Սաղմոսներ 148։1-14
148 Գովաբանե՛ք Յահին,*Գովաբանեք Եհովային, ո՛վ երկնքում բնակվողներ,+Գովաբանեք նրան, ո՛վ բարձունքներում ապրողներ:
2 Գովաբանեք նրան, ո՛վ նրա բոլոր հրեշտակներ,+Գովաբանեք նրան, ո՛վ նրա բոլոր զորքեր:+
3 Գովաբանեք նրան, արեգա՛կ ու լուսի՛ն,Գովաբանեք նրան, պայծառափա՛յլ աստղեր:+
4 Գովաբանեք նրան, վսեմագո՛ւյն երկինքներ,*Եվ դուք, երկնքի անձրևաբե՛ր ամպեր:
5 Թող նրանք Եհովայի անունը գովաբանեն,Որովհետև նրա հրամանով են ստեղծվել:+
6 Նա հաստատեց նրանց, որ մնան դարեդար, հավիտյան:+
Նա կանոններ սահմանեց, որոնք միշտ ուժի մեջ կմնան:+
7 Գովաբանեք Եհովային, երկրի վրա՛ ապրողներ,Ծովային հսկա՛ արարածներ և խո՛ր ջրեր,
8 Կայծա՛կ ու կարկո՛ւտ, ձյո՛ւն ու թա՛նձր ամպեր,Փոթորկաշո՛ւնչ քամի, որ կատարում ես նրա խոսքը,+
9 Լեռնե՛ր ու բոլոր բլուրնե՛ր,+Պտղատո՛ւ ծառեր ու բոլոր մայրինե՛ր,+
10 Վայրի՛+ և ընտանի՛ կենդանիներ,Զեռուննե՛ր* ու թռչուննե՛ր,
11 Ո՛վ երկրի թագավորներ ու բոլոր ազգություններ,Ո՛վ իշխաններ ու երկրի բոլոր դատավորներ,+
12 Երիտասարդնե՛ր ու աղջիկնե՛ր,Ծե՛ր ու մանո՛ւկ՝ իրար հետ:
13 Թող բոլորը Եհովայի անունը գովաբանեն,Որովհետև միմիայն նրա անունն է անհասանելիորեն վսեմ:+
Նրա փառահեղությունը երկրից ու երկնքից էլ վեր է:+
14 Իր ժողովրդի զորությունը նա կմեծացնի,Որ փառքով պսակի բոլոր իրեն նվիրվածներին,Իսրայելի որդիներին՝ իր հետ մտերիմ ժողովրդին:
Գովաբանե՛ք Յահին:
Ծանոթագրություններ
^ Կամ՝ «Ալելո՛ւիա» (եբր.՝ հալելու Յահ): «Յահ» անունը «Եհովա» անվան կրճատ ձևն է:
^ Բռց.՝ «երկինքների՛ երկինքներ»:
^ Եբր. բառը, ըստ ամենայնի, վերաբերում է սողուններին և կենդանիների այլ տեսակների, որ ներառված չեն նշված մյուս խմբերում:
