Սաղմոսներ 27։1-14
Դավթի երգը:
27 Եհովան իմ լույսն+ ու իմ փրկությունն է.
Ումի՞ց պիտի վախենամ:+
Եհովան կյանքս պաշտպանող ամրոցն է.+
Ումի՞ց պիտի սարսռամ:
2 Երբ չար մարդիկ հարձակվեցին, որ ինձ հոշոտեն,+Այդ թշնամիները, այդ ոսոխները իրե՛նք սայթաքեցին ու ընկան:
3 Եթե մի ամբողջ զորք բանակ դնի իմ դեմ,Սիրտս ահ չի զգա:+
Եթե պատերազմ էլ սկսեն իմ դեմ,Վստահությունս, միևնույն է, անխախտ կմնա:
4 Եհովայից խնդրածս մի բան է,Սրտիս փափագը այն է,Որ կյանքիս բոլոր օրերում Եհովայի տանը բնակվեմ,+Եհովայի վայելչությունը տեսնեմ,Հիացմունքով* նրա տաճարին* նայեմ:+
5 Աղետի օրը նա ինձ իր ապաստանում կպատսպարի,+Ծածուկ տեղում՝ իր վրանում, կթաքցնի,+Բարձր ժայռի վրա կկանգնեցնի:+
6 Ինձ շրջապատող թշնամիների մեջ հիմա ես հաղթանակել եմ:*
Նրա խորանում ուրախ բացականչություններով զոհեր կմատուցեմ:
Ես Եհովային կգովերգեմ:*
7 Երբ քեզ կանչեմ, ո՛վ Եհովա, դու ինձ լսիր,+Բարեհաճ եղիր ու պատասխանիր:+
8 Սիրտս կրկնում է քո խոսքերը.
«Իմ հավանությունը* փնտրեք»:
Այո՛, Եհո՛վա, ես քո հավանությունը կփնտրեմ:+
9 Ինձնից երես մի՛ թեքիր,+Բարկությամբ լցված՝ մի՛ մերժիր ծառայիդ:
Դու իմ օգնականն ես:+
Իմ Աստվա՛ծ, իմ Փրկի՛չ, ինձ մի՛ թող, մի՛ լքիր:
10 Թե հայրս ու մայրս էլ լքեն ինձ,+Եհովան կընդունի ինձ:+
11 Եհո՛վա, սովորեցրու ինձ քո ուղին,+Ինձ ճիշտ ճանապարհով առաջնորդիրԵվ թշնամիներից պաշտպանիր:
12 Ինձ իմ ոսոխների ձեռքը մի՛ հանձնիր.+
Իմ դեմ սուտ վկաներ են դուրս եկել+Եվ սպառնում են հաշվեհարդար տեսնել:
13 Որտե՞ղ կլինեի, եթե չհավատայի,*Որ Եհովայի բարությունը կվայելեմ, քանի դեռ ողջ եմ:+
14 Հույսդ Եհովայի վրա դիր,+Քաջ եղիր և սրտապնդվիր:+
Այո՛, հույսդ Եհովայի վրա դիր:
Ծանոթագրություններ
^ Կամ՝ «Խորհրդածելով»:
^ Կամ՝ «սրբարանին»:
^ Կամ՝ «նվագակցությամբ կգովերգեմ»:
^ Բռց.՝ «գլուխս բարձր է»:
^ Բռց.՝ «երեսը»:
^ Կամ հնարավոր է՝ «Ես հաստատ հավատում եմ»: