Սաղմոսներ 138։1-8
Դավթի երգը:
138 Ողջ սրտով քեզ կգովաբանեմ,+Ուրիշ աստվածների աչքի առաջ քեզ կգովերգեմ:*
2 Դեպի քո սուրբ տաճարը* կշրջվեմ ու կխոնարհվեմ+Եվ քո անունը կգովաբանեմ,+Քանի որ դու սիրում* ես մեզ ու հավատարիմ ես,Քո խոսքն ու քո անունը, ամեն ինչից վեր բարձրացնելով, փառավորել ես:*
3 Այն օրը, երբ կանչեցի քեզ, դու պատասխանեցիր,+Ինձ քաջ ու զորեղ դարձրիր:+
4 Ո՛վ Եհովա, երկրի բոլոր թագավորները քեզ կգովերգեն,+Որովհետև քո տված խոստումների մասին կլսեն:
5 Նրանք Եհովայի գործերի մասին կերգեն,Որովհետև Եհովայի փառքը մեծ է:+
6 Թեև Եհովան բարձր է, բայց խոնարհներին ուշադրություն է դարձնում,+Մինչդեռ մեծամիտներին մոտիկից ճանաչել չի ցանկանում:+
7 Եթե վտանգի մեջ լինեմ, դու իմ կյանքը կպահպանես,+Ինձ ձեռք կմեկնես, թշնամիներիս ցասումից ինձ կպաշտպանես,Քո աջով դու ինձ կփրկես:
8 Եհովան կիրագործի այն ամենը, ինչ մտադրել է ինձ համար:
Ո՛վ Եհովա, քո հավատարիմ սերը հավերժական է:+
Քո ստեղծածներին* աչքաթող մի՛ արա:+
Ծանոթագրություններ
^ Կամ հնարավոր է՝ «Հակառակ ուրիշ աստվածների՝ քեզ նվագակցությամբ կգովերգեմ»:
^ Կամ՝ «սրբարանը»:
^ Բառարանում տես «Հավատարիմ սեր»:
^ Կամ հնարավոր է՝ «Քո խոսքը քո անունից վեր ես բարձրացրել»:
^ Կամ՝ «Քո ձեռքի գործերը»:
