Սաղմոսներ 141։1-10
Դավթի երգը:
141 Ո՛վ Եհովա, ես քեզ եմ կանչում,+Ինձ օգնության շտապիր:+
Երբ դիմում եմ քեզ, իմ ձայնին ականջ դիր:+
2 Թող քեզ ընդունելի լինի իմ աղոթքը,Ինչպես քեզ մատուցվող լավ պատրաստված խունկը,+Եվ իմ աղաչանքները,* ինչպես երեկոյան մատուցվող հացի ընծան:+
3 Ո՛վ Եհովա, հսկիչ դիր իմ բերանին,Պահակ կարգիր իմ շուրթերին:+
4 Մի՛ թող՝ սիրտս հակվի որևէ չար բանի,+Որպեսզի գարշելի բաներ չանեմ չար մարդկանց հետ:
Չեմ ուզում երբևէ ճոխ ուտեստներ վայելել նրանց հետ:
5 Եթե արդարն ինձ հարվածի, դա հավատարիմ սիրո դրսևորում կլինի,+Եթե ինձ խրատի, դա ինձ համար գլխիս լցված յուղ կլինի,+Որը ես երբեք չեմ մերժի:+
Եվ թե չարիքի էլ բախվի, ես կշարունակեմ նրա համար աղոթել:
6 Թեև ժողովրդի դատավորներին ժայռից ցած են գցել,Մարդիկ, միևնույն է, իմ խոսքերին ուշադրություն կդարձնեն,Քանի որ դրանք հաճելի են:
7 Ինչպես որ հերկելիս հողը թափվում է այս ու այն կողմ,Այնպես էլ մեր ոսկորները ցիրուցան են եղել գերեզմանի* եզրերով:
8 Բայց իմ աչքերը քեզ են ուղղված, ո՛վ Գերիշխան Տեր Եհովա:+
Քեզ մոտ եմ գտել ապաստան, մի՛ թող՝ մահանամ:
9 Պաշտպանիր ինձ իմ դեմ լարված թակարդիցԵվ չարագործների ծուղակներից:
10 Անօրենները բոլորն էլ իրենց իսկ ցանցերի մեջ կընկնեն,+Իսկ ես դրանց կողքով ապահով կանցնեմ:
