Սաղմոսներ 19։1-14
Նվագավարին: Դավթի երգը:
19 Երկինքը Աստծու փառքն է հռչակում,+Եվ երկնակամարը նրա ձեռքի գործի մասին է պատմում:+
2 Ամեն օր նրանցից գովասանքի խոսքեր են բխում,Ամեն գիշեր նրանք Աստծու մասին գիտելիքներ են հայտնում:
3 Անխոս ու անբարբառ են պատմում,Նրանցից ձայն չի լսվում:
4 Նրանց վկայությունը ողջ երկրով մեկ է տարածվել,*Նրանց պատմածը աշխարհի ծայրերն է հասել:+
Արևի համար Աստված վրան կանգնեցրեց երկնքում.
5 Այն դուրս է գալիս,Ինչպես փեսան՝ ամուսնական ննջարանից,Եվ զորավոր մարդու պես՝ հրճվանքով վազում է իր ուղին:
6 Այն դուրս է գալիս երկնքի մի ծայրիցԵվ իր պտույտն ավարտում մյուս ծայրում:+
Ոչինչ չի ծածկվում նրա ջերմությունից:
7 Եհովայի օրենքը կատարյալ է,+ վերականգնում է մարդու ուժերը:+
Եհովայի սովորեցրածը* վստահարժան է,+ անփորձին իմաստուն է դարձնում:+
8 Եհովայի հրահանգները արդար են, ուրախացնում են սիրտը,+Եհովայի պատվիրանները անարատ են, լուսավորում են աչքերը:+
9 Եհովայի հանդեպ վախը+ մաքուր է,* այն հարատև է:
Եհովայի վճիռները ճիշտ են, լիովին արդարացի:+
10 Այս բոլորը ավելի ցանկալի են, քան ոսկին,Քան մեծաքանակ զտված ոսկին,+Եվ ավելի քաղցր են, քան մեղրը,Քան մեղրամոմից ծորացող մեղրը:+
11 Դրանք քո ծառային սխալ ուղուց հետ են պահում,+Դրանք պահողները մեծ վարձատրություն են ստանում:+
12 Ո՞վ կարող է նկատել իր բոլոր սխալները:+
Ներիր իմ չգիտակցված մեղքերը:
13 Հետ պահիր ծառայիդ հանդուգն վարքից,+Թույլ մի՛ տուր, որ այն իշխի ինձ:+
Այդ ժամանակ ես կլինեմ անբիծ+Եվ զերծ կմնամ ծանր մեղքերից:*
14 Թող բերանիս խոսքերը և խորունկ մտքերսՀաճելի լինեն քեզ,+ ո՛վ Եհովա, իմ Ժա՛յռ,+ իմ Փրկի՛չ:*+
Ծանոթագրություններ
^ Կամ հնարավոր է՝ «Նրանց չափման լարը ողջ երկրով մեկ է ձգվել»:
^ Կամ՝ «հիշեցումը»:
^ Այսինքն՝ ամեն առումով լավ է:
^ Կամ՝ «շատ հանցանքներից»:
^ Կամ՝ «Փրկագնո՛ղ»:
