Սաղմոսներ 33։1-22
33 Ո՛վ արդարներ, Եհովայի արածների համար ուրախ երգեք:+
Ուղղամիտներին վայել է նրան գովերգել:
2 Եհովայի համար շնորհակալական երգ երգեք քնարով,Փառաբանեք նրան տասնալար տավիղով:
3 Նոր երգով նրան գովերգեք,+Լարերի վրա հմտորեն նվագելով՝ ցնծությամբ երգեք:
4 Չէ՞ որ Եհովայի խոսքը ճշմարիտ է,+Նա իր բոլոր գործերում վստահարժան է:
5 Եհովան արդարություն է սիրում և արդար է դատում:+
Երկրի վրա ամեն ինչում նրա հավատարիմ սերն է երևում:+
6 Եհովայի խոսքով է երկինքն արարվել,+Այնտեղ ամեն ինչ* նրա շնչով* է ստեղծվել:
7 Ծովի ջրերը նա արգելափակում է ասես պատնեշով,+Ալեկոծ ջրերը ջրամբարների մեջ է հավաքում:
8 Թող ողջ երկիրը վախենա Եհովայից,+Երկրի բոլոր բնակիչները թող ակնածեն նրանից:
9 Նա ասաց, և ամեն ինչ ստեղծվեց,+Նա հրամայեց, և ամեն ինչ հաստատվեց:+
10 Եհովան ձախողում է ազգերի նենգ դավերը,+Խափանում է ժողովուրդների ծրագրերը:+
11 Իսկ Եհովայի որոշածը անխախտ կմնա հավիտյան,+Նրա մտադրությունները սերնդեսերունդ անփոփոխ կմնան:
12 Երջանիկ է այն ազգը, որի Աստվածը Եհովան է,+Այն ժողովուրդը, որին նա ընտրել է և իրենն է դարձրել:*+
13 Եհովան երկնքից նայում է,Բոլոր մարդկանց տեսնում է,+
14 Իր բնակավայրից ուշադիր դիտում է երկրի բնակիչներին:
15 Նա բոլորի սրտերը ձևավորողն է,Նրանց բոլոր գործերը քննում է:+
16 Թագավորի փրկությունը կախված չէ իր մեծ զորքից,+Զորեղ մարդու փրկությունը կախված չէ իր մեծ ուժից:+
17 Անիմաստ է փրկվելու* համար ձիու վրա հույս դնել,+Ինչ ուժի տեր էլ այն լինի, մեկ է, չի կարող ազատել:
18 Եհովան իր աչքը իրենից վախեցողների վրա է պահում,+Նրանց վրա, ովքեր իր հավատարիմ սիրուն են ապավինում,
19 Որ նրանց մահից փրկի,Սովի ժամանակ ողջ պահի:+
20 Մենք Եհովայից ենք օգնություն սպասում:
Նա է մեր օգնականն ու մեր վահանը:+
21 Մեր սիրտը նրանով է ցնծում,Մենք ապավինում ենք նրա սուրբ անվանը:+
22 Ո՛վ Եհովա, թող որ վայելենք քո հավատարիմ սերը.+
Չէ՞ որ սպասում ենք քո օգնությանը:+
Ծանոթագրություններ
^ Բռց.՝ «ողջ զորքը»:
^ Բռց.՝ «բերանի ոգով»:
^ Բռց.՝ «իր ժառանգությունն է դարձրել»:
^ Կամ՝ «հաղթանակի»:
