Սաղմոսներ 31։1-24
Նվագավարին: Դավթի երգը:
31 Ո՜վ Եհովա, քեզ մոտ եմ ես գտել ապաստան,+Թող որ երբեք ամոթով չմնամ:+
Ազատիր ինձ, չէ՞ որ դու արդար ես:+
2 Կռացիր ու ինձ լսիր,*Ինձ փրկելու շտապիր,+Ինձ համար ժայռեղեն թաքստոց դարձիր,Ինձ փրկող ամրություն եղիր:+
3 Դու իմ վեմն ու իմ ամրոցն ես,+Հանուն քո անվան՝+ ինձ կուղղորդես ու կառաջնորդես:+
4 Իմ դեմ լարված գաղտնի թակարդից դու ինձ կազատես,+Չէ՞ որ դու իմ ամրոցն ես:+
5 Քո ձեռքն եմ հանձնում իմ կյանքը:*+
Դու փրկագնել ես ինձ, ո՛վ Եհովա, հավատարի՛մ Աստված:*+
6 Ես ատում եմ անօգուտ և փուչ կուռքեր պաշտողներին,Ես ապավինում եմ Եհովային:
7 Քո հավատարիմ սիրով եմ ցնծալու.
Դու տեսնում ես իմ տառապանքը,+Գիտես իմ հոգու խոր վիշտը:
8 Ինձ թշնամու ձեռքը չհանձնեցիր,Այլ ապահով տեղում ինձ կանգնեցրիր:
9 Ո՛վ Եհովա, բարեհաճ եղիր իմ հանդեպ.
Ես նեղության մեջ եմ,Աչքերս+ ու ողջ մարմինս*+ վշտից տկարացել են:
10 Տառապանքից կյանքս մաշվում է,+Տարիներս հառաչանքով են անցնում:+
Մեղքերիս պատճառով ուժս քամվում է,Ոսկրերս հալումաշ են լինում:+
11 Ինձ արհամարհում են թշնամիներս,+Իսկ ավելի շատ՝ հարևաններս,Ծանոթներս ինձնից խորշում են,Հանրության մեջ ինձ տեսնելիս փախչում են:+
12 Իրենց սրտից հանել են ինձ ու մոռացել են,Նրանց համար ասես մեռած եմ,Ասես կոտրված մի սափոր եմ:
13 Իմ մասին չարախոսություններ եմ լսում,Ինձ ամեն կողմից ահաբեկում են:+
Երբ նրանք իմ դեմ են համախմբվում,Ծրագրում են, թե ինչպես կյանքս կործանեն:+
14 Բայց ես, ո՜վ Եհովա, ապավինում եմ քեզ,+Ես ասում եմ. «Իմ Աստվածը դու ես»:+
15 Կյանքս քո ձեռքում է,Ազատիր ինձ իմ թշնամիներից,Փրկիր ինձ հալածողներից:+
16 Ծառայիդ հանդեպ բարեհաճ եղիր,*+Հավատարիմ սեր դրսևորիր ու ինձ փրկիր:
17 Ո՛վ Եհովա, երբ քեզ օգնության կանչեմ,Մի՛ թող՝ ամոթով մնամ:+
Թող անօրեններն ամաչեն,+Թող գերեզմանում* լռության մատնվեն:+
18 Թող պապանձվեն ստախոսները,+Արդարի դեմ հանդգնորեն խոսողները՝Անարգանքով և մեծամտորեն խոսողները:
19 Այնքա՜ն առատ է քո բարությունը.*+
Այն քեզնից վախեցողների համար ես կուտակում:+
Ի տես բոլոր մարդկանց՝ այն դրսևորում եսՆրանց հանդեպ, ովքեր քեզ են ապավինում:+
20 Դու նրանց քեզ մոտ՝ ծածուկ տեղում կթաքցնես,+Որ մարդկանց դավերից պաշտպանես:
Դու նրանց քո ապաստանում կպահես,Որ չարամիտների հարձակումներից* պատսպարես:+
21 Փա՜ռք Եհովային,Նա հավատարիմ սեր ցույց տվեց.+
Երբ ես պաշարված քաղաքում+ էի,Զարմանահրաշ բաներ արեց:
22 Ես խուճապի մեջ էի ու ասում էի.
«Ընդմիշտ կվերանամ քո առաջից»:+
Բայց դու աղաչանքներս լսեցիր,Երբ քեզ օգնության կանչեցի:+
23 Սիրե՛ք Եհովային, նրան նվիրվածնե՛ր:+
Եհովան հավատարիմներին պահպանում է,+Բայց գոռոզներին լիովին հատուցում է:+
24 Քա՛ջ եղեք և սրտապնդվե՛ք,+Դուք բոլո՛րդ, Եհովայի՛ն սպասողներ:+
Ծանոթագրություններ
^ Կամ՝ «Դեպի ինձ խոնարհեցրու ականջդ»:
^ Կամ՝ «ճշմարտությա՛ն Աստված»:
^ Կամ՝ «ոգին»:
^ Կամ՝ «Աչքերս, հոգիս ու որովայնս»:
^ Կամ՝ «Թող քո երեսի լույսը շողա ծառայիդ վրա»:
^ Եբր.՝ շեոլ: Բառարանում տես «Գերեզման»:
^ Բառարանում տես «Բարեսիրություն»:
^ Կամ՝ «չար լեզուներից»:
