Սաղմոսներ 135։1-21
135 Գովաբանե՛ք Յահին,*Գովաբանեք Եհովայի անունը,Փառաբանեք Եհովային, ո՛վ նրա ծառաներ,+
2 Դո՛ւք, որ Եհովայի տանն եք ծառայում՝Մեր Աստծու տան գավիթներում:+
3 Գովաբանե՛ք Յահին. Եհովան բարի է:+
Գովերգեք* նրա անունը. այն հիասքանչ է:
4 Յահը իր համար Հակոբին ընտրեց,Իսրայելին իր հատուկ* սեփականությունը դարձրեց:+
5 Ես լավ գիտեմ, որ Եհովան մեծ է,Մեր Տերը մյուս բոլոր աստվածներից բարձր է:+
6 Եհովան իրագործում է այն ամենը, ինչ կամենում է անել+Երկնքում ու երկրի վրա, ծովերում ու դրանց խորքերում:
7 Նա ամպեր* է բարձրացնում երկրի ծայրերից,Կայծակներ է ուղարկում՝ անձրևին ուղեկից,*Եվ քամի է հանում իր ամբարներից:+
8 Նա կործանեց Եգիպտոսի առաջնեկներին՝Թե՛ մարդկանց և թե՛ անասուններին:+
9 Նա զորավոր գործեր ու հրաշքներ արեց Եգիպտոսում՝+Ընդդեմ փարավոնի և նրա բոլոր ծառաների:+
10 Նա ջախջախեց բազում ազգերի,+Սպանեց զորավոր թագավորների՝+
11 Ամորհացիների Սեհոն+ թագավորին,Բասանի Օգ թագավորին:+
Նա պարտության մատնեց Քանանի բոլոր թագավորություններին,
12 Իսկ նրանց երկիրը տվեց որպես ժառանգություն,Ժառանգություն՝ Իսրայելին՝ իր ժողովրդին:+
13 Հավերժական է քո անունը, ո՛վ Եհովա:
Քո հռչակը,* ո՛վ Եհովա, սերնդեսերունդ անմար կմնա:+
14 Եհովան կպաշտպանի իր ժողովրդին,+Կկարեկցի իր ծառաներին:+
15 Ազգերի կուռքերը արծաթից ու ոսկուց են,Մարդու ձեռքի գործեր են:+
16 Բերան ունեն, բայց չեն խոսում,+Աչքեր ունեն, բայց չեն տեսնում,
17 Ականջներ ունեն, բայց չեն լսում,Շունչ չկա նրանց բերանում:+
18 Ճիշտ այդ կուռքերի պես կդառնան դրանք շինողները+Եվ բոլոր նրանք, ովքեր դրանց վրա են դնում իրենց հույսը:+
19 Ո՛վ Իսրայելի տուն, գովաբանիր Եհովային:
Ո՛վ Ահարոնի տուն, գովաբանիր Եհովային:
20 Ո՛վ Ղևիի տուն, գովաբանիր Եհովային,+Եհովայից վախեցողնե՛ր, գովաբանեք Եհովային:
21 Թող Սիոնից փառք ուղղվի Եհովային՝+Երուսաղեմում բնակվողին:+
Գովաբանե՛ք Յահին:+
Ծանոթագրություններ
^ Կամ՝ «Ալելո՛ւիա» (եբր.՝ հալելու Յահ): «Յահ» անունը «Եհովա» անվան կրճատ ձևն է:
^ Կամ՝ «Նվագակցությամբ գովերգեք»:
^ Կամ՝ «թանկագին»:
^ Կամ՝ «գոլորշի»:
^ Կամ հնարավոր է՝ «Բացում է անձրևի ջրարգելակները»:
^ Կամ՝ «անունը»: Բռց.՝ «հիշատակը»:
