Սաղմոսներ 146։1-10
146 Գովաբանե՛ք Յահին:*+
Իմ ողջ էությամբ կգովաբանեմ Եհովային:+
2 Իմ ողջ կյանքում Եհովային կփառաբանեմ,Քանի դեռ կամ, իմ Աստծուն կգովերգեմ:*
3 Մի՛ ապավինեք իշխանավորներին,Մարդ արարածին, որը չի կարող փրկություն բերել:+
4 Նրա շունչը* դուրս է գալիս, և նա հետ է դառնում դեպի հողը,+Նույն օրը անհետանում են նրա մտքերը:+
5 Երջանիկ է այն մարդը, որի օգնականը Հակոբի Աստվածն է,+Որի հույսը իր Աստված Եհովան է՝+
6 Նա, ով Ստեղծիչն է երկնքի, երկրի, ծովիԵվ դրանցում եղող ամեն ինչի,+Նա, ով հավիտյան մնում է հավատարիմ,+
7 Ով արդարություն է հաստատում խաբեությունից տուժածների համար,Ով հաց է տալիս քաղցածներին:+
Եհովան ազատում է բանտարկվածներին:*+
8 Եհովան բացում է կույրերի աչքերը,+Եհովան վեր է բարձրացնում վհատությունից կռացածներին,+Եհովան սիրում է արդարներին:
9 Եհովան պաշտպանում է պանդուխտներին,Հոգ է տանում որբերին* ու այրիներին,+Մինչդեռ անօրենների ծրագրերը նա խափանում է:+
10 Եհովան հավիտյան Թագավոր կլինի,+Քո Աստվածը, ո՛վ Սիոն, սերնդեսերունդ կթագավորի:
Գովաբանե՛ք Յահին:
Ծանոթագրություններ
^ Կամ՝ «Ալելո՛ւիա» (եբր.՝ հալելու Յահ): «Յահ» անունը «Եհովա» անվան կրճատ ձևն է:
^ Կամ՝ «նվագակցությամբ կգովերգեմ»:
^ Կամ՝ «ոգին»:
^ Բռց.՝ «կապանքների մեջ եղողներին»:
^ Կամ՝ «անհայր երեխաներին»:
