Սաղմոսներ 139։1-24
Նվագավարին: Դավթի երգը:
139 Ո՛վ Եհովա, դու քննել ես իմ ողջ էությունը և ինձ ճանաչում ես:+
2 Իմ նստելուց ու վեր կենալուց դու տեղյակ ես,+Իմ մտքերը հեռվից կարդում ես:+
3 Իմ գնալ-գալուն ու պառկելուն դու հետևում եսԵվ ամեն մի քայլիս քաջատեղյակ ես:+
4 Ո՛վ Եհովա, դեռ բերանս չբացած՝Դու արդեն գիտես, թե ինչ պիտի ասեմ:+
5 Հետևից ու առջևից ինձ պաշտպանում ես,Քո ձեռքն ինձ վրա է:
6 Իմ մասին քո իմացությունը վեր է իմ պատկերացումից,*Այնքան վեր, որ չեմ կարող ըմբռնել:+
7 Ո՞ւր կարող եմ փախչել քո ոգուց,Որտե՞ղ կարող եմ թաքնվել քո աչքերից:+
8 Թե երկինք բարձրանամ, դու այնտեղ ես,Թե քուն մտնեմ գերեզմանում,* այնտեղ էլ ինձ կգտնես:+
9 Եթե արշալույսի թևերով սրընթաց դեպի հեռուն թռչեմ,Որ ամենահեռավոր ծովի մոտ բնակվեմ,
10 Այնտեղ էլ քո ձեռքն ինձ կուղղորդի,Քո աջը ինձ օգնության կհասնի:+
11 Եթե ասեմ՝ «Խավարն ինձ կթաքցնի»,Այդժամ ինձ շրջապատող մթությունը կլուսավորվի:
12 Խավարն էլ մութ չի լինի քեզ համար,Գիշերը կլինի ցերեկվա պես պայծառ.+
Քեզ համար տարբերություն չկա՝ լույս, թե խավար:+
13 Չէ՞ որ դու ես իմ երիկամները ստեղծել,Մորս արգանդում ինձ պատսպարել:*+
14 Այնքան սքանչելիորեն եմ ստեղծվել,Որ ակնածանքով եմ լցվում և մղվում եմ քեզ գովաբանել:+
Քո գործերը հիասքանչ են,+ և ես դա լավ գիտեմ:
15 Իմ ոսկրերը ծածկված չէին քո աչքից,Երբ կազմավորվեցի անտեսանելի տեղում,Երբ հյուսվեցի մորս արգանդում:+
16 Քո աչքերը տեսնում էին ինձ, անգամ երբ դեռ սաղմ էի:
Քո գրքում գրված էին իմ բոլոր մասերըԵվ դրանց կազմավորման օրերը,Թեև դեռ չկար դրանցից և ոչ մեկը:
17 Ինձ համար անչափ թանկ են քո մտքերը,+Ո՛վ Աստված, անսահման մեծ է մտքերիդ պաշարը:+
18 Մի՞թե կարող եմ դրանք հաշվել. ավազահատիկներից էլ շատ են:+
Երբ քնիցս արթնանամ, դեռ հաշվելիս կլինեմ:*+
19 Ո՛վ Աստված, խնդրում եմ, վերացրու անօրեններին:+
Այդ ժամանակ իմ շուրջն այլևս դաժան* մարդիկ չեն լինի,
20 Մարդիկ, որոնք չարամտորեն քեզ հակառակ բաներ են խոսում,Նրանք քո թշնամիներն են և անունդ անպատշաճորեն են գործածում:+
21 Ո՛վ Եհովա, քեզ ատողներին ես ատում եմ,+Քո դեմ ապստամբողներից զզվում եմ:+
22 Այո՛, կատարյալ ատելություն եմ զգում նրանց հանդեպ,+Նրանք ինձ համար թշնամի են դարձել:
23 Քննիր իմ ողջ էությունը, ո՛վ Աստված,Եվ իմացիր՝ ինչ կա իմ սրտում:+
Զննիր ինձ և իմացիր, թե ինչ մտքեր են ինձ մտահոգում:+
24 Տես՝ չկա՞ իմ մեջ մի բան, որ ինձ տանի վտանգավոր ուղով,+Առաջնորդիր ինձ հավիտենության ճանապարհով:+
Ծանոթագրություններ
^ Կամ՝ «չափազանց ապշեցուցիչ է ինձ համար»:
^ Կամ՝ «անկողին գցեմ գերեզմանում»: Գերեզման. եբր.՝ շեոլ: Բառարանում տես «Գերեզման»:
^ Կամ հնարավոր է՝ «հյուսել»:
^ Բռց.՝ «դեռ քեզ հետ կլինեմ»:
^ Կամ՝ «արյունապարտ»:
