Սաղմոսներ 30։1-12
-
Սուգը ուրախության է վերածվում
-
Աստծու բարությունը մարդու հանդեպ ողջ կյանքում է դրսևորվում (5)
-
Երգ՝ տան հանդիսավոր բացման առթիվ: Դավթի երգը:
30 Ես կմեծարեմ քեզ, ո՛վ Եհովա, քանի որ դու ինձ փրկեցիր,Դու չթողեցիր, որ թշնամիներս ինձ վրա չարախնդան:+
2 Ո՛վ Եհովա, իմ Աստվա՛ծ, քեզ օգնության կանչեցի,Եվ դու ինձ բուժեցիր:+
3 Եհո՛վա, դու ինձ* գերեզմանից* հանեցիր,+Կյանքս պահպանեցիր, փոսն իջնելուց փրկեցիր:+
4 Եհովային նվիրվածնե՛ր, նրան գովերգեք,*+Նրա սուրբ անունը* փառաբանեք,+
5 Քանի որ նրա բարկությունը լոկ մեկ ակնթարթ է տևում,+Իսկ նրա բարությունը մարդու հանդեպ ողջ կյանքում է դրսևորվում:+
Թե երեկոյան լաց էլ լինենք,Առավոտյան ուրախ կբացականչենք:+
6 Երբ դեռ չէի բախվել դժվարության,Ասում էի. «Ես միշտ կմնամ անսասան»:
7 Ո՛վ Եհովա, երբ քո բարությունն էի վայելում,Ես սարի պես ամուր էի:+
Բայց երբ երեսդ շրջեցիր,Վախով համակվեցի:+
8 Եհո՛վա, շարունակ քեզ եմ օգնության կանչում+Եվ քեզնից, ո՛վ Եհովա, բարեհաճություն եմ աղերսում:
9 Ի՞նչ օգուտ, եթե մեռնեմ,*Ի՞նչ օգուտ, եթե գերեզման իջնեմ.+
Չէ՞ որ հողը քեզ չի գովաբանի,+Քո հավատարմության մասին չի պատմի:+
10 Լսիր ինձ, Եհո՛վա, իմ հանդեպ բարեհաճ եղիր:+
Ո՛վ Եհովա, ինձ օգնական եղիր:+
11 Սուգս դու պար դարձրիր,Քուրձս հանեցիր և ուրախության հանդերձ հագցրիր,
12 Որ լուռ չմնամ ու քեզ գովերգեմ:
Ո՛վ Եհովա, իմ Աստվա՛ծ, հավերժ քեզ կփառաբանեմ:
Ծանոթագրություններ
^ Կամ՝ «իմ հոգին»:
^ Եբր.՝ շեոլ: Բառարանում տես «Գերեզման»:
^ Կամ՝ «նվագակցությամբ գովերգեք»:
^ Բռց.՝ «հիշատակը»:
^ Կամ՝ «Ի՞նչ օգուտ իմ արյունից»: