեմ, որ քեզ գովաբանեմ,+Եվ թող քո վճիռներն* ինձ օգնեն:
176 Թափառում եմ մոլորված ոչխարի պես:+
Փնտրիր ծառայիդ,Որովհետև պատվիրաններդ չեմ մոռացել ես:+
Ծանոթագրություններ
^ Բռց.՝ «նրան են փնտրում»:
^ Կամ՝ «դատավճիռների»:
^ Բռց.՝ «քեզ եմ փնտրում»:
^ Կամ՝ «Կուսումնասիրեմ քո հրահանգները»:
^ Կամ՝ «կանոններդ եմ ուսումնասիրում»:
^ Կամ՝ «գործերդ ուսումնասիրեմ»:
^ Կամ՝ «դատավճիռները»:
^ Կամ՝ «ամոթով մնամ»:
^ Բռց.՝ «սիրտը»: Կամ հնարավոր է՝ «սիրտս վստահությամբ լցրիր»:
^ Կամ հնարավոր է՝ «Որ տվել ես քեզնից վախեցողներին»:
^ Կամ՝ «դատավճիռները»:
^ Կամ՝ «դատավճիռներին եմ սպասում»:
^ Կամ՝ «հիշեցումներիդ»:
^ Բռց.՝ «խոսքը»:
^ Կամ՝ «Որին սպասում եմ»:
^ Կամ՝ «դատավճիռները»:
^ Կամ՝ «Այն տանը, որտեղ ես որպես պանդուխտ եմ բնակվում»:
^ Կամ՝ «երեսիդ ժպիտն եմ փնտրում»: Բռց.՝ «երեսդ եմ փափկացնում»:
^ Կամ՝ «դատավճիռներիդ»:
^ Կամ՝ «խոսքիդ»:
^ Կամ՝ «մեղք էի գործում, թեև ոչ միտումնավոր»:
^ Բառարանում տես «Բարեսիրություն»:
^ Բռց.՝ «անզգա է, ինչպես ճարպը»:
^ Կամ՝ «քո խոսքին եմ սպասում»:
^ Կամ՝ «դատավճիռները»:
^ Կամ հնարավոր է՝ «ստերով»:
^ Կամ՝ «քո հրահանգները կուսումնասիրեմ»:
^ Կամ՝ «հիշեցումները»:
^ Կամ՝ «Քո խոսքին եմ սպասում»:
^ Կամ՝ «Հավերժ անխախտ է երկնքում»:
^ Այսինքն՝ քո ձեռքի գործերը:
^ Բռց.՝ «շատ ընդարձակ է»:
^ Կամ՝ «դա եմ ուսումնասիրում»:
^ Կամ՝ «քո հիշեցումներն եմ ուսումնասիրում»:
^ Կամ՝ «մեծ հասկացողությամբ»:
^ Կամ՝ «դատավճիռներից»:
^ Կամ՝ «դատավճիռների»:
^ Բռց.՝ «իմ բերանի կամավոր ընծաները»:
^ Կամ՝ «դատավճիռները»:
^ Բռց.՝ «իմ ափի մեջ է»:
^ Կամ՝ «իմ հավիտենական ժառանգությունը»:
^ Կամ՝ «կես սիրտ ունեցողներին», «բաժանված սիրտ ունեցողներին»:
^ Կամ՝ «Քո խոսքին եմ սպասում»:
^ Կամ՝ «ամոթով մնամ»:
^ Կամ՝ «խարամի»: Մետաղների մշակման արդյունքում առաջացած թափոն:
^ Կամ՝ «հիշեցումները»:
^ Կամ՝ «հիշեցումներդ»:
^ Բռց.՝ «Համաձայն քո դատավճռի»:
^ Կամ՝ «հաստատուն դարձրու»:
^ Բռց.՝ «Փրկագնիր»:
^ Կամ՝ «Թող քո երեսի լույսը շողա ծառայիդ վրա», «Թող քո երեսը ժպտա ծառայիդ»:
^ Կամ՝ «դատավճիռներ»:
^ Կամ՝ «կրակով զտված է»:
^ Կամ՝ «խոսքերին եմ սպասում»:
^ Կամ՝ «խոսքերդ ուսումնասիրեմ»:
^ Կամ՝ «Նողկալի»:
^ Կամ՝ «հիշեցումներդ»:
^ Կամ՝ «Վարիր իմ դատական գործը»:
^ Կամ՝ «Քո խոսքի բուն էությունը»:
^ Կամ՝ «դատավճիռներդ»:
^ Կամ ՝ «դատավճիռների»:
^ Կամ՝ «Նրանց համար չկա գայթակղության քար»:
^ Կամ՝ «դատավճիռները»:
