Սաղմոսներ 18։1-50
Նվագավարին: Եհովայի ծառա Դավթի երգը: Այս երգի խոսքերը նա ուղղեց Եհովային, երբ Եհովան ազատեց նրան բոլոր թշնամիների և Սավուղի ձեռքից:+
18 Ջերմորեն սիրում եմ քեզ, ո՜վ Եհովա, իմ զորությո՛ւն:+
2 Եհովան իմ վեմն է, իմ ամրոցը, նա է ինձ փրկում:+
Իմ Աստվածը իմ ժայռն է.+ նրա մոտ եմ ես ապաստանում:
Իմ վահանն է նա, իմ հզոր փրկիչը,* իմ ապահով ապաստանը:+
3 Եհովային եմ կանչում օգնության՝Նրան, ով արժանի է գովաբանության.
Նա ինձ կփրկի իմ թշնամիներից:+
4 Մահվան կապանքներն ինձ օղակեցին,+Հեղեղի պես հորդած անպիտան մարդիկ ինձ սարսափեցրին:+
5 Գերեզմանն* իր կապանքներով ինձ պարուրեց,Մահն իմ առաջ ծուղակներ դրեց:+
6 Իմ նեղության մեջ ես Եհովային կանչեցի,Օգնության աղաղակով շարունակ իմ Աստծուն դիմեցի:
Իր տաճարից նա լսեց իմ ձայնը,+Նրա ականջին հասավ օգնության իմ կանչը:+
7 Այդժամ երկիրը սկսեց ցնցվել, երերալ,+Լեռների հիմքերը սասանվեցին,Նրա բարկությունից ցնցվեցին:+
8 Նրա քթից ծուխ ելավ,Նրա բերանից սպառող կրակ դուրս եկավ,+Եվ բոցավառ ածուխներ ժայթքեցին նրանից:
9 Նա խոնարհեցրեց երկինքը, երբ իջնում էր:+
Նրա ոտքերի տակ թանձր խավար էր:+
10 Նա թռավ-եկավ՝ քերովբե հեծած,+Եվ սրընթաց իջավ՝ ոգեղեն էակի* թևերին նստած:+
11 Հետո իրեն պատեց խավարով՝+Մութ ու թանձր անձրևաբեր ամպերով,Ասես ծածկեց վրանով:+
12 Նրա շուրջը պայծառ լույսեր փայլատակեցին,Եվ ամպերից կարկուտ ու թեժ ածուխներ տեղացին:
13 Երկնքում Եհովան որոտաց,+Բարձրյալն իր ձայնը թնդացրեց,+Կարկուտ ու թեժ ածուխներ թափեց:
14 Նա արձակեց իր նետերն ու թշնամիներիս ցրեց,+Շանթեր տեղաց ու նրանց խուճապի մատնեց:+
15 Ո՛վ Եհովա, քո սաստումից,Քո ռունգերի ահեղ շնչից+Գետերի հատակը երևաց,+Երկրի հիմքերը մերկացան:
16 Բարձունքից նա իր ձեռքը մեկնեց,Բռնեց ինձ ու խոր ջրերից դուրս հանեց:+
17 Նա փրկեց ինձ իմ զորեղ թշնամիներից,+Ինձ ատողներից, որ ուժեղ էին ինձանից:+
18 Իմ նեղության օրը նրանք իմ դեմ դուրս եկան,+Բայց Եհովան աջակից եղավ ինձ:
19 Նա ինձ մի անվտանգ* տեղ բերեց,Փրկեց ինձ, որովհետև հավանեց:+
20 Եհովան ինձ վարձատրում է իմ արդարության համար,+Վարձահատույց է լինում իմ անմեղության* համար,+
21 Որովհետև Եհովայի ճանապարհներից ես չեմ հեռացել,Չարիք չեմ գործել՝ իմ Աստծուն չեմ թողել:
22 Մտքումս պահում եմ նրա բոլոր օրենքները,Ես չեմ անտեսի նրա կանոնները:
23 Նրա առաջ անարատ կմնամ,+Հանցանք գործելուց կզգուշանամ:+
24 Թող Եհովան իմ արդարության համար ինձ հատուցի,+Իր առաջ անմեղ լինելուս համար թող վարձատրի:+
25 Նվիրվածի հետ դու նվիրվածությամբ ես վարվում,+Անարատ մարդու հետ՝ անարատությամբ,+
26 Մաքուրի հետ մաքուր ես,+Իսկ խարդախի հետ՝ խորագետ:+
27 Խեղճ* մարդկանց դու փրկում ես,+Բայց գոռոզներին ցածրացնում ես:+
28 Ո՛վ Եհովա, դու ես վառում իմ ճրագը,Իմ Աստվածն է լուսավորում ինձ շրջապատող խավարը:+
29 Քո օգնությամբ կարող եմ հրոսակախմբի* դեմ կռվել:+
Աստծու զորությամբ կարող եմ պարիսպ մագլցել:+
30 Ճշմարիտ Աստծու ճանապարհը կատարյալ է,+Եհովայի խոսքը մաքուր* է:+
Իր մոտ ապաստանողների համար նա վահան է:+
31 Ո՞վ է Աստված՝ Եհովայից բացի,+Ո՞վ է վեմ՝ մեր Աստծուց բացի:+
32 Ճշմարիտ Աստվածն է ինձ զորացնողը,+Նա կհարթեցնի իմ ճանապարհը:+
33 Ոտքերս եղնիկի ոտքերի պես է դարձնում,Զառիթափ բարձունքի վրա ինձ հաստատուն կանգնեցնում:+
34 Ձեռքերս մարզում է, որ կարողանամ պատերազմել,Բազուկներս կարող են պղնձե աղեղ ծռել:
35 Քո փրկարար վահանով դու ինձ պաշտպանում ես,+Զորավոր* ձեռքով ինձ աջակցում ես,Քո խոնարհությամբ ինձ բարձրացնում ես:+
36 Դու ընդարձակում ես ճանապարհը ոտքերիս,Այնպես որ ես չեմ սայթաքի քայլելիս:+
37 Թշնամիներիս կհետապնդեմ ու վրա կհասնեմԵվ հետ չեմ դառնա, մինչև որ նրանք չբնաջնջվեն:
38 Նրանց այնպես կջախջախեմ, որ էլ ոտքի չկանգնեն.+
Նրանք իմ ոտքերի տակ կընկնեն:
39 Կռվի համար ինձ զորությամբ կզինես,Իմ ոսոխներին ոտքերիս տակ կգցես:+
40 Իմ առաջ փախուստի կմատնես իմ թշնամիներին,*Եվ ես կվերացնեմ* ինձ ատողներին:+
41 Նրանք աղաղակում են օգնության համար, բայց փրկող չկա:
Նույնիսկ Եհովային են կանչում, բայց նա չի պատասխանում:
42 Ես նրանց հողմացրիվ փոշի կդարձնեմ,Փողոցի ցեխի պես նրանց դուրս կշպրտեմ:
43 Մարդկանց մեղադրանքից դու ինձ կազատես,+Ազգերի գլուխ կդարձնես:+
Ժողովուրդը, որին չեմ ճանաչել, կծառայի ինձ:+
44 Հենց միայն լսելով իմ մասին՝ օտարազգիները ինձ կենթարկվենԵվ իմ առաջ ստրկաբար կխոնարհվեն:+
45 Նրանք իրենց քաջությունը կկորցնեն*Եվ դողալով իրենց ամրոցներից դուրս կելնեն:
46 Կենդանի Աստված է Եհովան:
Իմ Վեմը թող գովաբանվի,+Ինձ փրկող Աստվածը թող մեծարվի:+
47 Ճշմարիտ Աստված ինձ համար վրեժխնդիր է լինում,+Ժողովուրդներին ինձ է հպատակեցնում
48 Եվ փրկում է ինձ իմ կատաղի թշնամիներից:
Դու ինձ վեր ես հանում, որ հարձակվողները չհասնեն ինձ,+Եվ ազատում ես բռնարար մարդու ձեռքից:
49 Դրա համար, ո՛վ Եհովա, ազգերի մեջ քեզ կփառաբանեմ+Եվ քո անունը կգովերգեմ:*+
50 Նա մեծ հաղթանակներով* փրկում է իր թագավորին,+Հավատարիմ սիրով է սիրում իր օծյալին՝+Դավթին ու նրա սերնդին հավիտյան:+
Ծանոթագրություններ
^ Եբր.՝ շեոլ: Բառարանում տես «Գերեզման»:
^ Կամ՝ «քամու»:
^ Կամ՝ «լայնարձակ»:
^ Բռց.՝ «ձեռքերի մաքրության»:
^ Կամ՝ «Տառապյալ»:
^ Թալանելու նպատակով արշավանքի դուրս եկած զինված մարդկանց խումբ:
^ Կամ՝ «զտված»:
^ Բռց.՝ «Աջ»:
^ Բռց.՝ «Իմ թշնամիների ծոծրակը կտաս ինձ»:
^ Բռց.՝ «կլռեցնեմ»:
^ Կամ՝ «կթուլանան»:
^ Կամ՝ «նվագակցությամբ կգովերգեմ»:
^ Կամ՝ «գործերով»:
